بعد يومين
ياسين :اذيك يا يارا
يارا :انا بخير يا دكتور
ياسين :ملهاش لازمة دكتور دى انتى خلاص اتخرجتى
يارا :ممكن اسألك سؤال
ياسين :اه طبعا اتفضلى
يارا :حضرتك اتقدملى مرتين ودى التالتة ليه يعنى ما الدنيا مليانة بنات وكتير منهم يتمنو حضرتك
ياسين :هو انتى معاكى حق الدنيا مليانة بنات بس مفيهاش غير يارا واحدة بس والفكرة مش فى مين بيتمنانى الفكرة فى انا بتمنى مين
يارا :ااا..ممكن من فضلك متتكلمش معايا كده اتكلم جد
ياسين :هو انا بتكلم جد بس تمام زى ما تحبى
بصى يا يارا انا اتقدمتلك مرتين وانتى رفضتى فيهم من غير ما حتى تقعدى معايا عرفت من والدك انك بتعملى كده مع كل اللى بيتقدمولك اتقدمت مرة واتنين وتلاتة وانا مستنى يجى الوقت المناسب بالنسبالك واهو اخيرا جه
يارا :سنة ونص مستنى يجى الوقت
ياسين :ومستعد استناكى سنة ونص كمان
يارا :حضرتك عارف انى مخطوبة
ياسين :عارف انك كنتى مخطوبة وانه مات
يارا :متقولش كده
ياسين :مقولش ايه مقولش انه مات ولو مقولتش ده هيغير حقيقة انه مات يا يارا
يارا :حتى لو مات ايه خلاص كده المفروض انا انسى وكأنه مكنش فى حياتى
انت وماما وبابا شايفين انه خلاص عدى سنة ونص لازم اكون نسيت
انسى ايه انسى عيسى اللى من يوم ما وعيت على الدنيا وهو جارى اللى فضلت مقرى فتحتى عليه سبع شهور واتخطبنا ست شهور
انسى واحد خططت لحياتى الجاية كلها معاه
ياسين :وهو مات مبقاش موجود علشان يعيش معاكى وينفذ كل اللى خططتيله
لو كان مكتوبلك تتجوزيه كنتى اتجوزتيه بس هو مش مكتوبلك افهمى بقى ربنا مش رايد تتجوزيه انتى بتعاندى مين بتعاندى اهلك ولا بتعاندينى ولا بتعاندى ربنا
يارا :انا مبعاندش حد انت موقف حياتك عليا ليه
ياسين :وانتى موقفة حياتك عليه ليه هو بمزاجى
بمزاجى اتعذب وانا شايفك فى ايدك دبلته وانا شايفك حاطة صورته خلفية لموبايلك بمزاجى انى معرفش ارتبط بحد غيرك بمزاجى انى بعدها اتقدملك وافضل بتقدملك لانى خايف توافقى على حد غيرى
بمزاجى انى حتى لو وافقتى واتخطبنا اخطبك وانا عارف انك حبيتى قبلى وان اى حاجة هتعيشيها معايا هتبقى بتعيشيها للمرة التانية واى حاجة هتحسيها تجاهى هتبقى بتحسيها للمرة التانية ده لو حسيتى تجاهى حاجة من اصله وميبقاش قلبك مات معاه
انا معنديش اختيار تانى يا يارا قلبى مش سايبلى اختيار تانى غيرك لو بمزاجى كنت رحمت نفسى من كل الوجع ده بس هو مش بايدى ربنا حط حبك فى قلبى ومش بيشيله انا دعيت كتير يشيله بس هو مستجابش انا طلعت عمرة ودعيت هناك يا يجعلك ليا يا يشيل حبك من قلبى وبرضه متشالش حبك من قلبى انا مش عارف اعمل ايه معنديش حل لو عندك حل قوليلى عليه
يارا :انا مش عارفة اقول ايه
ياسين :انا همشى وهستنى عمى يبلغنى بردك واتمنى انك تفكرى كويس اتمنى انك بجد تفكرى يا يارا
اتمنى انك تدينا فرصة لو انتى حياتك واقفة بقالها سنة ونص فانا حياتى واقفة بقالها سنتين وتلت شهور من اول مرة طلبت فيها رقم والدك وقولتليلى انك مقرى فاتحتك
بعد اذنك
حكاية " قضاء وقدر "
Comincia dall'inizio
