امي صار وجهة احمر من نظرات ابوي وانه متت ضحك بدون ما تحس لان كلش تخجل منه رغم شكد صارلهة هية وابوي بس بعدهي تستحي من يحجي وياهة واحنه موجودين
- وانتي بلقيس.
- بكيفج مامه كلشي من اديج طيب والله حته الاكل الي ما احبة جنت من ايدج يخبل .
- بابة : ها بوية شكلج متكدرة انتي ورجلج.
- بلقيس : لا بابة ما بينه شي بس والله اشتقاق الكم حيل
امي گامت اسوي اكل وانسام لحكتهة وانه بقيت يم ابوي
- سولفي بلقيس شبيج انتي هم.
- مابيه شي بس انت بابة شبيك متغير مو نفسك سلطان رباني
- انة على حطتي ما متغير بيه شي.
- بابة يعني الواضح عمتي صدك جانت تحبك بحيث حمد طلع استنساخ من اطباعك انه من گد ما عاشرت حمد صرت اعرفلك هم انت لان نفس الشي انت وحمد .
- شنو تردين توصلين اله؟
- انت ما مقتنع بمنصور بسببي ؟
- مو بس بسببج اكو اسباب هواي .
- مثل؟
- مثل مكانه الي بغداد انه ما اقبل بي واذا تگليلي راح يجي للبصرة يعيش هنا انه ما اصدگ لان حمد قبلة هواي وعد وبالاخير مشاج بشي الي هوة رادة مثل عشگ اختج اله الي راح يخليهة تسكت وتنداس مثلج .
- بس مو معناهة انك اتصحح الخطأ بالخطأ يعني انت ما راضي بناصر تروح تجبرهة تزوج مخلص بابه مخلص كلش مو مثلنه يعني همة صح ناس مثقفة بس انت تتحمل ثقافتهم هاي حفلاتهم نسوان وزلم وشرب انت جنت حفلاتهم ما تقبل اروح الهم لان صير .. استغفر الله.. يعني يا بابه مو اقنعك بناصر انه بس لا تروج انسام وبعدين تتحسف بوقت ما تنفع بي الحسافة .
- واذا ما قبلت تزوج كلش .
- انسام مو مثلي وانت تعرف هذا الشي انسام مثل امي حته لو تريد الشي ما تگول انه اريدة ولا تگول على شي ما تريدة ما اريد من تجيهة قسمه زينه وتحسة مناسب زوجهة بس خل بالك هية مثل امي صح تسكت بس ما تنسه .
- وانتي عليمن طالعه.
- انه على ابوي وافتخر بهذا الشي .
- اخ يا ام لسان .
- بابه اكو اشياء انت جنت كارهم بجدي من جنت بالعمارة وعفت العمارة بسبب جدي وعنادة وياك جنت متوقعة عمرك مراح تعيد هاي السوالف بينه بس جاي تعيدهم بينه واحد واحد بالنسبة الي اقتنعت بقسمتي وحمد انه حبيته بس البقية بابة لا تخسرهم انه مثل خشبة موكلي كل ما تشمرهة ترجعلك لان بتك وما اگدر بلياك بس وسام لا وخاصة هسة كبر وصار عودة قوي الي موگفة ما يعوفك بس لان ما يريد يكسر حجايتك ويحبك لا تسر بي ...
- اگلج انتي تلفين علينه كل شهرين لو ثلاث ونفس الحجايات تعيديهم ما تملين ؟
- بابة انت ربيتني ادير بالي على خواني وما اخليهم بوقت الي يحتاجوني لان انه جبيرتهم وتعرف علاقتي بوسام شلونهة والله من يگعد يمي ويذب حسرة احس روحي تطلع وية حسرته من احجي ويا واگلة واجه ابوي واحجي ويا يرد علي بلقيس هذا ابوي تريدنه يحس من كبرت تقاويت عليه لو اعرف اظل بلة عرس وما اعصي .
- جذابه ما گلج هيج.
- اذا تريد اسمعك من يجي وبذنك بابه هسة بعده صابر بس اذا البنيه انخطبت لو راحت لغير صدگني راح يحقد عليك حته لو هوة ينكر هذا الشي خل روحك مكانه وبعدين البنية كلش خوش بنيه واهلة خوش ناس بس لان دخلت كلية ما تريدهة ترة امي هم درست وياك .
- شوفي هاي المقرنات ما احبهة.
- ما جاي اقارنك بس اگلك امي من درست مو معناهة جانت مو خوش بنيه هية لو مو خوش بنيه انت تاخذهة .
- سدي الموضوع.
- صار بابه ما ارد اضوجك بس والله انه اجي كل فترة واگول بالكي ابوي يسمعلي هل مره بس گلبك صار عاي گاسي من فارگتني .
- شخبار عيالج.
- على حطتهم يردون يزوجون منصور يمكن .
- راح يرجع؟
- اكو هيج حجي .
- وانتي ظايجة؟
- اي بابة ظايجة.
- بنتي ترة اربع سنين صارله متهجول كافي اتأدب بعد شتردين .
- بابه ما اطيق اشوفه احس ما يصير عندي جهال بسببه .
- اوف يابنتي .. رين حمد شني راية؟
- حمد يگلي كافي واخوي متندم ولازم يرجع چندوب هوة بديرة واحنه بديرة.
- حقة .
- بابه انت تگول حقة نسيت الي سوه بية؟
- ما نسيت بس يا بنتي گتلج اتأدب واتعاقب بما يكفي .
ŞİMDİ OKUDUĞUN
أنت إم الماضي
Genel Kurguمازال في قلبي رحيقُ لقائنا من ذاق طعمَ الحب..لا ينساه.. ماعاد يحملني حنيني للهوى لكنني أحيا..على ذكراهُ قلبي يعود إلي الطريق ولا يرى في العمر شيئاً..غير طيف صبانا أيام كان الدربُ مثل قلوبنا.. نمضى عليه..فلا يملُ خطانا ..
