Unicode
...
အခန်း ၉၆. ကောင်းကင်လမ်း (၂)
ကောင်းကင်တက်လမ်းသည်ဘဂိုဏ်းအတွင်းကလူများအတွက်သာ ချပေးသောအရာဖြစ်လေသည်။ ထိုလမ်းကိုအေးဆေးတည့်တည့်မတ်မတ်ပင်မလျှောက်နိုင်လျှင် သူတို့အတွက်ဂိုဏ်းထဲဝင်ဖို့ခက်ခဲမည်ဖြစ်လေသည်။
ဒီအရာမှာအရိုးရှင်းဆုံးအရာဖြစ်သည့်အပြင် ဂိုဏ်းဝင်ဖို့စစ်ဆေးခြင်း၏အစဖြစ်လေသည်။
သေးငယ်သောအမှားလေးဖြစ်ကာ ဒီလိုရှားပါးသည့်အခွင့်အရေးမျိုးကို
ဆုံးရှုံးကြမည်ကိုကြောက်ကြသောကြောင့် ဘယ်သူမှအရှေ့ထွက်မလာရဲကြပေ။
ဒီအလင်းတန်းပေါ် ဘယ်မှာခြေချစရာနေရာရှိသနည်း?
ထိုအချိန်တွင်မည်သူမှအရှေ့ထွက်မလာရဲကြဘဲ အပ်ကျသံကြားရလောက်အောင်လူအားလုံးတိတ်ဆိတ်သွားကြလေသည်။
သို့သော်လည်း......
သေးသွယ်သောမိန်းကလေးတစ်ယောက်သည်လတိတ်ဆိတ်နေသောလူအုပ်ကြားထဲမှာထွက်လာကာ ထိုခမ်းနားလှသောအလင်းတန်းအောက်သို့ လျှောက်သွားလေသည်။
ယဲ့ကျင့်ထန်သည်ကောင်းကင်တက်လမ်းအစနေရာတွင် အေးဆေးတည်ငြိမ်မှုဖြင့်တိမ်တိုက်များနှင့် ထိစပ်နေသောအလင်းတန်းကိုရပ်ကြည့်နေလေသည်။
ရှန်းလင်ဂိုဏ်း၊ သူမတဖန်ပြန်ရောက်လာလေပြီ။
ထိုတစ်ခနအတွင်းတွင်ယဲ့ကျင့်ထန်သည် တည်ငြိမ်စွာဖြင့်သူမခြေဖဝါးအား ညှင်သာစွာကြွလိုက်လေသည်။ သူမခြေချောင်းလေးများအလင်းတန်းကိုနင်းလိုက်သောအချိန်တွင် ရွှေရောင်အလင်းများမှရွှေရောင်ကြာပန်းအဖြစ်ပြောင်းသွားကာခြေနင်းအဖြစ် အထောက်အပံ့ကိုပေးလေသည်။
"ခြေလှမ်းတိုင်းကြာပန်းတွေပွင့်တာလား?!"ယဲ့ကျင့်ထန်၏ခြေဖဝါးအောက်ရှိလက်ဖဝါးသာသာ သာရှိသောဖောက်ထွင်းမြင်ရသည့်ရွှေရောင်ကြာပန်းလေးကိုကြည့်နေကြရင်း လူတိုင်၏မျက်လုံးများသည်အလွန်အံ့သြမှုများဖြင့်ပြည့်နေလေသည်။
သို့သော်လည်းယဲ့ကျင့်ထန်သည် ထိုလူများကိုဂရုမစိုက်ပဲ တစ်ယောက်တည်းတိတ်ဆိတ်ငြိမ်သက်စွာဖြင့် ဒီထက်ပိုပြီးရင်းနီးဖို့မဖြစ်နိုင်တော့သော ကောင်းကင်တက်လမ်းအားလျှောက်လှမ်း၍တက်သွားလေသည်။
KAMU SEDANG MEMBACA
အင်အားကြီးမိဖုရား၏ ပြန်လည်ရှင်သန်ခြင်း(Myanmar Translation)
Fiksi SejarahTranslation work of HanMay & GinYu (Best Novels Collection Team- BNC Team) U can search 'Best Novels Collection Team' on Fb💛 Every Tuesday & bonus day⭐ (Paid gpရိွ)
