သူ မသိသောအခြားတစ်ဖက်၌ ( Part - 14 )
〰〰〰〰〰ရုံးကိစ္စနှင့်အလုပ်ရှုပ်နေမိ၍ ဒီရက်ပိုင်းထဲမှာ စိတ်ရောလူရော မောပမ်းနေမိသလို ဆေးမသောက်ဖြစ်သည်ကိုလည်း သတိမထားမိ။
ဆေးကဒ်ကိုမြင်တော့မှ ၅ရက်လောက်မေ့သွားမှန်းသိလိုက်ကာ မြူ ထူပူသွားမိသည်။
ဘယ်လောက်ပဲတင်းမာနေပါစေ၊ ကလေးမယူဖို့တားဆီးထားသော အန်တီခေတ်ကို သတိရလိုက်ကာ မြူသည် ထိတ်လန့်နေမိဆဲ။"ခမ်း ငါဆေးသောက်ဖို့မေ့သွားတာ ၅ရက်တောင်ရှိပြီ"
မြူကသာ ထူပူနေပေမယ့် ခမ်းက laptopကြည့်မပျက်ဘဲ မေးဆတ်ပြသည်။
ဘာဆန်းလို့လဲဆိုသည့်သဘော…"ငါ ကိုယ်ဝန်ရသွားရင် ဘယ်လိုလုပ်မလဲ"
ထိုအခါမှ laptopကိုပိတ်ပစ်ပြီး မြူ့ဘက်ကိုလှည့်လာသည့် ခမ်းမျက်နှာက အပြုံးတွေနှင့်ဖြစ်သည်။
သူ့အပြုံးတွေဟာ ကျေနပ်ဝမ်းမြောက်နေတာမို့ မြူတအံ့တဩဖြစ်သွားမိပေမယ့် ခမ်းဟာ မြူ့ကိုဘာမဆိုနားလည်ပေးသူဖြစ်သည်။
မြူဘာလုပ်လုပ် ခေါင်းညိတ်လက်ခံပေးသူ…"ရတော့လည်းဘာဖြစ်လဲ မြူရာ.. နင်အိမ်မှာပဲနေတော့ပေါ့ ငါ့အတွက်ပိုပြီးတော့တောင် အားဖြစ်သေးတယ်"
"ဘယ်လို!!"
"ငါ့မှာ နင်တစ်ယောက်ပဲရှိတာတောင် ဒီလောက်အလုပ်လုပ်နိုင်နေရင် ကလေးသာရခဲ့လို့ကတော့ ဒီ့ထက်မကပိုလုပ်နိုင်မလားပဲ"
"ဟာသတွေမပြောနဲ့ ခမ်း အန်တီခေတ်မှာထားတာလည်း နင်သိရဲ့သားနဲ့"
"သားအချစ် မြေးအနှစ်တဲ့ စိတ်ဆိုးလည်းခဏပဲဟာကို စိတ်ညစ်မနေနဲ့ မြူရယ် ထားလိုက်တော့ ရတယ်ဆိုလည်းယူမယ်ကွာ"
"အဲ့ဒီတော့ ငါကဆေးသောက်ရမှာလား မသောက်ရဘူးလား"
ခမ်းကရယ်ပြီး မြူ့လက်ကလေးကိုဆွဲကာ နဖူးကိုငုံ့နမ်းပြီး ဆံပင်တွေထဲမျက်နှာနှစ်ထားသည်။
တစ်ခါတစ်လေ ကလေးဆန်တတ်သော ခမ်းအပြုအမူတွေကို ရင်ခုန်မိပြီး ပျော်လည်းပျော်မိသည်။"ပြတ်လက်စနဲ့ မသောက်နဲ့တော့"
"ခမ်းရယ် အန်တီခေတ်က"
YOU ARE READING
သူ မသိသောအခြားတစ်ဖက်၌
Romanceနင် ငါနဲ့ပဲနေရမယ်၊ နင့်ကိုငါပဲပိုင်ရမယ်••• ငါ မသိတဲ့နင့်ရဲ့တခြားတစ်ဖက်မှာ ဘာတွေပဲရှိနေ ရှိနေ ငါမသိချင်ဘူး..... ငါသိတာက နင်က ငါ့အပိုင်ပဲ Start Date - 21 April 2022 End Date - 22 May 2022