Chapter 84
ရွှယ်ယန် ထင်ယောင်ထင်မှားဖြစ်နေသည်ဟု ထင်လိုက်မိသော်လည်း အနည်းငယ်အေးစက်စက်ဖြစ်နေသော လက်တစ်ဖက်က သူ့နဖူးပေါ် ကျရောက်လာသည်။
ရွှယ်ယန်မော့ကြည့်လိုက်သည့်အခါ ကျွင်းဟွိုင်လန်က သူ့ရှေ့တွင်ရပ်နေပြီး သူ့ကို ငုံ့ကြည့်နေသည်။
အခန်းထဲမှမီးရောင်က အလွန်ဖျော့တော့နေပြီး သူ့အကြည့်များကလည်း နူးညံ့နေသည်။
" ကျွန်တော် နန်းတော်ထဲက ထွက်လာတုန်းက အရှင့်သားကို မနှုတ်ဆက်ခဲ့ရဘူး... ဒါပေမဲ့ အဲဒါတကယ်နောက်ဆုံးပါ... ဒါပေမဲ့ ကျန်းနန်ကို လာမယ်ဆိုတုန်းကလည်း အရှင့်သားကို အရင်မပြောပြခဲ့မိတာ ကျွန်တော့်အမှားပါ..."
ရွှယ်ယန်က သူ့ကို အသက်မဲ့စွာကြည့်နေပြီး အချိန်အတန်ကြာသည်အထိ ဘာမှပြန်မဖြေနိုင်ဖြစ်သွားသည်။
အချိန်အတန်ကြာမှသာ အက်ရှရှအသံဖြင့် ပြန်ဖြေသည်။
" မင်းပြောတာမှန်ပါတယ်..."
သို့ရာတွင် ကျွင်းဟွိုင်လန်က ခေါင်းခါပြလိုက်ပြီး နူးညံ့ညင်သာပြီး ရှင်းလင်းပြတ်သားစွာပြောလိုက်ကာ သူ့လေသံကလည်း အနည်းငယ်လေးနက်နေသည်။
" ကျွန်တော် အရှင့်သားကို မပြောပြခဲ့ရတာပါ... ကျန်းနန်ကိုလာဖို့ကိစ္စက ကြိုတင်စီစဉ်ထားပြီးသားလည်း ဖြစ်နေခဲ့လို့... ကျွန်တော် ဒီမှာ မဖြစ်မနေလုပ်ရမယ့် ကိစ္စတစ်ခု ရှိနေတယ်... အရှင့်သားနဲ့တူတူ နွေဦးအထိ နန်းတွင်းထဲမှာ အချိန်ကုန်ချင်ခဲ့ပြီး စကားများများပြောခဲ့ချင်ပေမယ့် တိုက်ဆိုင်တဲ့ကိစ္စတွေ ရှိလာမယ် မထင်ထားခဲ့ဘူး..."
" မင်း ဘာလုပ်ချင်တာလဲ ငါကူညီပေးပါ့မယ်..."
ရွှယ်ယန်၏အသံက အက်ရှရှဖြစ်နေပြီး တွန့်ဆုတ်ခြင်း မရှိပဲ ပြောလိုက်သည်။
ကျွင်းဟွိုင်လန် အံ့အားသင့်သွားမိပြီး မဖော်ပြတတ်သော နွေးထွေးမှုတစ်မျိုးက သူ့ရင်ထဲတွင် ပြည့်နှက်လာခဲ့သည်။
သူက အမြဲတမ် ဒီလိုလူပါပဲ...
သူ့ရည်ရွယ်ချက်ကို ထိုလူအား ရှင်းပြနေသော်လည်း ရွှယ်ယန့်မျက်လုံးထဲတွင် အကြည့်တစ်ခုသာ ရှိနေသည်။
STAI LEGGENDO
အကြမ်းဖက်၀တ္ထုထဲကဇာတ်လိုက်မရဲ့အကိုကြီးဖြစ်လာတယ်
AzioneI Become the Older Brother of the Heroine in Abusive Novel Description ယုံနင်မြို့စား၏ဆက်ခံသူ ကျွင်းဟွိုင်လန်မှာ ပြန်လည်မွေးဖွားလာပြီးနောက် သူက ရှောင်မားစာပေရှိ အမြှောက်စာဇာတ်ကောင်လေးတစ်ဦးဖြစ်ကြောင်း သိရှိခဲ့ရလေသည်။ အဓိကအမျိုးသားဇာတ်ဆောင် ရွှယ်ယန်...