[Unicode]
"ငါ့ကို တောင်းပန်လေ"
Translator : Malia
Proofreader : Precious 66 + 叔叔的睫毛နျန့်မုနင်အတွက်မူ ဤစည်းမျဥ်းသည် အဓိပ္ပါယ်ရှိမနေပေ။ မည်သို့ဆိုစေ ယီယွဲ့မျိုးနွယ်စုဝင်များသည် အမြဲတမ်းလိုလို ရှေးရိုးစွဲဆန်သူများ ဖြစ်ကြ၏။
နျန့်မုနင်က မသိစိတ်အလျောက် မျက်ခုံးပင့်၍ ခေါင်းကိုးလုံးငှက်သဏ္ဌာန်ထွင်းထားသော တော်ဝင်ဝေါယာဥ်ပေါ်ရှိ လူငယ်လေးအား ကြည့်လိုက်မိသည်။
သူက ဝတ်ရုံစကို မလိုက်ပြီး ဝေါယာဥ်ပေါ်မှ ဆင်းလာ၏။
ခြံဝန်းထဲတွင် အရွက်ဖားဖားနှင့် စိမ်းစိမ်းစိုစို အပင်များစွာ စိုက်ပျိုးထားလေရာ မိန်းမစိုးကြီးက ဝီရိယရှိရှိပင် သူ့အား အမီလိုက်၍ သစ်ပင်များထက်မှ ရံဖန်ရံခါ ကျဆင်းလာတတ်သည့် မိုးရေစက်များကို ကာပေးသည်။
နျန့်မုနင်က ဦးညွှတ်အရိုအသေပြုလိုက်၏။
လူငယ်လေး၏ ထည်ဝါသော အနက်ရောင်ဝတ်ရုံသည် ညအမှောင်ထုနှင့် ရောယှက်နေပြီး ခန္ဓာကိုယ်ပေါ်မှ သေရည်နံ့ခပ်သင်းသင်းလေး ပျံလွင့်နေသည်။ သူ၏အသားအရေမှာ အလွန်အမင်းဖြူစွတ်နေသော်လည်း နှုတ်ခမ်းလေးများကမူ နီစွေးနေ၏။
သူသည် တံခါးရှေ့တွင် ရပ်နေဆဲဖြစ်ကာ တစ်စုံတစ်ခုကို တွေဝေနေသကဲ့သို့ အနည်းငယ် တုံ့ဆိုင်းနေသည်။
မိန်းမစိုးကြီးမှာ နဂိုကတည်းက လူကဲခတ်တော်သူ ဖြစ်လေရာ ရက်အနည်းငယ်မျှ ထန်ထိုင်ကျင့်၏ နောက်သို့ လိုက်ပြီးသည့်နောက်တွင် သူ၏ အတွေးများကို ခန့်မှန်းတတ်စ ပြုလာပြီဖြစ်၏။
ထို့ကြောင့် မိန်းမစိုးကြီးက စိတ်အားထက်သန်စွာဖြင့် အကြံပြုလိုက်သည်။
"အရှင်မင်းကြီး၊ တကယ်လို့ မိန်းကလေးယဲ့ ဘာလုပ်ရမှန်း နားမလည်ဖြစ်နေမှာကို စိုးရိမ်တယ်ဆိုရင် ဒီအစေခံဆီမှာ လူကြီးမင်းလီရဲ့ လက်ရေးစာတစ်စောင် ရှိပါတယ်"
![](https://img.wattpad.com/cover/297222235-288-k370489.jpg)
YOU ARE READING
Black Moonlight Holds the BE Script || ဘာသာပြန်
FanfictionNative Title : 黑月光拿稳BE剧本 Author : 藤萝为枝 Drama Adaptation : 长月烬明 / Till the End of the Moon Year : 2020 Status in COO : 131 chapters + 8 extras [ completed ] English Translator : Anonymous Bee [ SecondLife Translation Team ] * Permission Granted * Bur...