Start with Heart And End with Love

26 💞

ဇင်ယော် တကယ့်ကို ရင်ခွင်ထဲက မျက်စောင်းထိုးနေတဲ့ ရစ်လုံးလေးကို မနိုင်တော့ပါ..ပန်းခြံရောက်ကတည်းက ရစ်လိုက်တာ
ဇင်ယော့်မှာ အခုထိ ဝက်ပါထဲကလို ဘယ်လောက်သွားသွား ဒီနေရာပဲ ပြန်ရောက်နေသည်။ မဟူတ်မှန်ကြောင်း ငြင်းဆိုလိုက်တာ လေသံလေးမဆိုသလောက်ပြောင်းသွားလိုက်ပါတယ်... အခုတော့ ငြိုငြင်ပြီလားတဲ့...
ဒါပေမယ်ံလည်း သူမလေး ဘယ်လောက်ရစ်ရစ် ဒီကလူရဲ့ရင်ထဲမှာ ပုရွက်ဆိတ်ကိုက်သလို ယားကျိယားကျိနဲ့..

"မငြိုငြင်ပါဘူးဗျာ အဲ့လိုတွေခဏခဏ သဝန်တိုရင် မောင် အသက်တိုလိမ့်မယ်သိလား "

"ဘာလို့ "

ရင်ခွင်ထဲကနေ တကယ့်ကို မသိလို့မေးတဲ့ မျက်နှာပေးလေးဟာ
ဇင်ယော့်ကို ရင်ခုန်သံတွေမြန်စေသည်။ မောင်လို့စခေါ်ကတည်းကချွဲလာတဲ့ မဟာ သူချွဲတိုင်း နှလုံးခုန်သံတွေဂနာမငြိမ်ဲတဲ့
သူ့ကို အသေသတ်မယ့်ပုံပေါ်၏...

"မရဲ့အသည်းယားစရာပုံလေးကြောင့်ပေါ့ ေမာင့်မဟေသီလေးရဲ့ ".

ပြောလည်းပြော ပိုးရဲ့မျက်နှာပြင်တစ်ခုလုံးကို အနမ်းချွေချလိုက်တာကြောင့် ဇင်ယော့်ရဲ့အနမ်းတွေကြားမှာ ပိုး တစ်ယောက်လမ်းပျောက်လို့ အသက်ရှုသံတွေမြန်ဆန်ကာ နှလုံးခုန်သံတွေမှာမူမမှန်တော့ပေ.....

နှစ်ယောက်သား အချိန်အတော်ကြာ ပန်းခြံထဲမှာ အချိန်ဖြုန်းပြီးနောက် သိပ်မနီးမဝေးမှာရှိတဲ့ ဟိုတယ်ဆီ လက်ချင်းတွဲကာ ခြေလျင်လျှောက်လာခဲ့ကြရင်း ဟိုတယ်အခန်းတွေဆီမရောက်ခင်
ဟိုတယ်ပန်းခြံထဲ၌ပင် လက်ချင်းဖြုတ်ကာ မခွဲချင်မခွာချင်နဲ့ နှုတ်ဆက်ခဲ့ရသေးသည်။

အခုချိန်မှာ မ ဘက်ကရော သူ့ဘက်ကပါ တစ်ခြားသူတွေကို အသိပေးဖို့အဆင်သင့်ဖြစ်နေပေမယ့် ကုမ္မဏီ နှစ်ခုပူးပေါင်းကာလုပ်ဆောင်တဲ့အရေးဖြစ်ပြီး ကုမ္မဏီနှစ်ခုလုံးကသူတွေရောအပါ
ဇင်ယော်က မိန်းကလေးဖြစ်နေတာမို့တစ်ကြောင်း မဘေးနားမှာ တောက်တဲ့လိုလိုက်ကပ်နေတဲ့ ရာဇာထွန်း ကြောင့်တစ်ကြောင်း
မို့ မပြောကြသေးခြင်းဖြစ်သည်။

ပတ်ဝန်းကျင်ဆိုတာ ချီးမွမ်း၇ရက် ကဲ့ရဲ့ ၇ရက်ပေမယ့်
သူ့ကြောင့် မကုိ တစ်ခြားသူတွေဆီမှာ အထင်သေးမခံချင်...
သူ့ကိုပြောတာကိစ္စမရှိပေမယ့် လူတွေရဲ့ပါးစပ်ဆိုတာ ကြောက်ဖို့ကောင်းတာကြောင့် ကလောက ကိစ္စအပြီး မန္တလေးပြန်ရောက်မှာသာ official တွဲဖိူ့ မကုိ မနည်းပြောထားရလေသည်။
အခုချက်ချင်းကို ကောက်ကာငင်ကာ ကြေငြာပစ်ချင်နေတဲ့မက
တာစဆီးနေတဲ့ ဇင်ယော့်ကို တစ်ရက်က စိတ်ကောက်သွားသေးသည်။