- انتي مريضة.
هزيت راسي بمعنه لا
عمتي من اجيت من البصرة ما شفتهة هسة اذكرت تجي
- ماكو چاي .
- ما عندي غاز.
- شمالة وجهچ احمر .
- مابي شي
- خايبة انتي مريضة
گامت حطت ايدهة على گصتي وصرخت
- فلك صابك احميد چا متت البت لو ما جاية
رادت تطلع لزمت ايدهة وگتلهة
- حبوبة عمة لا تگلين لاحد مريضة ما اريدة يدري بيه مريضة ويجي .
- خايبة انتي بيا حال .
- عندي بابنكبابنگ بس ما عندي غاز .
- يا بابنك ما يفيد عندي اعشاب اروح اجيبهم واجي واخل حمد يبدل الغاز.
- ماريد حمد ما ارد اشوفه عمه اذا يجي والله ما افتح لاحد لباب واخابر لاهلي يجون علي
- فلك طرچ انتي ولطم .
عافتني وطلعت تمددت على القنفة ونمت حسيت على اديت شالني واخذني فتحت عيوني ارد اگلة وخر مني حمد ما اريدك بس مجاي اگدر احجي رجعت نمت فلاونزا ماشايفتهة بحياتي وانه عواوة بالمرض
حمد : بلقيس يالوعه هذا الگلب حرت اشلون اقنعهة بسالفة منصوراربع سنين اخوي متبهذل وعرس ما قبل يعرس واله يم اهلة وكل ما احجي وياهة ما تقبل حته افتح الموضوع گلت ميخالف حقهة الي صار وياهة مو هين ومن سنه اسمع انواع الحجي من ابوي وامي بهذا الموضوع واسوي روحي ما اسمع بس علمودهة حاولت وياهة يابه حطي روحج مكاني يم الغير ماكو وبس تتجاوز وصلت بيهة تغلط اسكت واتحمل اگول ميخالف وكل فترة احجي وياهة اخر شي گالتي ارد اروح لاهلي ما ارد ابقة يمك بس تلح علي گتلهة لا ترحين منصور يجي بهذا الاسبوع چان تگلي لو انه لو هوة وديني ما اريد ابقة خنگتني وطلعت روحي خليني ارتاح كم يوم
وديته گلت ترتاح اجة ابوي حجة وياي وگلي اخوك راح يجي الاسبوع اليجي گتله هلة بي فرحت للبصرة وگلت تخلي تمي يحجي وياهة بالكي تهدة وحجيت ويا الرجال گل حقك وهذا اخوك وخل بلقيس علي چانت طالعه بوكتهة من رجعت ضحكتهة مسموعه من نزلتهة من السيارة وانه يمي مادة بوزهة هم سكتت وعبرت دخلت اسبح علمود ارجع للعمارة لان اذا ابقة تگب بينه
من طلعت اسمعهة تگل اختهة
''شوفت عينج انه اگبالج ولا شي حمد وعدني بي صار''
المشكله اهي تدري بيه واگف وتحجي علمود اسمعني وتذمني يم اختهة الله اعلم شنو تحجي علي من وراي عفتهة وطلعت صبري وصل حدة وياهة حيل تمادة
رجعت للعمارة والگه منصور هناك سلم علي بقيت متفاجىء سألت ابوي
گالي موش سألتك وكتلي الاسبوع الجاي واخوك من سمع بيك قابل يرد اجة
اويلي عليك يا حمد زادت عليك هذيج شيقنعهة انه ما ضحكت عليهة والتهيت من شغله لشغلة على اساس ثاني يوم اروح الهة اجيبهة وصارتلك طلابة بالسلف وهم التهيت ورهة بيوم رحت وياريتني ما رحت راجعة متحزمه للشر حزام وفوگهة تجاوز بلقيس تعلمت تجاوز حجيهة غثني حجيهة يجرح بوقتهة قررت اعاقبهة واحسن عقاب للمره من تهجرهة عفتلهة البيت وطلعت ورحت لامي ونبهت عليهم محد يوصل باب بيتهة امي سألت شنو سبب هيج ثاير مارديت وگتلهة يمه انه ومرتي لحد يدخل وممنوع احد يروح الهة وهية ماراح تطلع
YOU ARE READING
أنت إم الماضي
General Fictionمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
