▪️مرجـــــــــــــــانة▪️
▫️من كتابة هيرا▫️
▪️الجزء الواحد والثمانون▪️
ضورات عينيها وضربات اليد باليد..حتا تسمع صوتها.
مرجانة: علاه ما قلتش ليك؟ سبحان الله بلغت السيمانة لي فاتت!
شمس الدين: ياك؟
يدها على خصرها حطاتهم..وعينيها فيه طلعاتهم.
مرجانة: اياه!
ناضت من تما مغطية الماكلة..وراجعة لسرير متلفة عليه الهضرة!
جا حداها وجبد رسايل من يديه عطاهم ليها.
شمس الدين: رسايل من هنا ومن بلدان خرا كيباركو لك الحمل لي تداع فالبلاد!
ضحكات شاداهم وكتقلبهم بيدها..ولقات حتى رسايل من باها وعائلتها!
شمس الدين: لي لقيته ليا كيبارك..جوج مرات تنشرات خبار حملك..نهار تحملي بصح حد مغادي يتيقك!
حطات يدها على كرشها..كتبسم غير بحدها!
مرجانة: المرة كتعرف المرة..وأنا كنعرف لي بيا..وكنحس براسي حاملة بصح!
همهم بمعنى راني تيقتك..كل مرة كانت كتخرج ليه بحاملة من جنب!
للحمام دخل وخلاها كتدور عينيها..حتى ناضت على دقان رحيمو فالباب عليها.
حلات الباب وتكات عليه كتطلع وتنزل فيها!
رحيمو: الجواري حد فيهم ما بقا الالة!
مرجانة: كفاش هادشي؟
رحيمو: فاش جا مولاي جنوده خرجوهم ومن اليوم ما بقاو جواري عنده..الحريم خوا..بغيتك تشوفي وجه نورية ديك ساعة!
ضحكات مرجانة والحال عجبها..حطات يدها على خصرها وبدات تجري على رحيمو بيدها.
مرجانة: سيري من حدايا نشوف أش قصتهم.
رجعات بحالها..وغير خرج وقفات عليه كتشالي بيدها.
مرجانة: أش قصة الجواري؟
شمس الدين: حيدتهم..فتحت دار ليهم..وتما حطيتهم..ومعاهم حتى النساء المتشردين ولي معندهم والي..الدار غتبقا ترعاهم حتى يبغو هوما يخرجو..ودار سميتها عليك..دار المرجان!
بدات كتفرنس حداه..مرة مرة تهز يدها تضربه لصدره!
مرجانة: ومني هادشي كامل علاش فاش كنت تنقول لك خرجهم..كتشد معايا ضد أمولاي!
شمس الدين: كنت كنتسنا الدار تكمل واليوم كملات!
مشات كتجري لصندوق الذهب لي جابو لها..وهزاته دافعاه مبعداه عليها.
مرجانة: هاك هاد ذهب صدقو عليهم..الجهد لي هنا ميبقاوش يحطو رجليهم!
ضحك محرك راسه ليها..وهي رجعات گالسة فالسرير مسرحة رجليها.
مرجانة: غتمشي دبا للحرب؟
شمس الدين: قبل من العاصر غادي نتحرك.
مرجانة: بقا حتال ليل ولا لفجر عفاك!
بقات كتغبن فصوتها..حتى حرك ليها راسه بمعنى وخا.
ناضت طايرة للباب حلاته وبدات تدوي معاه!
مرجانة: بقا تما دبا أنا صايمة فليل بغيت نهضر معاك!
▪️توقعاتكم وأرائكم▪️
بغيت نهضر معاك عند مرجانة هي فريو كريو😂.
YOU ARE READING
مرجانة🌙مكتملة🌙
Romance💎مكتملة💎 🌙🌙🌙مرجـــــــــــانة🌙🌙🌙 ✨كان يا مكان في قديم الزمان! ✨ جملة سحرية فتحات البيبان وخلات الأنس يتزوج بالجن والغول حتى هو ليه مكان.. كاين السلطان وكاين الخدم والحشم...وكيفما كاينة الفهيمة كاينا الدميمة.. كان يا مكان جملة تقالت فكل مكا...
