အမျိုးသားဇာတ်လိုက်၏ ဗီလိန်အစ်မအဖြစ်သို့ ကူးပြောင်းလာခြင်း

Ch-19.2

အခန်း (၁၉) (ခ)

ဤ ကောမစ်၏ အမည်မှာ <<အို ဖေဖေ ကြောင်>> ဖြစ်သည်။ မူလက ပျော်ရွှင်ဖွယ် ဘဝမှာ နေထိုင်နေခဲ့တဲ့ ကလေးလေးတစ်ယောက်အကြောင်းပင်။ ရုတ်တရက်၊ တစ်နေ့မှာ သူတို့မိသားစုတွင် မထင်မှတ်ထားသော အဖြစ်အပျက်ကြီးတစ်ခု ဖြစ်ပွားခဲ့၏။ ဖခင်ဖြစ်သူသည် ယာဉ်မတော်တဆမှုတစ်ခုနှင့် ကြုံတွေ့ခဲ့ရပြီး ကိုမာဝင်သွားခဲ့သည်။ ထိုအချိန်မှာပဲ ကောင်လေး၏ ပင်ကိုယ်စရိုက်သည် အလွန်ပြောင်းလဲသွား၏။ သူသည် စိတ်ဝေဒနာ(အော်တစ်ဇင်)ကို ခံစားလာရပြီး သူ့ကိုယ်သူ အခန်းထဲမှာ တစ်နေ့လုံး သော့ခတ်ထားခဲ့သည်။ သူသည် အခြားသူများနှင့် ဆက်သွယ်ခြင်း မပြုတော့ဘဲ အပြင်ထွက်ဖို့ကိုလည်း ငြင်းဆန်ခဲ့သည်။ နောက်ပိုင်းတွင် ကောင်လေး၏ မိသားစုသည် လမ်းဘေး တက်ဘီကြောင်လေးတစ်ကောင်ကို ကောက်ယူလာပြီး ကောင်လေး ပြန်လည်ပျော်ရွှင်လာစေဖို့ မျှော်လင့်ချက်လေးဖြင့် ကြောင်ကလေးကို ကောင်လေးအနားသို့ ခေါ်သွားခဲ့ကြ၏။ ဤကြောင်လေးသည် အလွန်ထက်မြက်ပြီး လူ့စကားများကို နားလည်နိုင်ကာ သူ့ကြည့်ရသည်မှာ ဘာမဆိုလုပ်နိုင်နေသလိုပင်။ တက်ဘီကြောင်လေး၏ အဖော်ပြုပေးမှုအောက်တွင် ကောင်လေး၏ရောဂါသည် တဖြည်းဖြည်း သက်သာလာခဲ့သည်။ ထိုအချိန်မှာပဲ တက်ဘီကြောင်လေးသည် ကောင်လေးကို သူက တကယ်တော့ သူ့အဖေဖြစ်ကြောင်း ပြောပြခဲ့သည်။ ထိုနှစ်က ကားမတော်တဆမှုဖြစ်ပြီးနောက်တွင် ဖခင်၏ဝိညာဉ်သည် ကြောင်တစ်ကောင်နှင့် ချိတ်ဆက်မိသွားခဲ့သည်။ သူသည် သူ့သားအနီးသို့ ပြန်လာရန် များစွာ အားထုတ်ခဲ့ရပြီး သူ့သား၏ အော်တစ်ဇင်ရောဂါကို ပျောက်သွားအောင် ကလေးကို အဖော်ပြုကူညီပေးခဲ့၏။ သူ့ကို ထားသွားခဲ့တာကြာပြီလို့ ထင်နေတဲ့လူက သူ့ဘေးမှာ အမြဲရှိနေပေးခဲ့တာ ဖြစ်သည်။

ပိုင်ပိုင့်သည် ဒီဇာတ်လမ်းကို အလွန် ကြိုက်နှစ်သက်၏။ သူမသည် စိတ်အာရုံနှင့် ကာတွန်းထဲက ကောင်လေးကို ရှာတွေ့နိုင်ပုံရသည်။ သူမက ဒါကို အရမ်းသဘောကျနေတာတွေ့တော့ စစ်ယွီသည် မူရင်းဇာတ်ညွှန်းကို သူမလေးနှင့်အတူ အိမ်ပြန်ယူသွားနိုင်ဖို့ လက်ဆောင်ပေးခဲ့သည်။ မည်သို့ပင်ဆိုစေကာမူ ဤသည်မှာ စစ်ယွီအတွက်တော့ ခွေးသွေးမဟုတ်တဲ့ ကောမစ်ကို ပထမဆုံး စဆွဲခြင်းပင်ဖြစ်သည်။ ထို့ကြောင့် မူယန်ထံ စာမူပေးပို့ပြီးနောက် သူမ အနည်းငယ် စိတ်လှုပ်ရှားနေမိ၏။