ထိုယောက်ျားက အရပ်သိပ်မရှည် သူမထက်ပင် ပုသေးသည်။ သူ့တွင် မျက်ခုံးရှုတ်ရှုတ်ရှိကာ တြိဂံပုံမျက်လုံး ဘဲဥပုံနှာခေါင်းနှင့် သူ့ကို ပိုပြီး နှာဗူးပုံပေါက်စေတာေသာ မျက်လုံးအောက်က မျက်ကွင်းညိုညိုများရှိသည်။
သူ့အဝဝ်အစားတို့က အနည်းငယ်ရှုပ်ပွကာ နေပူပူတောင်မှ သူက မတော်တလျော်ကုတ်ကြီးကိုပါ ဝတ်ထားသေးသည်။ သူ ရေမချိုးထားသည်မှာ ရက်တော်တော်ကြာနေသလို သူ့ခန္ဓာကိုယ်ကနေ အနံ့ထွက်နေသည်။
ရှရှီပေ သူနှင့် အရမ်းမဝေးတာကြောင့် နှာခေါင်းကို ပိတ်ထားရသည်။
ထိုယောက်ျားက ကျောင်းပေါက်ဝကို ထူးဆန်းသော အမူအရာဖြင့် ကြည့်နေသည်။
ရှရှီပေ သူ့ကို ပါးနပ်ထိုးဖောက်စွာ ကြည့်လိုက်ပြီး သူမအကြည့်က ရုတ်တရက် သူ့ခါးတွင်ရပ်သွားကာ သူမ အမူအရာက ချက်ချင်း ပြောင်းလဲသွားသညါ။
ထိုအချိန် ကျောင်းတံခါးပွင့်လာကာ ကျောင်းသားအများကြီး ထွက်လာသည်။
အချို့မိဘတွေက အရှေ့ထွက်ပြီး သူတို့ ကလေးတွေကို ကြိုလိုက်သည်။ အခြားကလေးတွေက နီးနီးနားနားတွင်နေ၍ သူတို့ဘာသာသူတို့ လမ်းလျှောက်ပြန်ကြသည်။
ကလေးတွေ သူ့ဘက်ကို လျှောက်လာတာကိုတွေ့တော့ ထိုယောက်ျား၏ မျက်လုံးက ရုတ်ချည်း တောက်ပသွားသည်။
ထူးဆန်းသော အပြုံးနှင့် သူ ထိုကလေးတွေနား မြန်မြန် လျှောက်သွားလိုက်သည်။
သူ လျှောက်သွားရင်း သူ့လက်က ကုတ်အပေါ်ကို ရောက်သွားသည်။
ကလေးတွေက လမ်းလျှောက်ရင်း ကစားပြီး စကားပေါနေကြတာကြောင့် သူတို့နားကို ကပ်လာသည့် ယောက်ျားကြီးကို သတိမမူမိကြ။
ရှရှီပေ နှလုံးခုန်သွားသည်။ သူမ ထိုအချိန်တွင် အမြွှာတွေကို ရှာဖို့ စိတ်မရှိတော့ဘဲ ထိုယောက်ျားနောက်ကို မြန်မြန်လိုက်တော့သည်။
ထိုယောက်ျား၏ ခြေလှမ်းတို့က မြန်သထက်မြန်လာကာ သူနှင့် ကလေးတွေကြားက အကွာအဝေးက စက္ကန့်နှင့်အမျှ နီးကပ်လာသည်။
နောက်တစ်ခဏတွင် ထိုယောက်ျားက သူ့ကုတ်ထဲက လက်ကို ထုတ်လိုက်သည်။
သူ့လက်ထဲမှာ ဓား!
ဓားက နေရောင်ထဲတွင် တောက်သွားသည်။ သူ့နှုတ်ခမ်းထောင့်က အပြုံးက အရင်ကထက် ပိုပြီး အကျည်းတန်လာသည်။
"သေစမ်း!" သူအော်ကာ ကလေးတွေအရှေ့ကို ပြေးသွားသည်။ သူ သူ့လက်ကို မြှောက်လိုက်ပြီး လေထဲတွင် ပြောင်မြောက်သော လက်ပုံသဏ္ဌာန်ဖြစ်နေသည်။
ကလေးတွေ နောက်ဆုံးတော့ မြင်ကွင်းကို ရှင်းရှင်းလင်းလင်း မြင်သွားသည်။ သူတို့ အရမ်းကြောက်သွားတာကြောင့် သူတို့စိတ်ထဲ ဗလာဖြစ်သွားကာ မလှုပ်နိုင်တော့။
အခြားသူတွေလည်း ထိုမြင်ကွင်းကို မြင်သွားသည်။ သူတို့ ရုတ်ချည်းအော်လိုက်ကြသည်။ "အား!"
သို့ပေမယ့် သူတို့က ထိုယောက်ျားကို မှီဖို့ရာ အရမ်း အလှမ်းဝေးလွန်းသည်။
သူ့ဓားက ကလေးတစ်ယောက်အပေါ်ကို ကျတော့မည့်အချိန်တွင် သူ့အပြုံးက ရုပ်ဆိုးအကျည်းတန်လာသည်။
သို့ပေမယ့် သူ သူ့နောက်ကျောေပါ်ကို ကျောက်တုံးကြီးတစ်ခု ကျလာသလို နောက်တစ်ခဏအတွင်းမှာတင် ခံစားလိုက်ရသည်။ သူအရှေ့ကို ထိုးကျသွားပြီး သူ့ခြေတွေ လက်တွေက ထိန်းမနိုင်သိမ်းမရ ခါယမ်းနေသည်။
"အား!"
......
YOU ARE READING
ရက်စက်သောနတ်ဘုရားမ
ActionThis story is not my own. All credit to original author and english translator. Original novel: The reincarnated goddess is fierce Original author: Qingkong Xilan English Translator: Dragon Boat အရင်ဘဝ, သူမရဲ့ အဆင့် အတန်း, ရုပ်ရည်, ဂုဏ်သိက္ခာ အကုန...
အပိုင်း ၁၆၆
Start from the beginning