Uni,
The Matching Guys(Part 24)
ထက်ဝေဦး ဖုန်းဆက်ရန်ပြင်နေတုန်း ခြံရံလင်းက ဖုန်းခေါ်လာလေသည်။
" Hello"
" ဟူး ဖုန်းကိုင်မှကိုင်ပါ့မလားလို့ဗျာ"
" ငါလည်းအခုမင်းကိုဖုန်းဆက်တော့မလို့ပဲ"
"ကျွန်တော် ဒေါက်တာ့အိမ်ရှေ့မှာ"
ခြံရံလင်းကပြောလာတာကြောင့် ထက်ဝေဦးကြောင်သွားသည်။" ဘာ..ငါ့အိမ်ဘာလို့လိုက်လာတာလဲ"
" ဒေါက်တာက ဖုန်းကိုင် မကိုင်မှမသေချာတာ အဲ့တော့ကိုယ်တိုင်ပဲလာရတော့တာပေါ့။
တံခါးဖွင့်ပေးပါ"ထက်ဝေဦး ခြံရံလင်းကိုအိမ်ထဲမဝင်စေချင်ပေမဲ့ စကားပြောစရာတွေရှိတာကြောင့် ဝင်ခွင့်ပေးလိုက်ရသည်။
ခြံရံလင်းက အိမ်ထဲဝင်လာပြီး ဧည့်ခန်းကထိုင်ခုံတွင်ခပ်တည်တည်ပင်၀င်ထိုင်ကာ
" ဒေါက်တာတစ်ယောက်ထဲ နေတာမလား။ မဆိုးပါဘူး သိပ်မကျယ်ပေမဲ့ သပ်သပ်ရပ်ရပ်လေး"" နေစမ်းပါအုံး။ မင်းငါ့အိမ်ကိုဘယ်လိုသိသွားတာလဲ"
" ဒီခေတ်ကြီးမှာ အိမ်ရှာတာကလွယ်လွယ်လေးပါ"
ထက်ဝေဦး လည်းခြံရံလင်းနဲ့မျက်နှာချင်းဆိုင်တွင်၀င်ထိုင်လိုက်သည်။
" နောက်တစ်ခါငါ့အိမ်ကိုထပ်မလာနဲ့"ခြံရံလင်း မျက်ခုံးနှစ်ဖက်ကို မြင့်လိုက်ကာ
" အဲ့ဒါဆို ဒေါက်တာကျွန်တော့်အိမ်လာမှာလား"ဟုမေးသည်။" ငါမင်းပြောထားတဲ့ကိစ္စသေချာစဥ်းစားပြီးပြီ။ လက်ခံတယ် ဒါပေမဲ့ ငါလိုချင်တဲ့အချက်တွေရှိတယ်"
ခြံရံလင်း သူလိုချင်တာရတော့မည်မို့ ပျော်ရွှင်ကာ တက်ကြွသွားသည်။
" ဘာများလဲ ကြိုက်တာပြော"" မင်းသိတဲ့အတိုင်း ငါကဆရာ၀န် ပိတ်ရက်က စနေ၊ တနင်္ဂနွေပဲယူထားတာ။ကြားရက်တွေအလုပ်ရှိတော့မအားဘူး။ အဲ့တော့ မင်းနဲ့ အဲ့၂ရက်ပဲတွေ့နိုင်မယ်"
ခြံရံလင်း မျက်မှောင်ကြုတ်လိုက်ကာ
" ၂ရက်? အရမ်းနည်း..."" နေအုံး ငါပြောတာတွေခဏအရင်နားထောင်"
ခြံရံလင်း၀င်ပြောနေလျှင် သူပြောချင်တာအကုန်မပြောရမည်ဆိုး၍
ထက်ဝေဦးတားလိုက်ရသည်။
YOU ARE READING
The Matching Guys (Top)
Romanceစဝ်ခွန်သာမှိုင်း🖤 စိုင်းခွန်းသန့်နောင် Start Date[19.5.2023] End Date [16.11.2023] 1 to 80 (Completed)