၇၀ခုနှစ်များတွင် ကလေးများပြုစုပျိုးထောင်ခြင်း [ဘာသာပြန်]

CH-75

Unicode

၁၉၇၁ခုနှစ် နိုဝင်ဘာလလယ်တွင် သူတို့ ကျွန်းပေါ် ရောက်ခဲ့သည်မှာ သုံးလရှိပြီဖြစ်သည်။ အခြားသောနေရာများတွင် အပူချိန်ဟာ ဂဏန်းတစ်လုံးစာလောက် နိမ့်ကျနေပေမယ့် ချုံကျိုးကျွန်းတွင်မူ အလွန်သက်တောင့်သက်သာရှိတဲ့ ရာသီတစ်ခု ရောက်လာခဲ့ပြီ။

သူတို့တွေက စကတ်နှင့် အင်္ကျီလက်တိုတွေကို ၀တ်ဆင်နိုင်သေးတယ်... ပြောရရင်တော့ အခြားနေရာတွေရဲ့ နွေရာသီနဲ့ ဆင်တူလေရဲ့။

အပူချိန်က မြင့်နေပေမယ့် ပင်လယ်လေ တိုက်ခတ်နေသဖြင့် လူတစ်ယောက်ဟာ နေရောင်နှင့် မထိတွေ့သရွေ့ အပူဒဏ်ကို ခံစားရမည်မဟုတ်ပေ။

မိသားစုအဖွဲ့ဝင်တစ်ချို့ကတော့ ဇူလိုင်နှင့် သြဂုတ်လတွေမှာ ပူအိုက်တယ်လို့ ခံစားကြသော်လည်း ချင်းရို့ကမူ လုံးဝမခံစားရပါချေ။ အမှန်တကယ်တော့ ချင်းရို့ဟာ ရှန်းကျန့်မှာ ကြီးပြင်းခဲ့သူမို့ ရှန်းကျန့်နဲ့ ကွမ်ချန်တို့ရှိ နွေရာသီမှာ လေမတိုက်ခတ်ဘဲ တကယ့်ကို ပူအိုက်လေ၏....

လူတော်တော်များများဟာ လေအေးပေးစက်မရှိဘဲ ရှင်သန်မနိုင်ကြပေ။

လူတွေက အချိန်အတော်ကြာ အပူဒဏ်ကို ခံလာရသည့်အခါ အပူဒဏ်ခံနိုင်ရည် တိုးတက်လာမည်ပင်။

ချင်းရို့မှာ တစ်ချိန်က ရှန်းကျန့်၌ သုံးလကြာနေထိုင်ခဲ့တဲ့ သူငယ်ချင်းတစ်ယောက်ရှိခဲ့သည်။ နောက်ပိုင်းတွင် သူမက နွေရာသီကို ကုန်ဆုံးရန်အတွက် မွေးရပ်မြေသို့ ပြန်သွားခဲ့ကြောင်း ပြောပြခဲ့ပါ၏။ သူမရဲ့အဖေက ဇူလိုင်လနဲ့ ဩဂုတ်လတွေမှာ လေအေးပေးစက်မဖွင့်၊ ပန်ကာမဖွင့်တဲ့ သူမကို အိမ်မှာတွေ့ရတဲ့အခါ အရူးတစ်ယောက်ကို ကြည့်နေသလိုမျိုး သူမကို ကြည့်ခဲ့တယ်လို့ ဆိုလေသည်။

"မပူဘူးလား?"

"...မပူပါဘူး"

ချင်းရို့ ကောလိပ်တက်တုန်းက ချုံကျိုးကျွန်းမှ အတန်းဖော်တစ်ယောက်နဲ့လည်း ဆုံခဲ့ပါသေးသည်။ သူမက တုန်တုန်ယင်ယင်နဲ့ ပြောလေရဲ့။ "ကွမ်ချန်ရဲ့ ဆောင်းရာသီက အရမ်းအေးတာပဲဟာ..."