unicode
Part 62
အခန်း - ၆၈
အပိုင်း(၁)
နောက်တစ်နေ့ မနက်ခင်းမှာ ကျန်းယွမ်က စောစောထလာပြီးတော့ ပိုင်ကျီယူလာတဲ့ အစိမ်းရောင် ထမင်းရည်ကို သောက်ခဲ့တယ်။ လန်ချောင်နဲ့ပိုင်ကျီတို့က ရှုရှန်း အထဲကို ချောင်းကြည့်နေတာကို မြင်တော့ သူမက မေးလိုက်တယ်။
"ဘာကိစ္စရှိလို့လဲ။ "
"အခုလေးတင် အစေခံက ဒုတိယသခင်မလေးဆီကနေ ပြောတဲ့စကား ရောက်လာပါတယ်"
ရှုရှန်းက ပြောလိုက်တယ်။
"သူမက နူးညံ့တဲ့ချည်သားလေးတွေ ရထားလို့ အကြီးဆုံး သခင်မလေးကို သူမရဲ့ ခြံဝန်းထဲကို လာပြီးတော့ ချည်သားနှစ်စ လာရွေးခိုင်းတယ်။ "
"ကောင်းပြီ။ မင်းပြန်ပြီးတော့ မင်းရဲ့ အလုပ်ကို သွားလုပ်နိုင်ပြီ။ "
လန်ချောင်က သူမကို ပြောလိုက်တယ်။ ရှုရှန်းထွက်သွားတော့ လန်ချောင်က ကျန်းယွမ်ကို ဖြစ်ကြောင်းကုန်စင် ပြေပြလိုက်တယ်။ နောက်ဆုံးမှာ သူမက မေးလိုက်တယ်။
"ဒုတိယသခင်မလေးက တကယ်ထူးဆန်းတယ်။ အခု ဒုတိယသခင်ကြီးလေးက အိပ်ရာထဲမှာ လဲနေတုန်းကို သူက သခင်မလေးကို သူ့ဆီကို ဖိတ်နိုင်သေးတယ်။ "
"ဒါ့ကြောင့် ကျွန်မတို့ ကြိုပြီး ပြင်ဆင်စရာရှိတာလေးတွေ ပြင်ဆင်ရမယ်။ "
ကျန်းယွမ်က သူမရှေ့က ပန်းထိုးထည်နဲ့ ကစားနေရင်း ပေါ့ပါးစွာ ပြောလိုက်တယ်။
"လုကျူး ဒီနေ့ ဘယ်သူတွေလာသွားလဲဆိုတာ သွားပြီး စုံစမ်းလိုက်ဦး။ "
ကျန်းစုစုက အကြောင်းမရှိဘဲ သူမကို ဖိတ်မှာမဟုတ်ဘူး။ အထူးသဖြင့် အခုလိုအချိန်မှာပေါ့။ ထောက်ချောက်က သူမအတွက် ဆင်ထားတာဆိုတော့ တည်တည်ငြိမ်ငြိမ်နဲ့ ဖြေရှင်းတာ ပိုကောင်းတယ်။
လုကျူးက ခဏကြာတော့ ရောက်လာတယ်။
"သခင်မလေး ဒီအစေခံက ခြံထဲက တခြားအစေခံတွေကို မေးကြည့်ခဲ့ပါတယ်။ ဒီနေ့ မဟာတရားရေးဝန်ကြီး လီက လာလည်မှာပါ။ "
YOU ARE READING
မုန်းမာန်ဖွဲ့ ရန်ငြိုး
Historical Fictionဘာသာပြန်သူ- ညိမ်းမြတ် ဇာတ်လမ်းအကျဉ်း "ယွမ်ယွမ် မင်းက ကမ္ဘာကြီးကို မုန်းရင် ကိုယ် မင်းနဲ့အတူ နယ်မြေတွေကို သိမ်းပိုက်မယ်။" "ကျွန်မက ကမ္ဘာကြီးကို ချစ်တယ်ဆိုရင်ရော။" သူမက မေးခဲ့တယ်။ "ကိုယ်က ကမ္ဘာကြီးဘဲ ဒါမှ မင်း ကိုယ့်တစ်ယောက်တည်းကိုပဲ ချစ်နိုင်မှာ။" သူ...
