Unicode
အခန်း ၇၂. ပိုးပန်းခြင်း(၁)
အကြီးကဲသည်ယဲ့ရွှန်းကိုကျေနပ်စွာကြည့်ပြီး "ငါအခုချက်ချင်းစာရေးပေးပြီးတာနဲ့မင်းရို့ကလေးဆီကိုယူသွားပြီးပေးလိုက်"ဟုပြောလေသည်။
ထို့နောက်အကြီးကဲသည်မှင်တံကိုကောက်ကိုင်လိုက်လေသည်။
ယဲ့အိမ်တော်ရဲ့ခန်းမထဲတွင်တော့ ယဲ့ကျင့်ထန်သည်အကြီးကဲနှင့်ယဲ့ရို့တို့အတူတူထွက်သွားကြသည်ကိုမြင်လိုက်ပြီး သူမ၏မျက်လုံးထဲတွင်အနည်းငယ်ပြုံးသွားသော အရိပ်ယောင်များသန်းသွားလေသည်။
သူမသည်စိတ်ထဲတွင်အချိန်ကိုက်ဖြစ်ရန် တွက်ချက်လိုက်ပြီးသွားရမည့်အချိန်ကိုရောက်ပြီဟုဆုံးဖြတ်လိုက်ပြီးနောက် သူမသည်တစ်ယောက်တည်းခြံဝင်းထဲမှာလမ်းလျောက်ချင်သည်ဟု ယဲ့လင်းနှင့်အကြီးကဲတို့ကိုဆင်ခြေပေးကာပြောလေသည်။ ထို့နောက်သူမသည်ခန်းမထဲမှတစ်ယောက်တည်းထွက်လာလေသည်။
သို့သော်လည်းခန်းမထဲမှ ယဲ့ကျင့်ထန်ထွက်လိုက်သည်နှင့် လူတစ်ယောက်သူမရှေ့တွင်ရုတ်တရက်ပေါ်လာလေသည်။
ယဲ့ကျင့်ထန်သည်မျက်လုံးတစ်ချက်ပင့်လိုက်ပြီး အချိန်အတော်ကြာအောင်သူမရှေ့တွင်ပိတ်ရပ်နေသော ဒဝမ်ထျန်းယောင်အား ခနဲ့တဲ့တဲ့အကြည့်ဖြင့်ကြည့်လိုက်လေသည်။
"ဒုတိယဒဝမ်သခင်လေး ရှင်ဒါဘာလုပ်တာလဲ?" ဟုယဲ့ကျင့်ထန်မေးလေသည်။
ဒဝမ်ထျန်းယောင်သည်ယဲ့ကျင့်ထန်အား တွေဝေရှုပ်ထွေးနေသောမျက်နှာဖြင့်ကြည့်နေလေသည်။ သူမ၏လှပချစ်စဖွယ်ကောင်းသော မျက်နှာလေးသူမျက်လုံးထဲတွင်ပေါ်လာသောအခါ မကျေမနပ်ဖြစ်မှုများထပ်မံ၍ပေါ်လာပြန်လေသည်။
"ထန်ထန် အကိုမင်းကိုစကားနည်းနည်းလောက်ပြောချင်လို့ပါ"
ယဲ့ကျင့်ထန်သည်ဒဝမ်ထျန်းယောင်နှင့် လုံးဝပက်သက်ချင်စိတ်မရှိသော်လည်းတစ်ခုခုကို စဉ်းစားမိသွားပြီးသောအခါသူမပြုံးလိုက်ကာ "ကျမနောက်ဘက်ခြံဝင်းထဲမှာ လမ်းသွားလျှောက်မလို့။ တကယ်လို့ဒဝမ်သခင်လေးတစ်ခုခုကိုပြောစရာရှိတယ်ဆိုရင် ကျမနဲ့အတူလိုက်ခဲ့မလား?"ဟုမေးလေသည်။
YOU ARE READING
အင်အားကြီးမိဖုရား၏ ပြန်လည်ရှင်သန်ခြင်း(Myanmar Translation)
Historical FictionTranslation work of HanMay & GinYu (Best Novels Collection Team- BNC Team) U can search 'Best Novels Collection Team' on Fb💛 Every Tuesday & bonus day⭐ (Paid gpရိွ)