[Unicode]
"မင်း သံခေါင်းသိုင်းများ လေ့ကျင့်ထားတာလား"
Translator : Precious 66 : Luo Yunxi 罗云熙 Leo Myanmar Fan Page
Proofreader : 叔叔的睫毛
ဘုရင်တစ်ပါး လုပ်ရသည်မှာလည်း မလွယ်ကူပေ။ ထန်ထိုင်ကျင့်မှာ ထီးနန်းမတက်ရသေးသော်ငြား လုပ်စရာကိစ္စ အများအပြားက စုပုံနေခဲ့ပြီး ဖြစ်သည်။
သူသည် မော့မြစ်သို့ လူအများအပြား ခေါ်သွားကာ တစ်ရက်မျှနီးပါး အချိန်ဖြုန်းတီးခဲ့ပြီး ဖြစ်၏။ ရေချိုးသန့်စင်၍ အလျင်စလို အစာစားပြီးနောက်တွင် လှုပ်ရှားရန် အသင့်အနေအထားဖြင့် တပ်များကို ဖြန့်ကျက်ဖို့ စတင် စီစဥ်ခဲ့သည်။
မြို့တွင်းရှိ စစ်သူကြီးများအားလုံးနီးပါးက ဆုံးပါးသွားခဲ့ကြပြီး ဖြစ်ကာ ရုံးတော်အရာရှိများမှာလည်း "လူသားစားပွဲတော်" ကြောင့် အားလုံး အညံ့ခံ့ကြပြီးလေပြီ။
ထန်ထိုင်ကျင့်က လက်ချောင်းများဖြင့် နဖူးအားထိလျက် နားထင်နှစ်ဖက်အား နှိပ်နယ်ကာ ဒေါသအား ပြေလျော့စေပြီး အရာရှိအနည်းငယ်နှင့်အတူ တာ့ရှအင်ပါယာအား တိုက်ခိုက်ရန် ဆွေးနွေးခဲ့သည်။
အလုပ်ကြိုးစားပြီးသည့်နောက်၌ ကောင်းကင်၏ အရောင်မှာ အလုံးစုံနက်မှောင်နေခဲ့လေပြီ။
သူက အနားယူရန် အလျင်မလိုဘဲ စူးစူးအား ချုပ်နှောင်ထားသည့် အကျဥ်းထောင်ဆီသို့ သွားခဲ့၏။ ထန်ထိုင်ကျင့်က ညအရိပ်စစ်သည်တစ်ဦးအား မေးလိုက်သည်။
"သူ ဒီနေ့ အထဲမှာ ဘာလုပ်နေတာလဲ"
ညအရိပ်စစ်သည်က ပြော၏။
"မိန်းကလေးယဲ့က အစတုန်းက ပြတင်းပေါက်ကို ရိုက်ခွဲနေတာ။ အဲဒါပြီးတော့ တံခါးကို ထုရိုက်တယ်။ နောက် ထွက်သွားလို့ မရမှန်းသိတော့ မလှုပ်ရှားတော့ဘူး"
ထန်ထိုင်ကျင့်က စိတ်ကျေနပ်စွာဖြင့် နှုတ်ခမ်းများအား တွန့်ကွေးလိုက်၏။
"သူ ထမင်းစားပြီးပြီလား"
ညအရိပ်စစ်သည်က ခေါင်းကိုငုံ့လျက် ထန်ထိုင်ကျင့်၏ အရိပ်အား ကြည့်ကာ ပြန်ဖြေသည်။
YOU ARE READING
Black Moonlight Holds the BE Script || ဘာသာပြန်
FanfictionNative Title : 黑月光拿稳BE剧本 Author : 藤萝为枝 Drama Adaptation : 长月烬明 / Till the End of the Moon Year : 2020 Status in COO : 131 chapters + 8 extras [ completed ] English Translator : Anonymous Bee [ SecondLife Translation Team ] * Permission Granted * Bur...
