Uni,
The Matching Guys (Part 65)
Great World ၏ဥက္ကဌဟောင်းတစ်ဖြစ်လည်း
ခွန်သာမှိုင်း ၏အဖိုးဖြစ်သူမှာ ခွန်သာမှိုင်းတို့အား Hotelခန်းအကျယ်ကြီး၌ထိုင်စောင့်နေသည်။
အသက်၆၀ကျော် ၇၀နားကပ်နေပြီးဖြစ်သော်လည်း ဥပဓိရုပ်ကခံ့ညားကာ
ကိုယ်ခန္ဓာတောင့်တင်းနေဆဲ။လူအိုတစ်ယောက်နှင့်မတူလှ။
သိပ်မကြာခင်မှာပဲ ခွန်သာမှိုင်းတို့ရောက်ရှိလာပြီးခွန်သာမှိုင်းနှင့် မြတ်မင်းတို့နှစ်ယောက်ကိုသာ အထဲသို့ဝင်ခွင့်ပေးသည်။
ထိုဥက္ကဌကြီးက ခွန်သာမှိုင်းအားကြည့်ရင်း DNA စစ်ချက်ကိုကိုင်ထားကာ
မျက်မှောင်ကြုတ်ရင်း မြန်မာလိုပင်ပြောလာသည်။
" ဒီDNA စစ်ချက်ကအမှန်ပဲလား"
" မယုံရင် နောက်ထပ်အချိန်မရွေးထပ်စစ်လို့ရတယ်"
သူ့အနေနဲ့ထပ်စစ်ဆေးစရာတော့လိုမည်မထင် စဝ်ခွန်သာမှိုင်းမှာ သူနဲ့ရော
ဧကရာဇ်နဲ့ပါ ဆင်တူသည့်မျက်နှာပေါက်မျိုးရှိနေသည်။
သို့ပေမဲ့ ဒီလူငယ်လေးကတော့ ပို၍အရှိန်အဝါပြည့်စုံပြီး ခံ့ညားနေသယောင်။
Top Empire ၏ ဥက္ကဌ ကသူ့အားတွေ့ချင်သည်ဟုဆိုကာ DNA စစ်ဆေးထားသည့် စစ်ဆေးချက်စာရွက်ကိုပါပေးပို့လာသည်။
ထိုစစ်ဆေးချက်တွင်Aliceနဲ့ Top Empire ဥက္ကဌဆိုသူစဝ်ခွန်သာမှိုင်းတို့နှစ်ယောက် မောင်နှမတော်စပ်နေသည်။
ဟိုအရင်ကလည်း ဧကရာဇ်ကသူ့သားအားပြန်ခေါ်မည်ဆိုပြီး မြန်မာပြည်တစ်ခေါက်ပြန်သွားဖူးသည်။ အဆုံးတွင်တော့ မည်သူမှပါမလာခဲ့ချေ။
" မင်းက ဧကရာဇ်ရဲ့သား ငါ့မြေးလား။ ဘာလို့အခုမှရုတ်တရက်ကြီးလာပြောရတာလဲ"
" ကျွန်တော်လည်း ခင်ဗျားတို့တစ်ယောက်နဲ့မှ အမျိုးမတော်ချင်ပါဘူး။
ဒါပေမဲ့ ခင်ဗျားသားက ကျွန်တော့်ကိုလာရှုပ်နေတယ် "
ခွန်သာမှိုင်း၏လေသံတွင် အပိုအလိုမရှိပေမဲ့ ကြားရသူအဖို့ သိပ်တော့နား၀င်မချိုလှ။
ဥက္ကဌကြီးက သူ့မြေးခွန်သာမှိုင်းအား သေချာကြည့်နေမိသည်။
ခွန်သာမှိုင်းမှာ ရုတ်တရက်ဆိုလျှင် ဧကရာဇ်နှင့်တူသယောင်ရှိသော်လည်း
စကားပြောသောအခါတွင်တော့ လုံး၀ကွဲပြားသွားသည်။
أنت تقرأ
The Matching Guys (Top)
العاطفيةစဝ်ခွန်သာမှိုင်း🖤 စိုင်းခွန်းသန့်နောင် Start Date[19.5.2023] End Date [16.11.2023] 1 to 80 (Completed)
