Uni,
The Matching Guys (Part 46)
"ငါ့နာမည်က စိုင်းခွန်းသန့်နောင်ပါ မင်းနာမည်ကပိုင်ပိုင်နော်"
Leoကခေါင်းငြိမ့်ရင်း ပြန်ပြောသည်။
" အင်း ဒါပေမဲ့Leoပဲခေါ်ပါ ပိုင်ပိုင်ကအရမ်းရင်းနှီးတဲ့သူတွေပဲခေါ်ကြလို့ "
" ငါ့ကိုကိုကရော မင်းကိုဘယ်လိုခေါ်လဲ"ခွန်းသန့်နောင်ကခပ်တည်တည်ပင်ဆက်မေးသည်။
" ပိုင်ပိုင်ထက် Leoပဲအခေါ်များပါတယ်"
" အင်း သူ့ကိုလည်းLeoလို့ပဲခေါ်ခိုင်း ပိုင်ပိုင်မခေါ်ခိုင်းနဲ့"
ခွန်းသန့်နောင်စိတ်ထဲမကျေနပ်တာကြောင့် တည့်ပြောတာဖြစ်သည်။
သူ့ကိုတောင် နောင်ငယ်တို့ နောင်နောင်တို့တစ်ခါတလေမှခေါ်သည့် ခွန်သာမှိုင်းက Leoဆိုသည့်တစ်ယောက်ကို ပိုင်ပိုင်လို့ခေါ်စရာအကြောင်းလုံး၀မရှိ။
" အဲ့ဒါကငါပြောလို့ရတဲ့ကိစ္စမဟုတ်ဘူးလေ ။ သူ့ကိုငါ့အနေနဲ့ဆရာလုပ်လို့မရဘူး"
" ဘာလို့လဲ ငါသိသလောက် မင်းအစ်ကိုကTop Empire ရဲ့CEOမလား။
ငါ့အစ်ကိုကရှယ်ယာဝင်ပဲဟာ ဒီလောက်တော့ပြောလို့ရမှာပါ"
" မင်းမသိသေးဘူးထင်တယ်။ ငါ့အစ်ကိုနဲ့ Topက"
ပြောမိမလိုဖြစ်ပြီးမှ Leoပါးစပ်ခဏပြန်ပိတ်ရင်း
" ငါ့အစ်ကိုနဲ့ ငါ့ကို အစ်ကိုခွန်သာမှိုင်းကအများကြီးအကူအညီပေးထားတာ။
ဒါကြောင့် ငါတို့ကသူ့ကိုလေးစားရတယ်"
ခွန်သာမှိုင်းက Top Empire Company ရဲ့Chairman(ဥက္ကဌ) တစ်ယောက်ဖြစ်သည်ဆိုတာ ခွန်းသန့်နောင်မသိစေနဲ့ဟုမှာထားတာကြောင့်
Leoကပြန်ထိန်းကာ Topအစား ခွန်သာမှိုင်းဟုသာသုံးလိုက်တာဖြစ်သည်။
" ဘယ်အချိန်ထဲက သိနေကြတာလဲ။ သူကဘာတွေကူညီပေးတာလဲ"
" မင်းဘာသာ မေးတာပိုမကောင်းဘူးလား။ ငါကဘာလို့ပြောပြရမှာလဲ"
သူပြန်ပြောလိုက်သည့်စကားကြောင့် ခွန်းသန့်နောင်ဆီကအလိုမကျဖြစ်သွားသည့်အကြည့်စူးစူးတွေထွက်လာသည်။
မပြောလျှင်ထထိုးတော့မည့်ဟန်။
ထို့ကြောင့် Leo ချောင်းဟန့်ရင်း
" ငါနဲ့ငါ့အစ်ကိုကမိဘမဲ့ဂေဟာက ကြားမှာကိစ္စတွေအများကြီးရှိတယ်။ ငါတို့နှစ်ယောက် အရမ်းခက်ခဲနေတဲ့ အချိန် လမ်းပေါ်လေလွင့်နေတဲ့အချိန်တုန်းက မင်းအစ်ကိုက နေစရာ စားစရာနဲ့ တစ်ခြားကိစ္စတွေပါအကုန်ကူညီထားပေးတာ။နောက်တော့ လုပ်ငန်းလေးတွေစလုပ်တော့လည်း သူကအရင်းအနှီးတွေပေးတယ်လေ။အစ်ကိုခွန်သာမှိုင်းကြောင့် ငါတို့နှစ်ယောက်လုံးဒီအခြေအနေရောက်လာတာ "
Leoပြောပြသည့်အဖြစ်အပျက်တွေမှာ အနည်းအကျဥ်းသာဖြစ်သော်လည်း အကုန်အမှန်တွေဖြစ်သည်။ ထိန်ချန်ထားသည့်ကိစ္စများစွာလည်းရှိသေးသည်။
YOU ARE READING
The Matching Guys (Top)
Romanceစဝ်ခွန်သာမှိုင်း🖤 စိုင်းခွန်းသန့်နောင် Start Date[19.5.2023] End Date [16.11.2023] 1 to 80 (Completed)
