Uni,
The Matching Guys (Part 77)
စိုင်းခွန်းသန့်နောင် နဲ့ စ၀်ခွန်သာမှိုင်းတို့အတူလက်တွဲရင်း သူတို့ပြန်မလာတာကြာပြီဖြစ်တဲ့ အိမ်ခြံ၀န်းကျယ်ကြီးထဲသို့ လျှောက်လှမ်းလာခဲ့ကြသည်။
ဧည့်ခန်းကျယ်ကြီးထဲရောက်တော့ သူ့အမေနဲ့ အဖေတို့ကိုတွေ့လိုက်ရလေသည်။
ခွန်းသန့်နောင်တို့မှာ ထိုင်ပင်မထိုင်ရသေး သူ့မိခင်ကစကားစလာသည်။
" ငါ့သားတောင် အရွယ်ရောက်လာပြီပဲ။ မင်းနဲ့ အမေ့သူငယ်ချင်းသမီးလေးနဲ့ လက်ဆက်ပေးမယ်။ ဒီကအလုပ်တွေ နားတာဖြစ်ဖြစ်၊ထွက်တာဖြစ်ဖြစ်လုပ်လိုက်ပါ"
" မေမေ့ ကျွန်တော်..."
သူ့အမေက သူ့အားပြောခွင့်မပေးသေး ခွန်းသန့်နောင်နှုတ်မှ ထွက်လာမည့်စကားလုံးများကိုမကြားလိုသည့်ဟန်ဖြင့် အမြန်ကြားဖြတ်ပြောသည်။
သူမ၏မျက်နှာမှာ ပြုံးသယောင်ရှိသော်လည်း ခွန်သာမှိုင်းတို့အတူတွဲထားသည့်လက်တွေကို နှစ်မြို့ဟန်တော့မပေါ်ပေ။
" ဪ ခွန်သာမှိုင်း သားကိုလည်း ဒေါ်လေးမိတ်ဆက်ပေးချင်တဲ့သူရှိတယ်။
ဒီအတောအတွင်းပစ်ထားသလိုဖြစ်နေတာ။ငါ့ညီမသိရင်တော့ သူ့သားကိုပစ်ထားတယ်ဆိုပြီး စိတ်ဆိုးနေတော့မှာပဲ"
ခွန်သာမှိုင်းက ခွန်းသန့်နောင်လက်အား ပိုမိုတင်းကျပ်စွာဆုပ်ကိုင်လိုက်ရင်းပြန်ဖြေသည်။
" တောင်းပန်ပါတယ် ဒေါ်လေးမိတ်ဆက်ပေးတဲ့သူကိုကျွန်တော်မယူနိုင်သလို
နောင်ငယ်ကိုလည်း ဘယ်သူနဲ့မှ လက်ထပ်ခွင့်မပြုနိုင်ပါဘူး"
" မေမေလည်း သိပြီးပြီမလား။ဘာလို့တစ်ခြားသူနဲ့မိတ်ဆက်ပေးမယ်တွေပြောနေရတာလဲ"
ပြုံးသယောင်ရှိနေသော ခွန်းသန့်နောင်အမေမျက်နှာမှာ ချက်ချင်း၀မ်းနည်းသွားသည်။
"မင်းတို့နှစ်ယောက်ဘာလို့ အဲ့လိုလုပ်ရက်ရတာလဲ။ သွေးသားမတော်စပ်ဘူးဆိုရင်တောင် ညီအစ်ကိုတွေပဲလေ ။ ငါ..ငါ့ညီမကိုဘယ်လိုမျက်နှာသွားပြရမလဲ"
ခွန်းသန့်နောင်အဖေက ဘာမှဝင်မပြောသက်ပြင်းသာချသည်။
ခွန်းသန့်နောင် အမေကမတ်တပ်ထရင်း ခွန်းသန့်နောင်တို့အနားလာသည်။
"ခွန်သာမှိုင်း မင်းကအကြီးလေ ဒါမဖြစ်သင့်ဘူးဆိုတာမသိဘူးလား။
ဒေါ်လေးမင်းကိုဘယ်လောက်ယုံကြည်ခဲ့ရလဲ။ မင်း ခွန်းသန့်နောင်ကိုဂရုစိုက်ပေးတာသိတယ် ကျေးဇူးလည်းတင်တယ်။ဒါပေမဲ့ မင်းတို့နှစ်ယောက်ချစ်လို့မရဘူး "
YOU ARE READING
The Matching Guys (Top)
Romantikusစဝ်ခွန်သာမှိုင်း🖤 စိုင်းခွန်းသန့်နောင် Start Date[19.5.2023] End Date [16.11.2023] 1 to 80 (Completed)
