အပိုင်း ၂၁
ညတိုင်း ဒီလိုအတွေးမျိုးနဲ့အိပ်မရသည်မှာ တစ်ပတ်လောက်ရှိခဲ့ပြီ..
ထိုအတွေးကတော့ မေနွဲ့စိုးက ဇင်ယော့်ကို မ နဲ့ပြန်အဆင်ပြေအောင်ကူညီပေးမည်ဆိုသော စကားကြားရကတည်းကပင်..သူ့ပုံစံက ယုံကြည်စရာမကောင်းပေမယ့် အခုချိန်မှာ သူနဲ့မနဲ့ဟာ ပြတ်သွားပြီပြီဖြစ်တဲ့အတွက် မေနွဲ့စိုးပြောတဲ့အစီအစဥ်ကို လက်ခံလိုက်တာ သူ့အတွက်တော့ အကျိုးမယုတ်နိုင်..တကယ်လို့မဘက်က ပြန်လက်ခံခဲ့ရင်တော့ အမြတ်ပေါ့..ဇင်ယော့်ဘက်က ဘာအစီအစဥ်လဲလို့မေးတော့ သူလုပ်သမျှပြောသမျှကို ထောက်ခံပေးပြီး အလိုက်အထိုက် နေရုံပဲတဲ့..သိပ်တော့မသက်ာစရာကောင်းတယ်မလား ..ဒါပေမယ့်လည်း ကိုယ်က အခုချိန်မှာ မနဲ့ပတ်သတ်ရင် ကောက်ရိုးမျှင်လေးတစ်မျှင်ပဲရရ ဆွဲထားပြီးကူနိုင်မလား အော်နေရတဲ့သူမို့ မနဲ့နီးစပ်ဖို့အတွက်ဆို မျှော်လင့်ချက်လေးတော့ နည်းနည်းပဲရရ ယုံကြည်ချင်မိသူမို့ လက်ခံလိုက်တာ ဇင်ယော့်အတွက်တော့ နောင်တမရပါ..
....
"ဟင် ဒါဆို ခရီးက တစ်လတောင်ထွက်ရမှာပေါ့ "
ဝင့်လွှာရဲ့စိတ်ဓာတ်ကျသံအဆုံး ဇင်ယော့်ရဲ့အပြုံးတွေ ဝေဆာသွားလေသည်။
"လုပ်ငန်းအရ ထွက်ရမှာပေါ့ဟ ဟိုမှာ အဓိက နေရမယ့်သူက ဘာမှမဖြစ်ရဘူး တစ်ပတ်လောက်နေလိုက် ပြန်လိုက်လုပ်ရမယ့်နင်က ဘယ်လိုဖြစ်နေတာလဲ မိဝင့်လွှာ "
ကုမ္မဏီနှစ်ခု ပေါင်း လုပ်မယ့်ပရောဂျက်ဟာ ဟိုတယ်ပရောဂျက်ဖြစ်ပြီး ဒီဇိုင်းဆွဲဖို့ အင်ဂျင်နေရာနှင့် မြေနေရာညှိယူတာတွေလုပ်ဖို့
ဝင့်လွှာတို့ ဒီဇိုင်းနာတွေ ကလောကို တစ်လလောက်သွားရမယ်ဆိုတာကြောင့် စိတ်ပျက်သွားပါတယ်ဆို ဦးလေးက ဇင်ာ်နဲ့နှိုင်းပြီးဆူလိုက်တာကြောင့် ဇင်ယော့်ကို ကြည့်လိုက်တော့ ကိုယ်တော်ချောက ပြုံးပြုံးကြီး..အေးလေ သူ့ ရဲ့ မ ကလည်း တစ်လမဟူတ်ရင်တောင်
ဝင့်လွှာတို့လို ဆိုက်ထဲ ခဏခဏ လာကြည့်ရမှာဆိုတော့ ဒင်းအတွက် အခွင့်အရေးရတော့ ပြုံးနိုင်တာပေါ့..
ဝင့်လွှာမှာသာ ကိုယ်မသွားချင်တဲ့မြို့ ကို သွားရမှာမို့ စိတ်ဓာတ်တွေသာ အောက်ဆုံးထိုးကျသွားလေသည်။
ESTÁS LEYENDO
Start with Heart And End with Love
Romanceနှလုံးအစားထိုး ခွဲစိတ်မှုကနေ ဖြစ်ပေါ်လာသော ချစ်ခြင်းများ... ႏွလုံးအစားထိုး ခြဲစိတ္မႈကေန ျဖစ္ေပၚလာေသာ ခ်စ္ျခင္းမ်ား...
