အခန်း (၇) (ခ)
သူ ဒါကို ဘယ်လို ရှင်းပြသင့်လဲ... သူတို့နှစ်ယောက်က တစ်ယောက်နဲ့တစ်ယောက် လုံးဝမသိဘူးလေ။ သူက အစ်မည်မသိ မော်ဒယ်လေးရဲ့ အိပ်ရာဆီ ပြေးသွားတဲ့ နာမည်ကြီးစူပါစတားတစ်ယောက်လို့ အမှန်ကို မသိတဲ့လူတွေကတော့ တွေးကြလိမ့်မယ်။ သူတို့နှစ်ယောက်ကြားမှာ တစ်ခုခုရှိနေတယ်လို့ တွေးကြလိမ့်မယ်။
"ငါ အမ်... တကယ်တော့..." သခင်လေးကျီသည် ဆင်ခြေတစ်ခုပေးရန် သူ့ဦးနှောက်အား အလုပ်ပေးလိုက်၏။ သူသည် အမှန်တကယ်ကြီးကို "မင်းက ငါ့အစ်မပဲ" ဆိုတဲ့ စကားလုံးလေးလုံးကို ပြောလိုက်လို့ မဖြစ်ပါချေ။
သူ့ရဲ့ အစ်မကို သူ ခြောက်လှန့်မိသလိုဖြစ်သွားရင် ဘယ်လိုလုပ်မလဲ။ သူမက နူးညံ့တယ်။ အထိခိုက်မခံနိုင်ဘူး။ ကျီလင်းသည် ထိုအခြေအနေမှ လွတ်မြောက်ရန် ဆင်ခြေတစ်ခုအား ရှာတွေ့လိုက်သည်။
ကံကောင်းစွာပင် ထိုအချိန်တွင် တံခါးမှာ တွန်းဖွင့်ခံလိုက်ရ၏။ ယွီလင်းသည် ဓာတ်ဘူးတစ်လုံးဖြင့် ဝင်လာပြီး "စစ်ယွီ ငါနင့်ကို ယူလာပေး..."
သူမသည် ရုတ်တရတ် အခန်းထဲတွင် အရပ်ရှည်ရှည် ယောက်ျားတစ်ယောက် ရပ်နေသေးသည်ကို မြင်လိုက်ရသောအခါ သူမစကားကို ရပ်လိုက်၏။
ကျီလင်းသည် တံခါးဖွင့်သံကို ကြားလိုက်ရသောအခါ စိတ်အေးသွားရသည်။ အခုတော့ သူသည် အကြောင်းပြချက်တစ်ခုပြပြီး ထွက်ပြေးလို့ရပြီလေ။
တစ်ချိန်တည်းမှာပင် သူသည် မက်စ်ကိုတပ် နေကာမျက်မှန်ကို ခပ်မြန်မြန်တပ်ပြီး သူ့မျက်နှာကို ခေါင်းစွပ်ဖြင့် လုံလုံခြုံခြုံ ကာထားလိုက်သည်။ စစ်ယွီတစ်ယောက် ကြောင်အ,ပြီး ကြည့်နေမိတုန်းမှာပင် သူသည် နှစ်စက္ကန့်အတွင်း သူ့အမေပင် သူ့ကို မမှတ်မိနိုင်အောင် တစ်ခေါင်းလုံးကို လုံအောင်ဖုံးပြီး ရုပ်ဖျက်ခြင်း ပြီးစီးသွား၏။ ထိုအခါမှသာ သူသည် အပြင်သို့ထွက်ရန် စိတ်ချသွားရသည်။
"သူက ဘယ်သူလဲ။" ယွီလင်းသည် ကျီလင်း၏ ထွက်ပြေးသွားသော ပုံရိပ်ကိုကြည့်ကာ စိတ်ရှုပ်ထွေးစွာ မေးလိုက်သည်။ ဒီလူရဲ့ပုံစံက အတော်လေး ရင်းနှီးနေတယ်လို့ သူမ ထင်မိသည်။ သို့သော် မျက်နှာတစ်ဝက်ခန့်ကို အပြည့်အဝ ဖုံးကွယ်ထားသည့်အတွက် ဘယ်သူလဲဆိုတာ သူမ မသိနိုင်ပေ။
YOU ARE READING
အမျိုးသားဇာတ်လိုက်၏ ဗီလိန်အစ်မအဖြစ်သို့ ကူးပြောင်းလာခြင်း
רומנטיקהName - Transmigrating Into The Male Lead's Villainess Older Sister Type - Web novel (CN) Genre - Comedy Romance Slice of Life Supernatural Tags - Abandoned Children Abusive Characters Acting Artists Beautiful Female Lead Celebrities Cold Love Intere...