- بلقيس بعدچ تحبيني؟
- انت شتگول ؟
امشي اصابعي على وجهة بهدوة الى ان وصلت لحيتهة
- لحيتك طولانه حيل .
- مالي خلك اروح للحلاق .
- حمد .
- عيونة.
- مشتاقتلك خليني بحضنك .
- حسبتچ نسيتي حضني وتعوتي على النومة برا.
- انت الي نسيتني انت عندك بديل بس انه بحدي شلون انسه.
- ها تردين بديل ؟
- امممم
- ها تفكرين؟
- هههههه حمد نعسانه باجر اتناگر وياك
دنيت علي وشبگته ونمت فزيت على ادي الي يريد يسحبهم رجعت شبگته
- رويحتي ارد اروح .
- لا اتروح ابقة .
- عندي شغل .
- بس اشوي لخاطري .
- ولج ارد اصلي اذن
وخرت اديه ودرت ظايجة منه
رجع باسني من خدي
- مريتي من عفتهة صاير تنبل نوم .
- حمد والله نعسانه 🥱.
- ارد اصلي واطلع نامي انتي شلج غرض بيه .
طلع يتوضه گمت غسلت وجهي وبديت احضر الريوگ رحت حضرت الريوگ وصبيته خليته وتوضيت لگيته گاعد على السجادة وصافن
-حمد صبيت ريوگ ما تتريگ انه راح اصلي واتريگ وياك.
- على راحتج
صليت لگيته صابله چاي وجاي ياكل وگعدت بصفة وهوة صبلي چاي
- حمد مو گتلي تاخذني للزيارة؟
- بس خل اشوف عمي محسن وادبر احد يبني النه بيت صغير وانشاء الله نتوكل .
- تجي بعدين لو تبقه بالقصر؟
- امر بعدين بس ما ابات .
- بعدين يمكن امر للقصر .
- بكيفج .. محتاجة شي
- سلامتك.
- اترخص .
طلع ورجعت نمت صارت حياتنه روتينه معقولهگعدت الضهر على دگ الباب طلعت افتح الباب چان وسام وحمزه من شفته شبگه مشتاقه لاهلي بس بسبب مشكلتي ويه حمد خفت اتواصل وياهم خفت لا يدرون.
- ادخل وسام.
-وجهج مورم ؟
- چنت نايمة .
- شعجب؟!
- بحدي وين اروح .
- يعني ماكو غدة؟
- عساك على غدة .
رحت للمطبخ طلعت سمجة عندي بالمجمدة ونگعدتهة ونگعدت تمن
- بلقيس وين حمد ما شفته بالديون؟
- ما اعرف .
- ولج شهر محد يدري بحالج من رجعتي ويه حمد خفنه عليج وانوب نخابر عليج ما نحصلج ونخابر على البيت حمد يگولون زينه وبعدين تخابركم وماكو فايدة خوما صارت بينج وبين منصور مشكله؟
- لا ماكو شي بس الواير مال تيلفون خربان ومحد سوا.
گمت اسوي الاكل وسام خطيه يفتر وراي ويسولف عن البيت والاحداث هناك وعن ابوي الي شكله واخيراً يخطب لوسام البنيه الي يريدهة
- ورة ما رحتي حجيت ويه ابوي گالي اسأل عليهة وبعدين الله كريم سأل انوب قبل بس شرط ما تشتغل ولا تطلع باب البيت .
- ولك اقبل باي هسه.
- هسة لو يگلي خليهة بقفص هم اقبل بس ازوجهة.
- شكلك معوز حنان.
- انچبي ولج .
- هههههههههه يمته الخطبة انشاء الله.
- من تخلص السمجة ولج كتلني الجوع.
- خلصت والله.
- خل ناكل برة.
- ما تشوفهم هوسة وملتهين بعرس منصور اذا تريد نروح لبيت عمي محسن ونسوي غدانه بالبستان.
- اي والله انه اجي بس علمود البساتين وحظرتج حابستني بيتج .
- ما اعرف حمد وين طلع من الصبح .
- صاير شي ؟
- يعني عادي ...
YOU ARE READING
أنت إم الماضي
General Fictionمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
