Uni..
The Matching Guys(Part 5)
ကျောင်းတစ်ကျောင်း၏မလှမ်းမကမ်း လမ်းကြားတစ်နေရာတွင် ဆယ်တန်းကျောင်းသား၄ယောက်နှင့် ၇တန်းကျောင်းသားများရန်ဖြစ်နေကြသည်။
၇တန်းကျောင်းသား ၅ယောက်အုပ်စုတွင် စိုင်းခွန်းသန့်နောင်ပါ ပါလေသည်။
ထိုးနေကြိတ်နေကြတုန်း ၁၀တန်းကျောင်းသားတစ်ယောက်ကဓါးထုတ်လာသည်။
မထုတ်လို့လည်းမဖြစ် ခွန်းသန့်နောင်ကသူ့သူငယ်ချင်းတွေကိုရှယ်တွယ်နေပြီဖြစ်သည်။
ခန္ဓာကိုယ်ချင်းကွာပေမဲ့ ခွန်းသန့်နောင်မှာအရင်ထဲကအရိုက်အနှက်ကျွမ်းတာကြောင့်သူ့ဘက်ကသိပ်မခံရပေ။
ရုတ်တရက် သူ့ကိုဓါးဖြင့်အလစ်ဝင်ထိုးတာကြောင့် ဗိုက်တော့ပေါက်ပြီဟုထင်လိုက်သော်လည်း လက်တစ်ဖက်က ထိုဓါးကိုကိုင်ကာတားလိုက်သည်မို့ ခွန်းသန့်နောင်ကိုမထိခိုက်လိုက်။
ဓါးရှသွားတာကြောင့် သွေးတွေထွက်လာသည့် စဝ်ခွန်သာမှိုင်း၏လက်ကိုကြည့်ပြီး ခွန်းသန့်နောင်ရင်ထိတ်သွားသလို ဒေါသလည်းထွက်သွားသည်။
" ကိုကို့..."
ခွန်သာမှိုင်းမှာ သူ့အားတစ်ချက်ကြည့်ပြီးနောက် ဆယ်တန်းကျောင်းသားများကို ခဏအတွင်းအရိုးကျိုးသည်အထိ ထိုးနှက်ကန်ကျောက်လိုက်သည်။
ထိုကောင်တွေထွက်ပြေးသွားတော့မှ ခွန်းသန့်နောင် သူ့ကိုကိုနားကပ်ကာ...
" ဘာလို့လက်နဲ့ဝင်တားရတာလဲ အရူးလား ကိုကိုက...လာဆေးရုံသွားရအောင် " ဆိုကာ ခွန်သာမှိုင်းအားဆွဲခေါ်သည်။
သို့ပေမဲ့ ခွန်သာမှိုင်းက ခွန်းသန့်နောင်လက်အားခါလိုက်ရင်း ပါးပြင်ထက် တစ်ချက်ထိုးလိုက်သည်။
ခွန်းသန့်နောင်၏ သူငယ်ချင်းများလည်း ခွန်သာမှိုင်း၏မလိုလားသောအကြည့်များကြောင့် ထွက်သွားကြတော့သည်။
ခွန်သာမှိုင်း အိတ်ကပ်ထဲက လက်ကိုင်ပဝါကိုထုတ်ကာ သူ့လက်က သွေးတွေကိုသုတ်လိုက်ရင်း ခွန်းသန့်နောင်အားမေးလာသည်။
" မင်းငါ့ကိုဘာကတိပေးထားလဲ"
"ရန်မဖြစ်တော့ဘူးလို့ကတိပေးထားပါတယ်။ ဒါပေမဲ့ အခုကကျွန်တော်စတာမဟုတ်ဘူး။ အဲ့ကောင်တွေက ကျွန်တော်သူငယ်ချင်းတေွကိုကလေးတွေဆိုပြီးအနိုင်ကျင့်ထားလို့ ကျွန်တော်ပြန်လုပ်တာ"
ခွန်းသန့်နောင်သူ့အပြစ်မဖြစ်အောင် ချေပလိုက်သည်။
" အရင်ဆုံး ကိုကို့ဒဏ်ရာဆေးထည့်ရအောင်လေ လာပါ"
YOU ARE READING
The Matching Guys (Top)
Romanceစဝ်ခွန်သာမှိုင်း🖤 စိုင်းခွန်းသန့်နောင် Start Date[19.5.2023] End Date [16.11.2023] 1 to 80 (Completed)
