{ ကြယ်လေးမှိန်မှိန်}
စတူဒီယို ထဲမှ သူတို့နှစ်ယောက်အား ဘေးတွင်ရပ်ကာ ကြည့်နေသော ဒါရိုက်တာက
" ငါစိတ်ထဲမှာ သူတို့နှစ်ယောက် ဒီဒုတိယမြောက်မဂ္ဂဇင်းကာဗာ ဗားရှင်းကို ရိုက်ဖူးပြီးသားလို ခံစားနေရတာပါလိမ့် ထိလည်းထိမိတယ် အနေအထားလည်းမှန်တယ်"ဘာလို့ဆို ဒီဗားရှင်းကမှ သူတို့နှစ်ယောက်ရဲ့ တကယ်အဖြစ်မှန်အခြေအနေမို့ပဲဖြစ်၏ ၊ မူရင်းဖလင်ကို ပြန်ကြည့်နေသော လင်းမိုက ဘာမှမပြောပဲ ပြုံးသာပြုံးလိုက်သည် ၊ ခုံတွင်ထိုင်ကာ ခေါင်းလေးပင့်ပြီး မိတ်ကပ်အပြင်ခံနေသော ရှရှီချင်းဆီ တချက်ကြည့်လိုက်သည် ၊ သူ့၏ လည်တိုင်လိုင်းကြောင်းလေးတလျှောက်က အလွန်ထည်ဝါပြီး လှပလျက်သာ။
သူမျက်လုံးအကြည့်ကို အောက်ချလိုက်ရာ မထင်မှတ်ပဲ ကျိုးကျစ်ဟန်နှင့် အကြည့်ချင်းဆုံသွားသည်။
ဤကလေး၏ မျက်လုံးထဲမှ အာဏာပြနေမှုက အလွန်သိသာပါသည်။
လင်းမိုက ကျိုးကျစ်ဟန်အား ပခုံးသာတွန့်ပြလိုက်သည်။
"အဆင်သင့်ခါနီးပြီ"
ထိုအချိန် မီးအလင်းအဖွဲ့မှ တာဝန်ရှိတဦးက ဒါရိုက်တာဘေးသို့ လျှောက်လာခဲ့သည်
" ဒါရိုက်တာကျန်း သူတို့မီးအားစစ်ကြည့်လိုက်တာ ပြသာနာနည်းနည်းတွေ့လို့ အဲ့တာသူတို့စစ်ကြည့်ဖိူ့လုပ်ရလောက်အုံးမယ်ဗျ"ဒါရိုက်တာက လင်းမိုကိုမေးလိုက်ရာ လင်းမိုက ခေါင်းငြိမ့်ပြပြီး
"ရပါတယ် ဒီဖက်က ဒီလိုဖြစ်သွားပြီဆိုမှတော့ သူတို့ကို အင်တာဗျူးအရင်သွားခိုင်းလိုက်တော့ပေါ့"သူတို့နှစ်ယောက်လည်း နားချိန်ပင်မရှိ ၊ မိတ်ကပ်ပြင်ပြီးတာနဲ့ အင်တာဗျူးစရတော့သည် ၊ စီစဉ်ထားသော အင်တာဗျူးမေးမြန်းသူကလည်း အကြာကြီးစောင့်နေရပြီးပြီမို့ သူတို့ထိုင်တာနဲ့ အင်တာဗျူးတရားဝင်စလာခဲ့တော့သည် ။
အစပိုင်းမှာတော့ ရိုးရိုးရှင်းရှင်းမေးခွန်းများသာမေး၏ ၊ ရှရှီချင်းက ကင်မရာမကြောက်သူမို့ လာသမျှ မေးခွန်းတွေကို ကောင်းမွန်စွာ တတ်ပြီး ရင်းနှီပြီးသားသူတယောက်လို ဟန်ဆောင်နိုင်ပါ၏ ၊ တဖက်မှာမူ ကျိုးကျစ်ဟန်ကတော့ အပြောအဆိုသိပ်မရှိ သူ့အဖြေတွေက သုံးခွန်းထက်ပိုတာ ရှားသည်။
YOU ARE READING
I Only Like Your Character Settings
RomanceAngel မျက်နှာလေးနဲ့ Alphaဆန်သောပလေးဘွိုင်း(Shou ) Vs ဖြူစင်ရိုးသားပြီး အေးစက်သော (Gong) Author - Zhìchû ( 雉楚 ) Total - 94 Chapters+ 21 Extra {•ZhouZiheng +XiaXiqing•} Not ABO Universe I didn't own this novel .I give All credit to Original Author...