▪️مرجـــــــــــــــانة▪️
▫️من كتابة هيرا▫️
▪️الجزء الستون▪️
مشات رحيمو طايرة من حداها..ومرجانة بقات تما كتدورها فمخها.
مرجانة: علاش جا الماء القاطع فالحناء..فالوقت لي بغيته أنا..تاحد معارف بلي بغيته من غير..
هزات راسها كتشوف بعيد فرحيمو..لي واقفة مع خدامة من خدامات عود الروح!
قبل ما يشوف حد منهم حسها..مشات هازة جلايلها..ولجيهت جناح السلطان داوها رجليها.
الخدم لي فالباب حلوه ليها..وهي دخلات كتقلب بعينها.
لداخل قدام المراية لقاته..مبدل حوايجه..وريحت المسك عمرات بيته.
قبل ما يهز عينيه فيها..ولا يديها فيها..مشات قدامه حتى ولا قبالتها.
مرجانة: كنت معاك أمولاي ليل كامل وحتى الصباح..ماشي أنا هاد لمرة!
شمس الدين: أش واقع!
مرجانة: حطو لعود الروح الماء القاطع فالحناء..والخدامة لي خلوضات الحنة هي لي عرفات..وقبل ما تحطها فيدها..قالت لها.
شمس الدين: وأنا ما قلت ليك والو دبا.
جلسات فوق السرير حاطة رجل على ختها..وايدها سرحاتهم..وتكات غير شوي مكالية بيهم..وشوفات حلوة فعينها حطاتهم.
مرجانة:غير على لي جاي أمولاي..باش متقولش ليا درتي شي حاجة!
شمس الدين: يعني لي قبل كاين!
تنهدات وميلات فمها..هازة كتافها.
مرجانة: وا علاش كتضلمني.
قرب لها..ونزل حتال عندها..حط يديه بين جنابها ومحاصرها..وحتى ولا وجهه مقابل مع وجهها.
شمس الدين: أنت عارفة وأنا عارف!
بقات كتضور عينها هنا ولهيه لمهم ما تجيش عينيه فعينها..على عنقه حطات يديها..جاراه عندها..حتى نفس وحدة شركوها.
مرجانة: غير أمولاي كتبغي ضلمني.
زاد تاهوا قرب منها..مع غمزة خفيفة لها.
شمس الدين: نتي كديري علاش.
حط فمه فعنقها..كيبوسها تما..حتى هرها..وجلسات تضحك حالة فمها.
مرجانة: حبس حبس نقوليك.
حبس كيشوف فيها..وهي رجعات كترمش فعيونها..وتلعب فسلهامه بيدها.
مرجانة: قلت هكا حيث أنا كنت بغيت الماء قاطع..غتقول ليا علاش مغنقدرش نقوليك..لمهم نهار بغيتو أنا وقع هادشي..فهمها كيف بغيتي.
حيد من عليها..حتى بعد منها..عاد ضار ليها.
شمس الدين: علاش أمرجانة!
تبسمات مدورة فالبيت عينيها..حتى السلهتم لي جابت عود روح بان لها..وبدات تشير عليه بيديها.
مرجانة: عرفتها جابته ليك مع قفطان ليها..كنت بغيت نحطه فيه ويخسر.
شمس الدين: أش دار ليك..مغاديش نفرق وليك عقابك!
ناضت حتى رجعات قبالته..ويدها حطاتهم على كتفه..كتمسح فوق منه.
مرجانة: منغيرش على راجلي؟
شمس الدين: راجلك صبره ليه حدود.
مرجانة: أنا قلت ليك لي كاين باش تا لوقعت شي حاجة منطيحش فالحفرة!
تمات خارجة حتا بان لها حوايج سفره مجموعين..ورجعات جايباهم بين اليدين.
مرجانة: غادي لشي بلاصة؟
شدهم من عندها..ورجعهم فين كانو..و راسو ليها دورو.
شمس الدين: غادي نجيب سلطان بلاد الصفوان لي حدانا..إنشاء الله يكمل زواجه بعائشة ختي فهاد سيمانة.
مرجانة: شكون غيجي معاه فالنساء؟
شمس الدين: غير هو وجدو.
مرجانة: نمشي نوصلك حتال الاسطبل؟
حرك راسه بمعنى اه ودخل للحمام مخليها..هي ضورات فلبيت عينيها..و السلهام الهديه هزاته فيدها.
لتراس بيته داوها رجليها..و السلهام وقفاته قبالتها..كيضرب فالهوا والا طلقاته يطيح من يدها.
الشدة بجوج يدين ولات يد وحدة..واليد وحدة ولات جوج صباع..وجوج صباع ولاو واحد..والواحد مبقاش.
والسلهام طاح من الفوق طاير!
السلهام طار من تما وطاح للأرض مرمد وعلى صوته خارج من الحمام جاي عندها قفزات.
تلفتات ليه بشوي وخرجات عينها..ولسانها تربط ليها.
مرجانة: دبا إلا قلت ليك زلق ليا من يدي..تيقني؟
▪️توقعاتكم وأرائكم▪️
आप पढ़ रहे हैं
مرجانة🌙مكتملة🌙
रोमांस💎مكتملة💎 🌙🌙🌙مرجـــــــــــانة🌙🌙🌙 ✨كان يا مكان في قديم الزمان! ✨ جملة سحرية فتحات البيبان وخلات الأنس يتزوج بالجن والغول حتى هو ليه مكان.. كاين السلطان وكاين الخدم والحشم...وكيفما كاينة الفهيمة كاينا الدميمة.. كان يا مكان جملة تقالت فكل مكا...
