လုစုဝေ၏မျက်လုံးများမှာတောက်ပသွားပြီး သူအရှေ့ကိုသူ၏ဓားဖြင့်အရှိန်ဖြင့်ပြေးသွားလေသည်။
အချိန်တွေတဖြေးဖြေးကုန်လာပြီး လုစုဝေသည်အခြားသောဖြေဆိုသူများထက် အချိန်ပိုကြာကြာစည်းထဲတွင်နေလေသည်။
လူလတ်ပိုင်းလူကြီး၏မျက်နှာမှာ တင်းမာမနေတော့ပေ။ စည်းထဲတွင်အချိန်အတိုင်းအတာတစ်ခုအကြာနေနိုင်သောဖြေဆိုသူများရှိသော်လည်း လုစုဝေသည်သူတို့ထက်ပို၍အခြေအနေကောင်းလေသည်။
အချိန်အကြာကြီးနေသောအခါ အပြာရောင်အလင်းတန်းသည်ထွက်ပေါ်လာလေသည်။
ထိုနောက်လုစုဝေသည်စည်းထဲမှာ အပြင်သို့ထွက်လာလေတော့သည်။
သူ၏မျက်နှာဖြူဖျော့မနေသော်လည်းကျေနပ်သည့်ပုံတော့မပေါ်ပေ။
သူသည်စည်း၏လှည့်ကွက်ကိုရှာတွေ့ခဲ့သော်လည်း ဖျက်စီးဖို့နည်းလမ်းကိုတော့ရှာမတွေ့ခဲ့ပေ။ သူအားအင်မကုန်ခမ်းခင်တွင်ပဲ သူ၏ဖယောင်းဘာလုံးအားချေဖျက်လိုက်ရတော့လေသည်။
သို့သော်လည်း....
လုစုဝေသည်အသက်ကိုတစ်ဝရှူလိုက်ပြီး ယွင့်ရှုကိုလှမ်းကြည့်လိုက်လေသည်။
သူစည်းထဲတွင်နေနိုင်သောကြာချိန်သည် အရှေ့ကလူများအားလုံးထက်အများကြီးပိုကြာသည်ဟု သူယုံကြည်လေသည်။ အခုယဲ့ကျင့်ထန်နှင့်ယွင့်ရှုသာကျန်လေသည်။
လုစုဝေသည်အနီရောင်အတွင်းအားအမြစ်သာရှိသော ယဲ့ကျင့်ထန်ကိုဂရုပင်မစိုက်တော့ပေ။ ယွင့်ရှုတစ်ယောက်တည်းကသာ သူနှင့်ဒီစစ်ဆေးမှုတွင်ယှဉ်ပြိုင်နိုင်မည်ဖြစ်လေသည်။
"လုစုဝေမင်အခုနောက် စစ်ဆေးမယ့်နေရာကိုသွားလို့ရပြီ"ဟုလူလတ်ပိုင်းလူကြီးသည်တဖြေးဖြေးပြောလေသည်။ သူသည်လုစုဝေအစွမ်းပြသမှုအား အတော်အသင့်ကျေနပ်နေလေသည်။
လုစုဝေသည်စည်းထဲတွင်အချိန်အကြာကြီးရှိနေနိုင်သောကြောင့် တခြားသောဖြေဆိုသူများသည်နောက်စစ်ဆေးမည့်နေရာသို့ ရောက်နေကြပြီးဖြစ်လေသည်။
လုစုဝေသည်အသာခေါင်းငြိမ့်လိုက်လေသည်။ သူ၏မာန်တက်နေသောမျက်လုံးများသည်ယွင့်ရှုကိုကျော်ကာ ယဲ့ကျင့်ထန်ဆီသို့ရောက်သွားလေသည်။ သူသည်ပြုံးကာထွက်သွားလေသည်။
YOU ARE READING
အင်အားကြီးမိဖုရား၏ ပြန်လည်ရှင်သန်ခြင်း(Myanmar Translation)
Historical FictionTranslation work of HanMay & GinYu (Best Novels Collection Team- BNC Team) U can search 'Best Novels Collection Team' on Fb💛 Every Tuesday & bonus day⭐ (Paid gpရိွ)
Ep-105
Start from the beginning
