Chapter 99
ယခုအချိန်တွင် သူ့လက်ခုံပေါ်သို့ တစ်စက်ပြီးတစ်စက်ကျဆင်းလာသည့် မျက်ရည်စများက သူ့နှလုံးသားထဲအထိ စိမ့်ဝင်သွားပြီး ရင်ထဲတွင်ပူလောင်ကာ နာကျင်လာသည်။
" မိုးလေးရွာရုံပဲကို ဘာလို့ငိုနေတာတုန်း..."
သူက နူးညံ့ညင်သာစွာပြောလိုက်သည်။
ကျွင်းဟွိုင်လန်က ချက်ချင်းပင် ခွန်းတုံ့ပြန်လိုက်သည်။
" ကျွန်တော် မငိုပါဘူး..."
သို့သော်လည်း တရှုံ့ရှုံ့ငိုထားသောကြောင့် နှာသံထွက်နေသဖြင့် သူ၏ငြင်းဆိုမှုက မအောင်မြင်လိုက်ပေ။
ရွှယ်ယန် ရယ်လိုက်မိသည်။
" မငိုဘူးဆိုတော့လည်း မငိုဘူးပေါ့..."
ကျွင်းဟွိုင်လန်က အနည်းငယ် ရှက်ရွံ့စွာဖြင့် ရှင်းပြလိုက်သည်။
" တောင်ပေါ်မှ မိုးရွာနေပြီဆိုတော့ ပိုပြီးအန္တရာယ်များလာပြီလေ...ကျွန်တော်တို့ကို တောင်ပေါ်မှာ လာရှာတဲ့လူတွေလည်း မိုးရွာနေတော့ ပိုပြီးရှာရခက်နေမှာပေါ့..."
စကားပြောနေစဉ်တွင် အသံကတဖြည်းဖြည်းတိုးသွားပြီး ငိုရှိုက်သံပါလာသည်။
" အရှင့်သားက ဒဏ်ရာကြီးနဲ့လေ..."
ရွှယ်ယန် ခဏတာရပ်တန့်သွားသည်။
ယခုအချိန်တွင် သူ့ရှေ့မှ ကျောက်ဆောင်ကြီးကို အားကုန်တွန်းထုတ်ပစ်လိုက်ချင်ပြီး သူ့ရှေ့မှလူကိုသာ ဖက်ထားချင်စိတ်များ ကြီးစိုးလာသည်ကို သူတစ်ယောက်တည်းသာသိသည်။
ခဏအကြာတွင် သူ့လက်ချောင်းထိပ်များက ကျွင်းဟွိုင်လန်၏ စိုစွတ်နေသည့်မျက်တောင်များကိ ထိလိုက်သည်။
" မင်းကို ကတိပေးထားတာဆိုတော့ ဘယ်လိုပဲဖြစ်ဖြစ် ကတိကိုတည်မှာပါ..."
စကားပြောနေလျက်နှင့် ကျွင်းဟွိုင်လန်၏ပါးကိုညှစ်လိုက်သည်။
" ငါ့ကိုယုံလား..."
ကျွင်းဟွိုင်လန်က ရုတ်တရက် ပြောလာသည်။
" အရှင့်သားက ကျွန်တော့်အတွက် အသက်ရှင်ရမှာမဟုတ်ပဲ ကိုယ်ကိုယ်တိုင်အတွက် အသက်ရှင်သင့်တယ်..."
VOCÊ ESTÁ LENDO
အကြမ်းဖက်၀တ္ထုထဲကဇာတ်လိုက်မရဲ့အကိုကြီးဖြစ်လာတယ်
AçãoI Become the Older Brother of the Heroine in Abusive Novel Description ယုံနင်မြို့စား၏ဆက်ခံသူ ကျွင်းဟွိုင်လန်မှာ ပြန်လည်မွေးဖွားလာပြီးနောက် သူက ရှောင်မားစာပေရှိ အမြှောက်စာဇာတ်ကောင်လေးတစ်ဦးဖြစ်ကြောင်း သိရှိခဲ့ရလေသည်။ အဓိကအမျိုးသားဇာတ်ဆောင် ရွှယ်ယန်...
