အပိုင်း ၁၆
"ဗျာ! !! ဟာ အမေရာဖြစ်ပါ့မလား သူသိရင် လက်ခံပါ့မလား "
"အမေပြောရင်လက်ခံပါတယ် နင်သာ အရင်လက်ခံလိုက် ပြီးရင် သူ့ကိုအမေပြောလိုက်မယ် "
"ဒါပေမယ့် ....."
ထိုစကားသံများသည် ခြံ၏ အနောက်ဘက်မှ ဇင်ယော်နှင့် သူ၏အမေတို့ စကားပြောသံများဖြစ်သည်။
"ဘာမှဒါပေမယ့် မနေနဲ့ အခုလိုနှစ်ယောက်အတူတူအိပ်ခိုင်းတာကလည်း အခန်းမလောက်လို့လေ တမင်လုပ်တာမှမဟုတ်တာ နောက်ပြီး နင်တို့နှစ်ယောက်လုံးက မိန်းကလေးတွေချည်းပဲ လေ ဘာဖြစ်နေတာလဲ ဟိုဘက်က မငြင်းရသေးဘူး နင်က ကြိုပိတ်ငြင်းနေတာ "
"ဟာ...မသိတော့ဘူးဗျာ အမေကြိုက်တာသာ လုပ်တော့"
အမေ့ရှေ့မှ ခေါင်းကုတ်ကာ ထွက်သွားပြီးနောက် ခြံရဲ့ အရှေ့ဘက်ရှိ ယုဇနပင်ကြီးအောက်က ထိုင်ခုံမှာထိုင်ရင်း သာနေတဲ့လမင်းကို
ကြည့်ကာ အတွေးတို့က ယောက်ယတ်ခတ်နေသေးသည်။
ဝေ့တိုက်လာတဲ့ လေပြေလေးတွေဟာ ပြင်ဦးလွင်ရဲ့ရာသီဥတုကြောင့်ပိုအေးနေသလို... ထို့အပြင် ညနေက ကိစ္စကြောင့် ဟိုတစ်ယောက်ကို မျက်နှာမပြရဲပါဘူးဆို အခုအမေရဲ့ ကိစ္စကြောင့် မျက်နှာပိုမပြရဲစရာကိစ္စကတိုးလာပြန်သည်။
ထိုင်ခုံမှာ အတန်ကြာထိုင်ပြီးနောက် အေးစိမ့်လာတဲ့ ရာသီဥတုကြောင့် အိမ်ထဲသို့ ဝင်ခဲ့ရလေပြီ...ဝင်ဝင်ချင်းမှာပဲ မိသားစုအားလုံးက
လက်ဖက်ပန်းကန် တွေ ပဲလှော်ကြော်သုပ်တွေ နဲ့အခြားအသုပ်တွေ ချထားပြီး လက်ဖက်ရည်ကြမ်းနှင့် သူမကို ဧည့်ခံပြီး စကားကောင်းနေကြသည်။ ဇင်ယော်ဝင်လာတာမြင်တော့ အားလုံးက လာထိုင်ရန်ပြောကြတော့ ဇင်ယော်လည်းဝင်ထိုင်ဖို့ အတွက်နေရာရှာကြည့်တော့
သူမဘေးမှာဘဲ လူတစ်ယောက်ထိုင်စာကျန်တော့သည်။
"ဟဲ့ ဝင်ထိုင်လေ ဘာတွေငေးနေတာလဲ "
"အော်.. ဟုတ် "
အမေအော်လိုက်တော့မှပဲ ဇင်ယော့်မှာ တစ်ခြားနေရာသွားထိုင်ဖို့လုပ်နေတဲ့ အကြံလေးဖျောက်ကာ သူမဘေးမှာ ဝင်ထိုင်လိုက်ရသည်။ သူမလည်း ဇင်ယော့်ကို တစ်ချက်သာ ကြည့်ပြီး ကျန်တဲ့သူတွေနဲ့စကားပြန်ပြောနေရှာလေသည်။
YOU ARE READING
Start with Heart And End with Love
Romantikkနှလုံးအစားထိုး ခွဲစိတ်မှုကနေ ဖြစ်ပေါ်လာသော ချစ်ခြင်းများ... ႏွလုံးအစားထိုး ခြဲစိတ္မႈကေန ျဖစ္ေပၚလာေသာ ခ်စ္ျခင္းမ်ား...
