Unicode
- သူမ ငါ့ကို အန္တရာယ်တွင်းထဲ ပို့တာ
"ရှင်ရူးနေလား?!"
ထောင်ယွယ်ယင်းအမေ ကျိုးကျန်းလန်ရဲ့ မျက်နှာက ပြဇာတ်ဆန်စွာ ပြောင်းသွားတယ်။
"ရှင် ဘာလို့ သမီးကို ရုတ်တရက်ကြီး ရိုက်ရတာလဲ?!"
မန်နေဂျာထောင်ရဲ့ မျက်လုံးတွေက ရဲတောက်ကာ ကြောက်မက်ဖွယ် အကြည့် လူမဆန်သော အကြည့်တို့ ဖြင့် ပြည့်နှက်နေသည်။
ကျိုးကျန်းလန်နဲ့ ထောင်ယွယ်ယင်းတို့ နှသ်ယောက်လုံး ဦးနှောက်ခြောက်သွားကြတယ်။
"တကယ်ဘဲ ဘာတွေ ဖြစ်ခဲ့တာလဲ?"
သူ့ကို ညစ်ပတ်တယ်ဆိုတာ ဘာကို ပြောချင်နေတာလဲ?
"သေသေချာချာပြော?" မန်နေဂျာထောင်က သူ့သမီးကို ဒေါသတကြီး လက်ညှိုးထိုးပြလိုက်တယ်။ "မင်းဘာလို့ သူမဘာလုပ်ခဲ့လဲ မမေးတာလဲ?"
ထောင်ယွယ်ယင်း သူမပါးကိုယ်သူမ အုပ်လိုက်ပြီး အရမ်း ဝမ်းနည်းပက်လက်ဖြစ်နေပုံပေါ်ကာ ငိုလိုက်တယ်။ "အဖေ သမီးဘာလုပ်လို့လဲ?!"
သူမမျက်လုံးများက မျက်ရည်များနှင့် ပြည့်နှက်နေတယ်။
သူမက တစ်ဦးတည်းသော သမီးဖြစ်ပြီး ငယ်ငယ်ကတည်းက အလိုလိုက်ခံပြီး ကြီးပြင်းလာတာ။ သူမဆန္ဒတွေအကုန်လုံးကို ဖြည့်ဆည်းပေးကြပြီး သူမမိဘတွေကလည်း သူမအပေါ် ချစ်ခြင်းမေတ္တာဘဲ ရှိတယ်။
သူမ အခုရိုက်ခံလိုက်ရသည့် ရိုက်ချက်က အသစ်အဆန်းဖြစ်နေတယ်။
သူမ ဒီနေ့ ကျောင်းလူရှေ့သူရှေ့မှာ ကောင်မစုတ်လေး ရှရှီပေကို တောင်းပန်ရတာနဲ့တင် သူမကိုယ်သူမ အရှက်ရစေပြီးပြီ။ ပြီးတော့ သူမ ဘေးနားက လူတွေအကုန်လုံးရဲ့ အထင်သေးအမြင်သေးပြီး နှိမ့်ချတဲ့ အကြည့်တွေကို သည်းခံခဲ့ရတယ်။ သူမ သည်းခံနိုင်စွမ်းကုန်နေပြီ။
သူမ တိုင်ကြောမထူခင်ကို သူမအဖေက သူမကို အိမ်ပြန်ရောက်ရောက်ချင်း ပြင်းပြင်းရိုက်ချလိုက်မယ်ဆိုတာ ဘယ်သူက သိမှာလဲ?
သူမ စိုးရိမ်စိတ်မရှိစွာနဲ့ နေလာတဲ့သက်တမ်းတစ်ေလျှာက်လံုး သူမအတွက် မကြုံတွေခဲ့ဖူးတဲ့ ကပ်ဘေးဘဲ!
YOU ARE READING
ရက်စက်သောနတ်ဘုရားမ
ActionThis story is not my own. All credit to original author and english translator. Original novel: The reincarnated goddess is fierce Original author: Qingkong Xilan English Translator: Dragon Boat အရင်ဘဝ, သူမရဲ့ အဆင့် အတန်း, ရုပ်ရည်, ဂုဏ်သိက္ခာ အကုန...