▪️مرجـــــــــــــــانة▪️
▫️من كتابة هيرا▫️
▪️الجزء العشرون▪️
اش كتسناها تقول ليها..مرجانة براسها مفاهمة اش طاري وجاري! قالت تمسكن عليها تا تجيب الخبار عاد ديك ساعة تشوف!
مرجانة: خليني نحيد العيى..ونقول ليك ما طرى!
سمعات شامة لكلامها..بغات تسايسها حتا تخوي ليها المزيودة!
غير حيدات شانة من حداهم..ضارت مرجانة لرحيمو!
رحيمو: طيري من هنا..تبعي الجندي لي مشا..جيبي ليا لخبار من عنده وجي لهنا..جيبي ليا خبار لي وقع فدار! انا فالحمام مغاديش نخرج حتا تجي وجيبي لي حوايجي.
خلات مرجانة غادة تعرج للحمام..وهي مشات طايرة من هنا لهيه..تلقط خبار هدي وديك!
جات عند مرجانة لقاتها مكملة حمامها وكتسناها! جابت لها حوايجها..تعاونها فاللبس وتعاود ليها!
رحيمو: الحارس لي عطيتيه رسالة..جبد من جيب السلهام ورقة بيضة وفيها ختم السلطان..قبل ما تكمل الليلة..الخبار دارت فالمدينة..وكل واحد كيف نواها..وكيف وصلها..كين لي فبلاصة ورقة فيها ختم السلطان رجع السلطان حضر براسه لهنا..وكين لي زوجك ليه گاع..سولت الجندي لي جا قال ليا انا غا عبد مأمور من مولاي..قلت ليه علاش كنا محبوسين..قال ليا كانت حرب نايصة ومكين كيف نوصلو بأمان لدار! الرسالة ما عرفت علاش وصلات..ولكن وصلات قبل ما يوصل السلطان القصر..وختمها ختم عمته واقلة..يعني ماشي هو!
مرجانة : هو ولا ماشي هو بزز لصقات فيه الهضرة..حيدي من قدامي..ليوم انا فرحانة وخاث نخرج صدقة!
رحيمو مسحات على قفطانها مقاداه: ولكن من هاجو لي شفنا شكون سلطان!
رجعات شافة فيها مرجانة..عاد تفكرات..فكرات غير فالغنيمة لي حَصْلات..ونسات لي كان سبابها! حاوت تجمع الخيوط لي بانو لها فراسها..حلات عينيها وضربات على فخاضها!
مرجانة: ويلي ضربته لراس!!
خرجات كتعرج باغة غير توصل لبيتها لي توحشاته..تنعس النعاس لي ما شافته..غير دخلات وسداته لقات مها على السرير كالسة..كتناها تما ممفاكة!
شامة: عاودي ليا كلشي "كتربت على البلاصة لي حداها" اجي لهنا.
جات مرجانة حداها منفخة..جلسات وبدات تدور فراسها وتألف!
مرجانة: فاش كنا غادين فطريق..وصلنا حجا شي خيام..تما خرج شي حد..معرفناهش سلطان..قالك ممنوع تدوزو من هنا..إيوا صافي هضرة تدي هضرة حتى عرفني بنت القاضي عياط "كتدور عينيها..وتلعب بيدها" عجبتو وقالي مغاديش تمشي من هنا..وانا قلت ليه راه كتعرف دار با.. قال ليا عارض عليك لقصر نتي وباك..نهضرو على هادشي.
شامة تبسمات..والفرحة بانت عليها..هي غتولي نسيبة السلطان!
شامة: إيه والحراس لي صيفطهم معاك باك..مالو جا غير واحد وعلاش برجلك كتعرج!
YOU ARE READING
مرجانة🌙مكتملة🌙
Romance💎مكتملة💎 🌙🌙🌙مرجـــــــــــانة🌙🌙🌙 ✨كان يا مكان في قديم الزمان! ✨ جملة سحرية فتحات البيبان وخلات الأنس يتزوج بالجن والغول حتى هو ليه مكان.. كاين السلطان وكاين الخدم والحشم...وكيفما كاينة الفهيمة كاينا الدميمة.. كان يا مكان جملة تقالت فكل مكا...
