သူ မသိသောအခြားတစ်ဖက်၌ ( Part - 36 )
〰〰〰〰〰"မေမေ.. မေမေ.. ဖွေးကိုကြည့်ပါဦး"
"အခုချက်ချင်းပြန်ဖို့ပြင်"
"ဖွေးမလိုက်ဘူး အဲ့လိုပဲ မေမေလည်းမပြန်ပါနဲ့"
"မြူဖွေးဖွေးဖြူ"
"ဖွေး ဖေဖေနဲ့အခုမှနေခွင့်ရမှာ မေမေအဲ့လောက်ထိမရက်စက်ပါနဲ့ ဖေဖေသက်ရှိထင်ရှားရှိနေရဲ့သားနဲ့ ဖွေး ဖေဖေနဲ့နေချင်သေးတယ်"
ထိုစကားကိုကြားတော့ မြူရင်နာမိသွားပြီး သမီးကိုအလိုလိုက်ရမလားဟု ယိုင်နဲ့နဲ့အတွေးလေး ထပ်ဝင်လာပြန်သည်။
သမီးဟာ သူ့အဖေကိုဘယ်လောက်ထိခင်တွယ်နေသလဲ..."နင် သူတို့မိသားစုအကြောင်းဘာသိလို့လဲ ဖွေး မေမေ့ကိုဘယ်လောက်ထိရက်စက်ခဲ့ကြလဲ စာစီပြရဦးမလား"
မေမေက ဖွေးစကားကိုနားမထောင်ဘဲ အိတ်ထဲကိုသာ ပစ္စည်းတွေထည့်နေရင်း ဖွေးကိုလည်းဆူပူမပျက်။
မေမေနဲ့ဖွေးဟာ ခုလိုခဏခဏ ကတောက်ကဆဖြစ်ရသည်ဆိုပေမယ့် မေမေ့ကိုချစ်သလို မေမေ့စကားကိုလည်း နားထောင်ချင်ပါသည်။
သို့သော် ဖွေး ဖေဖေနဲ့လည်းနေချင်သေးပြန်သည်။"အန်တီခေတ် ဘယ်လောက်ထိယုတ်မာခဲ့လဲသိလား မေမေ့ကို ခမ်းနဲ့သဘောတူသလိုတွေလုပ်ပြီး ညည်းကို ကိုယ်ဝန်ရှိကာမှ တခြားမိန်းမတစ်ယောက်နဲ့ လက်ထပ်ပေးဖို့ကြံစည်နေခဲ့မှန်းသိရတာ ဒါကိုမေမေကစိတ်မနာရဘူးလား"
နာကြည်းရိပ်စွန်းထင်းသော မေမေ့လေသံတွေက တုန်ယင်နေကာ ထိုအကြောင်းတွေသည်ဖွေးမသိခဲ့သော မေမေ့ရဲ့အတိတ်မို့ ငြိမ်သက်ရင်းနားထောင်နေလိုက်သည်။
"မေမေ့ကို အိမ်အကူသာသာမိန်းမတဲ့
အဲ့ဒါမှန်တယ် မေမေမငြင်းပါဘူး ခမ်းဆီကထွက်သွားဖို့ အိမ်တွေခြံတွေထိုးပေးသေးတာ မေမေက အဲ့ဒါတွေမက်လို့ ခမ်းကိုချစ်တယ်လို့ထင်နေတာ
အဲ့လိုသိသိသာသာ မသိမသာတွေနဲ့ မေမေ့ကိုမောင်းထုတ်ချင်နေတာတောင်မှ မေမေ သမီးအဖေဆီမှာကပ်တွယ်နေသေးသင့်လား ဖွေး""မေမေရယ်"
"သမီး အဲ့ဒီကောင်လေးနဲ့လက်ထပ်ပြီဆိုပါစို့ မေမေ့ကို တစ်ချိန်လုံးအထင်အမြင်သေးခဲ့တဲ့ အန်တီခေတ်က သမီးကိုရော အဲ့လိုတွေမလုပ်ပါဘူးလို့ မေမေ အာမ မခံဘူး ဖွေး
မေမေခံစားခဲ့ရသမျှကို သမီးမခံစားရစေချင်ဘူး အဲ့ဒါရောမေမေမှားသလား"
YOU ARE READING
သူ မသိသောအခြားတစ်ဖက်၌
Romanceနင် ငါနဲ့ပဲနေရမယ်၊ နင့်ကိုငါပဲပိုင်ရမယ်••• ငါ မသိတဲ့နင့်ရဲ့တခြားတစ်ဖက်မှာ ဘာတွေပဲရှိနေ ရှိနေ ငါမသိချင်ဘူး..... ငါသိတာက နင်က ငါ့အပိုင်ပဲ Start Date - 21 April 2022 End Date - 22 May 2022