Black Moonlight Holds the BE Script || ဘာသာပြန်

အခန်း (၆၂) ငါ့ကို ရိုက်

[Unicode]

"ဒါပေမဲ့ ရှင့်ကိုကြည့်ရတာ အရမ်း သနားစရာလေး"

Translator : Malia
Proofreader : 叔叔的睫毛

ထန်ထိုင်ကျင့်က တည်ငြိမ်သည့်ဟန်နှင့် ပြောလိုက်သည်။

"သိပြီ။ မင်းသား ၈ အကြောင်း ဆက်ပြောရအောင်"

ထို့​နောက် အမတ်များ အချင်းချင်း စတင်ငြင်းခုံကြတော့သည်။

ယခင် ထန်ထိုင်မင်းလန် နန်းမတက်မီတွင် မင်းသားအားလုံးနီးပါး အသတ်ခံခဲ့ရပြီး မင်းသမီးလေးပင် မလွတ်မြောက်ခဲ့​​သော်လည်း မင်းသား ၈ သည်တော့ ပိုက်ကွန်မှ လွတ်​မြောက်သွားသည့် တစ်​ကောင်တည်း​သောငါး ဖြစ်သည်။

မင်းသား ၈ သည် ယခုနှစ်တွင် ၁၇ နှစ်အရွယ်ရှိပြီဖြစ်ကာ ထက်မြက်၍ လိမ္မာပါးနပ်၏။ မူလက ထန်ထိုင်မင်းလန်၏ ပြိုင်ဘက်ဖြစ်သော်လည်း မြို့တော်မှ လွတ်မြောက်သွားပြီးနောက် ထန်ထိုင်မင်းလန်သည် သူ့အား ဂရုမပြုမိတော့ပေ။

မကြာသေးမီက ပုန်ကန်သူတပ်ဖွဲ့တစ်ဖွဲ့ မြို့​တော်၌ ရုတ်တရက်ပေါ်ထွက်လာခဲ့ပြီး ထန်ထိုင်ကျင့်၏ တရားမဝင် ထီးနန်းသိမ်းခြင်းနှင့် ​မော့ဟယ်မြို့တွင် ဥပ​ဒေမဲ့သတ်ဖြတ်ခဲ့သော ရက်စက်ကြမ်းကြုတ်မှုများကို လူသိရှင်ကြားဖြစ်​အောင် စတင်ပြုလုပ်လာကြသည်။

သာမန်လူများအတွက် လက်ရှိဧကရာဇ်၏ ထီးနန်းသိမ်းခြင်းက တရားဝင်သည်ဖြစ်စေ၊ တရားမဝင်သည်ဖြစ်စေ အရေးမပါသော်လည်း ဧကရာဇ်သည် ရက်စက်ကြမ်းကြုတ်ပြီး မိစ္ဆာများနှင့်ပူးပေါင်း​နေသည်ဆိုပါက ကြောက်စရာ​ကောင်း​နေပေလိမ့်မည်။

ထီးနန်းကို လက်လှမ်း​မမီနိုင်သေး​သော မင်းသား ၈ သည် အလွန်ရည်မှန်းချက်ကြီး၏။

သူသည် ​အတောင်အလက် မစုံသေးသော အနေအထားတွင် ထောက်ခံသူအလုံအလောက်လည်း မရှိရာ တိဗက်၌ သူ၏ လက်အောက်ငယ်သားများနှင့်အတူ ပုန်း​အောင်းနေရသည်။ ထန်ထိုင်ကျင့်၏ မျက်လုံးထဲတွင်​တော့ မင်းသား ၈ သည် မနာကျင်စေနိုင်​သော၊ ယားယံခြင်းပင် မဖြစ်စေနိုင်သော ခွေး​လှေး​ယားကောင်ငယ်တစ်​ကောင်မျှသာဖြစ်၏။