▪️مرجـــــــــــــــانة▪️
▫️من كتابة هيرا▫️
▪️الجزء التاسع عشر▪️
أول خدام بان لها عطاته الرسالة يوصلها مع الهدية..وحتى هو ماشي من العاكزين..غير عطاتها ليه ومشى طاير على الخيل لدار مرجانة!
غير مشى وتسمع النفار فالقصر..مهلل بوصول السلطان منتاصر!
كلشي خرج للباب كيتسنى دخوله من جداته لأصغر واحد فالقصر!
داخل بطلته المعتادة عليهم.. وجنوده حارسينه..أثار التعب باينين فيه..لكن ميبانوش قدام ضحكة كل واحد فاش شافو جاي..كيمد يده لكل واحد يبوسها ويقول لهلا يرحمنا من مولاي!
عارفين لي كاين ومبغاوش يطولو عليه..وخا مسخاو بالشوفة فيه..خلوه يدخل لبيته يرتاح هو الأول!
فهرية غير شافته دخل للبيت..وكلست عاسه عليه..يخرج وتوقف ليه!
صوت الناس حدا قصبة القاضي عياط كثر..فاش شافو خديم من خدم السلطان جاي جيهة القصبة..ومن لبسته بان..إوا هدا هو أحسن برهان!
وصل وبدا يدق على أهل الدار..شامة حاطة حيكها وكانت جالسة حدا الباب كتسنا راجلها وبنتها ساعة شافت هدا!
طلات من الشق عليه..وحلات الباب مبسمة ليه..شافها وعطاها الرسالة..مع صندوق عامر ذهب!
-من قصر مولاي السلطان.
شامة: إيجيه الخير..الله يطول فعمره للبلاد ونسابه "كتطول أخر كلمة وهي كتشوف ناس لي واقفة كتطل"
أما الخدام قال لي عنده..وزاد راجع فحاله..خلى شامة فاتحة الصندوق قدام الناس..باش يشوفوه ويحلو عينيهم!
عيطات على الخدامات يهزو الصندوق..وبقات كتقرا عليهم الرسالة بصوت مسموع!
مضمونها أكد الهضرة لي كتضور..مرجانة غا تخطب لسلطان!
مكرهات شامة ديك الرسالة تعلقها..قدام القصبة لي داز يقراها..سدات عليهم لباب مطرقاه عليهم..خلات الناس الفضول واكلهم..دخلات غير كتشالي بيدها بالرسالة..وتعيط غير مرزوقة مرزوقة ليوم تفقصها!
قربات مرجانة للقصبة وفضلات تدخل من لباب لور..حالاها حالة وقالت تدخل سلتانة..وداكشي لي كان!
الحيك غطاها وحتا حد ما عرفها وقفات على لباب لور..مصيفطة رحيمو تدق وتعاود..كانت شامة كتدور تما! الرسالة فيدها وكتشالي بيها..تغني لراسها..وتطرب بصوتها..سمعات الدقان وحلات..وحتى عينيها تحلو مع الباب!
كتطل على بنتها..وترجع عين لرحيمو..وعين للجندي لي جا معاهم!
شافت فالجندي وحققات فيه..لبسة الجيش..طولته وركبته على الخيل..قالت بنتها جابت السلطان!
دغيا حلا ليها اللسان وتبدل الصوت..خلات مرجانة ورحيمو معجبين..فهاد الحالة كان عليها تقابل مرجانة بلبلغة فالباب..لكنها واقفة..وعليهم مبسمة!
شامة: جابكم الخير " كتشوف فيه بنص عين " مرحبا بلي جا وجاب!
تمت جاية لها مرجانة نازلة من الخيل كتعرج..بغات تدخل ووقفاتها شامة كتوشوش!
شامة: هذا هو سلطان؟
مرجانة كترد عليها بنفس نبرة الصوت: إنا سلطان أمي واش كتحلمي فالصباح..خليني ندخل نرتاح.
شامة محطاتش عينيها على بنتها..كتشوف غير الحندي لي حداها..بلا متديها فيها..حطات الرسالة فيديها..شداتها مرجانة ما مسوقة وزعفانة..غير قرات أول حروف خرجات عينها..وبلهفة كتقرى حتى كملاتها!
تلفتات للجندي غالطة..بحالها بحال مها..مسگيين بمغرفة وحدة..سبلات العين وحدات الراس..ملاك دخل فيها!
بغات تمشي عندو..ووقفاتها رحيمو لي سمعاتهم وعيات ما تنغز وحد ما داها فيها!
حتى جرات مرجانة مدخلاها مع الباب وهي كتقول.
رحيمو: وماشي هو راه تفكرت شكون!! هدا ساكن حدانا..جندي من جنود السلطان!
سمعاتها شامة وسدات الباب عليه..تم تم تقلبو عليه!
جرات شامة بنتها من يدها..ناطراها..بغات تعرف خبرها..واش وقع وطرى بغيابها!
شامة: عاودي ليا مني خرجتو حتال هاد رسالة لي بين يدي!
اش كتسناها تقول ليها..مرجانة براسها مفاهمة اش طاري وجاري! قالت تمسكن عليها تا تجيب الخبار عاد ديك ساعة تشوف!
▪️أرائكم وتوقعاتكم؟ ▪️
CZYTASZ
مرجانة🌙مكتملة🌙
Romans💎مكتملة💎 🌙🌙🌙مرجـــــــــــانة🌙🌙🌙 ✨كان يا مكان في قديم الزمان! ✨ جملة سحرية فتحات البيبان وخلات الأنس يتزوج بالجن والغول حتى هو ليه مكان.. كاين السلطان وكاين الخدم والحشم...وكيفما كاينة الفهيمة كاينا الدميمة.. كان يا مكان جملة تقالت فكل مكا...
