I Only Like Your Character Settings

Chapter -29

{လက်တုန့်ပြန်ခြင်း}

မဂ္ဂဇင်းရဲ့ အတွင်းကောအပြင်ကော မျက်နှာဖုံးအတွက်ပါ ရိုက်တာ အားလုံး လေးနာရီနီးပါး ကြာမြင့်ခဲ့၏ ၊ ကံကောင်းစွာပဲ ရလဒ်မှာ ထင်ထားတာထက် အများကြီး ကောင်းမွန်နေသောကြောင့် အားလုံးမှာ ပင်ပန်းမှုအစား ကျေနပ်မှု ရကြသည်။

"ဒီတခေါက် မဂ္ဂဇင်းအတွက် နောက်တခေါက်ပြန်ရိုက်ရတယ်ဆိုတာ ရှိမှာမဟုတ်ဘူး"
ကျိုးကျစ်ဟန်ဘေးမှာထိုင်နေတဲ့ ဒါရိုက်တာက ပြောသည်
"ဖလင်က အရမ်းကောင်းလွန်းလို့ တနှစ်စာ မျက်နှာဖုံးအဖြစ်တောင် ရွေးချယ်ခံရနိုင်တယ်"

ကျိုးကျစ်ဟန်က ပြုံးလိုက်ပြီး ဘာမှ‌မပြောပေ။

"ငါကြည့်တာ မင်းတို့နှစ်ယောက် အပြင်မှာ စကားသိပ်မပြောဖြစ်ကြဘူးထင်တယ်"
ဒါရိုက်တာက စိတ်ဝင်စားဖွယ်ရှိနေပြီး
" အင်တာနက်ပေါ်က အတင်းအဖျင်းတွေက အတုတွေပဲဖြစ်မယ်"

ကျိုးကျစ်ဟန်က ဆိုဖာမှာမှီပြီး အိပ်‌ပျောနေသော ရှရှီချင်းဆီတချက်ကြည့်လိုက်သည်
" အမှန်တော့ ကျွန်တော်တို့ 'Escape from The Sky 'ပြီးနောက် ပထမဆုံးတွေ့ဖြစ်တာပါ ကျွန်တော်တို့ အဲ့လောက် မရင်းနှီးကြသေးပါဘူး "

ပြောပြီးနောက် ကျိုးကျစ်ဟန်မှာ သူ့စကားများသည် ယုံနိုင်ဖွယ်မရှိကြောင်းတော့ ခံစားလိုက်မိပါသည်။

သူတို့နမ်းတောင်နမ်းခဲ့ပြီးကြပြီဖြစ်၏ သို့သော် သူတို့ကြားက ဆက်ဆံရေးကို ဖော်ပြနိုင်မဲ့ စကားလုံးကို သူမရှာတွေ့နိုင်ခဲ့ချေ ၊ ထူးဆန်းပေမဲ့‌လို့ပေါ့။

"ငါကြားတာ ရှောင်ရှက မင်းဖန်ဆို ၊ သူဆွဲပေးတဲ့မင်းရဲ့ပန်းချီတွေ ငါတွေ့ဖူးသလိုပဲ "
ဒါရိုက်တာက Weibo စာမျက်နှာပေါ် လှန်လှော်ကြည့်ရင်း
"မနေ့က ငါတွေ့လိုက်တာ....အော်...ဒီဟာ"

ဒါပေမဲ့ သူနှိပ်လိုက်ချင်းချင်း တစ်ခုခုလွဲနေတာကို သိသွားပြီး
" နေပါအုံး အယ်..ဒါက ရှန်းစစ်ယွဲ့ရဲ့ ပန်းချီပုံပဲ ..အိုး.. ငါမှားတာ"

ဒါရိုက်တာက နည်းနည်း ရှက်သွားပြီး ဖုန်းကို အိတ်ကပ်ထဲပြန်ထည့်လိုက်သည်။