သူ မသိသောအခြားတစ်ဖက်၌ ( Part - 6 )
〰〰〰〰〰
စောစောလာဆို၍ ၆နာရီလောက်ကတည်းက ရေထချိုးကာ ခမ်းဆီရောက်လာပေမယ့် မြူရောက်တော့မှ သူကနိုးလေသည်။
သူစားချင်သည်ဆို၍ ဒေါ်လေးမိထည့်ပေးလိုက်သောထမင်းကြော်ဘူးလေးကို စားပွဲပေါ်ချလိုက်သည်။
ခမ်းကရေချိုးပြီးဝတ်မည့် အဝတ်အစားတွေကို သူ့ဘာသာရွေးမည်ဆို၍ မြူက စားပွဲပေါ်ကသူ့ပစ္စည်းတွေကိုပဲ နေရာတကျပြန်စဥ်ထားလိုက်သည်။
အပြင်မှာထိုင်စောင့်နေရင်း ခမ်းက နာရီပတ်ကာ ထွက်လာတော့ သူ့ပုံစံကို မြူတိတ်တခိုးသဘောကျမိသည်။
ခါတိုင်းလိုရှပ်အင်္ကျီနဲ့စတိုင်ပင်န်မဟုတ်ဘဲ တီရှပ်နှင့်လီနင်သားဘောင်းဘီတိုဝတ်ထားကာ ရှူးဖိနပ်ပါးလေးနဲ့မို့ ပေါ့ပေါ့ပါးပါးပင်။
အရပ်ရှည်သည့်သူက ဘောင်းဘီတိုဝတ်တော့လည်းကြည့်ကောင်းနေပြန်သည်။
"ဒီနေ့တော့ဘော်ဒါတွေဖြစ်ရအောင် ငါ့ကိုတဟုတ်ဟုတ်နဲ့သင်္ဘောမောင်းသလိုပြန်မဖြေနဲ့ အပြင်လိမ့်မယ်"
ဟိုးအရင်ကလို ရင်းနှီးမှုတွေဖြင့်စကားပြောလာတော့ မြူပိုပြီးပျော်သွားပြီး ခေါင်းလေးညိတ်လိုက်သည်။
သူ ဟိုတစ်ရက်က ကိစ္စအတွက် မြူ့ကိုအလျှော့ပေးချင်ပုံလည်းရသည်။
မြူ ကားသွားယူပြီးတော့ သူကဒေါ်လေးမိထည့်ပေး လိုက်သည့်ထမင်းကြော်ဘူးလေးကို ဖွင့်စားရင်း ကျန်နေခဲ့သည်။
အိမ်ရှေ့မှာကားရပ်တော့ driverနေရာမှာထိုင်နေသော မြူကိုတွန်းထုတ်ပစ်ကာ တစ်ဖက်ကိုမေးငေါ့ပြီး…
"ဟိုဘက်သွား"
ဆို၍ မြူအံ့သြပြီးရင်းအံ့သြရလေသည်။
တကယ်ဆို မြူတို့အရွယ်က ကဲချင်တိုင်းကဲလို့ရသည့်အရွယ်ပေမယ့် ခမ်းနားကအလုပ်ထဲမှာ အထက်ကနေရသူ။
မြူကလည်း သူ့အနားအရိပ်လိုရှိနေရသူမို့ လွတ်လွတ်လပ်လပ်ပျော်ပါးမှုက မြူတို့တစ်ခါတစ်လေမှလုပ်ဖြစ်သောအရာ ဖြစ်လေသည်။
ကားပေါ်မှာလည်း အလုပ်လုပ်တတ်သည့်ခမ်းကို အန်တီခေတ်က ကားမမောင်းခိုင်း၍ သူလည်းတစ်ခါမှမမောင်း။
ခုမှသာ…
"မြူ ငါတို့ရုပ်ရှင်ကြည့်မလား"
"ကြာမှာပေါ့"
YOU ARE READING
သူ မသိသောအခြားတစ်ဖက်၌
Romanceနင် ငါနဲ့ပဲနေရမယ်၊ နင့်ကိုငါပဲပိုင်ရမယ်••• ငါ မသိတဲ့နင့်ရဲ့တခြားတစ်ဖက်မှာ ဘာတွေပဲရှိနေ ရှိနေ ငါမသိချင်ဘူး..... ငါသိတာက နင်က ငါ့အပိုင်ပဲ Start Date - 21 April 2022 End Date - 22 May 2022
