သူ မသိသောအခြားတစ်ဖက်၌ ( Part - 38 ) ဇာတ်သိမ်းပိုင်း
〰〰〰〰〰
"မေမေ မြည်းကြည့်ဦး ဘာလိုသေးလဲ"
သမီးက ဇွန်းကိုမြူ့အနားတိုးပေးတော့ နည်းနည်းမြည်းကြည့်ရင်း အရသာခံလိုက်သည်။
မြူရော၊ သမီးပါ မီးဖိုဆောင်ဝင်နေကြကာ မြူ့လက်ရာစားချင်သည်ဟု ပူဆာထားသော ခမ်းကြောင့်ဖြစ်သည်။
"ဆားနည်းနည်းထည့်ရမယ် ထားလိုက်တော့ မေမေလုပ်လိုက်မယ် သမီးဘွားဘွားနဲ့ ဖေဖေ့ကိုသွားခေါ်ချေ စားလို့ရပြီ"
"မေမေ့သားမက်ကိုလည်း စကားထဲထည့်ပြောပါဦး"
"ပြောစရာလား ငါ့သမီးကလေးသာသာလေးကို ရအောင်ခိုးသွားတာ"
"ဖွေးလည်းလိုက်ချင်လို့ပါ"
"အမလေးနော် မပြောချင်ဘူးမိဖွေးကတော့.. သွားခေါ်ချေတော့ သမီးဘွားဘွား၊ သမီးဖေဖေနဲ့ သမီးယောကျာ်းကိုရော"
"ဟီး.. ဟုတ်"
ထမင်းစားခန်းဝရောက်နေပြီဖြစ်သော ခမ်းဆီက ရယ်သံကြားလိုက်ရ၍ မြူလှည့်ကြည့်မိတော့ သမီးက ခမ်းအနားလှစ်ခနဲရောက်သွားသည်။
"ဖေဖေ ထမင်းစားရအောင်"
အဖြူရောင်ဂါဝန်လေးဖြင့် သမီးမျက်နှာလေးပြုံးပျော်နေကာ ခမ်းရဲ့လက်တစ်ဖက်ကိုဆွဲကိုင်လိုက်သည်မို့ မြူ ပြုံးပြီးကြည့်နေလိုက်သည်။
သမီးဟာ အခုချိန်ထိ ကလေးဆန်နေဆဲဖြစ်ပြီး အခုမှအတူနေခွင့်ရသည့်ခမ်းကိုလည်း ချွဲနေတာမပြီးနိုင်။
ခမ်းကလည်း အခုမှပြန်ဆုံရသည့်ဒီသမီးကို အရိပ်တကြည့်ကြည့်ရှိသလို ပြည့်သျှင်ကရော၊ အန်တီခေတ်ကပါ သမီးကိုသိပ်ချစ်ကြသည်ပဲ…
"ဖေဖေ ဖွေးကိုခွံ့မှာလား"
"ဖေဖေက သမီးအမေကိုခွံ့ရမှာ သမီးကို ပြည့်သျှင်ခွံ့လိမ့်မယ်"
ဖွေး နှုတ်ခမ်းလေးစူပြီး ဖေဖေ့ကိုမျက်စောင်းချီတော့ ဖေဖေက သဘောတကျရယ်ပြီး ဖွေးနဖူးလေးကိုငုံ့နမ်းသည်။
မေမေကတော့ ဖွေးတို့သားအဖကို ပြုံးကြည့်နေ၍ ဖွေးက မေမေ့ပါးကိုဖျတ်ခနဲနမ်းပစ်လိုက်သည်။
"မေမေကရော ဖေဖေခွံ့ရင်စားမှာလား"
"ဒီကလေး ဘာတွေမေးနေတာလဲ"
YOU ARE READING
သူ မသိသောအခြားတစ်ဖက်၌
Romanceနင် ငါနဲ့ပဲနေရမယ်၊ နင့်ကိုငါပဲပိုင်ရမယ်••• ငါ မသိတဲ့နင့်ရဲ့တခြားတစ်ဖက်မှာ ဘာတွေပဲရှိနေ ရှိနေ ငါမသိချင်ဘူး..... ငါသိတာက နင်က ငါ့အပိုင်ပဲ Start Date - 21 April 2022 End Date - 22 May 2022
