သူ မသိသောအခြားတစ်ဖက်၌ ( Part - 19 )
〰〰〰〰〰"နှစ်တွေကြာနေကာမှ ဖွေးရယ်"
အိမ်ရှင်မိသားစုနှင့် ဖွေးသည် အတော်လေးရင်းနှီးနေပြီမို့ မေမေ့အကြောင်းဖွင့်ဟပြောပြကာ အားပျက်ဖွယ်ညည်းညူမိတော့ ဖွေးကိုကူညီဖို့ကြံစည်ကြလေ၏။
ဖြစ်နိုင်ချေရှိသောအကြံဉာဏ်တွေလည်း ပေးကြတာမို့ ဖွေးရဲ့မျှော်လင့်ချက်ဟာ ပြန်ပြီးအသက်ဝင်လာခဲ့သည်။"လွန်ခဲ့တဲ့၁၈နှစ်ဆိုရင်တော့ ဆယ်အိမ်မှူးတွေ၊ ရာအိမ်မှူးတွေရှိဦးမလားပဲ သူတို့ဆီမှာစုံစမ်းရင်ရော"
"မဖြစ်နိုင်တာဟယ် မြို့နယ်တစ်ခုမှာ ရပ်ကွက်ဘယ်နှခုရှိမှာလဲ စဥ်းစားကြည့်ဦး"
"အင်း ဟုတ်သား"
"တကယ်လို့များ ဖွေးအဖေက ဖွေးတို့သားအမိကိုရှာခဲ့မယ်ဆိုရင် သတင်းစာသုံးရမှာမလား သတင်းစာထဲထည့်ပြီးကြေညာမှာပဲလေ သတင်းစာတွေပြန်ရှာမလား"
အိမ်ရှင်အစ်မကြီးပြောသောဒီအကြံဟာမဆိုးတာမို့ ဖွေးဝမ်းသာအားရဖြစ်သွားသည်။
ဖေဖေဟာ ဖွေးတို့ကိုရှာခဲ့သလား၊ မရှာခဲ့ဘူးလားဆိုတာ တစ်ခါတည်းအဖြေပေါ်ပြီးသားမို့ စက္ကူရောင်းသည့်အဟောင်းဆိုင်တွေကို တစ်ဆိုင်ဝင်တစ်ဆိုင်ထွက် ဖွေးလိုက်မေးကြည့်မိသည်။
ပင်ပန်းပေမယ့် ဖွေးကတော့ မမောခဲ့…"2003 2004ဝန်းကျင်လောက်က သတင်းစာတွေလိုချင်လို့"
"အဲ့ဒါမျိုးတော့ သပ်သပ်စုမထားဘူး"
"ဒါဆိုစုထားပေးလို့ရမလား ဦး"
ဖွေး အားတက်သရောတောင်းဆိုတော့ ဆိုင်ရှင်ဦးလေးကြီးက အင်းအဲမလုပ်ဘဲ မကြားသလိုလုပ်နေ၍ ဖွေးစိတ်ထဲဝမ်းနည်းသွားသည်။
ဖွေး ဖေဖေနဲ့တွေ့ရဖို့အဲ့လောက်ခက်ခဲနေသလား.."ကူညီပါဦးလေးကြီးရယ် ဖွေး ဖေဖေ့ကိုရှာချင်လို့ပါ တစ်ခါမှလည်းမမြင်ဖူးတော့ ဖွေး ရှာရခက်နေလို့ပါ နော်"
ဖွေးမျက်ရည်လေးဝဲကာ လက်အုပ်လေးချီပြီး တောင်းဆိုတော့မှ ဆိုင်ရှင်ဦးလေးကြီးက သနားသွားဟန်ဖြင့် သတင်းစာတွေကိုရသလောက် စုထားပေးမည်ဟု ပြော၏။
အကယ်၍များ မေမေ့ဆီက တစ်စုံတစ်ခုလောက်ကြားဖြစ်ခဲ့ရင်တောင် ဖွေးခုလောက်ပင်ပန်းအလုပ်ရှုပ်ရမှာမဟုတ်။
YOU ARE READING
သူ မသိသောအခြားတစ်ဖက်၌
Romanceနင် ငါနဲ့ပဲနေရမယ်၊ နင့်ကိုငါပဲပိုင်ရမယ်••• ငါ မသိတဲ့နင့်ရဲ့တခြားတစ်ဖက်မှာ ဘာတွေပဲရှိနေ ရှိနေ ငါမသိချင်ဘူး..... ငါသိတာက နင်က ငါ့အပိုင်ပဲ Start Date - 21 April 2022 End Date - 22 May 2022