فاطمة : الله يوفقك
ادهم : تصبحي بخير
فاطمة : و نتا بخير
......
اصبحنا و اصبح الملك لله :
صباح جديد يمر على ابطالنا ، وصلت طونوبيل تاع اشرف قدام الدار ، هبط هو و زاد هبط امجد راح يجري فتح الباب لي ماللور و عاونو جاسم باش يهبط ؛ واحد شادو من يد و الاخر من يد حتى دخلو للدار
جاسم : دخلني للصالون
اشرف : جدي نطلعوك تريح فشمبرتك خير
جاسم : قتلك دخلني للصالون
دخلوه و قعد فالفوتاي
جاسم : امجد روح عيط للاخرين
دارولو براسو ايه و طلع ؛ واحد خمس دقايق بداو يهبطو ، رحمة راحت سلمت عليه و دخلت صفية موراها
صفية : بابا ماشي مزال باش تخرج
جاسم : هاي بدات بالهدرة
اشرف : يما هو سيف علينا نخرجوه كي سمع بخالي عمر
جاو الاخرين من غير ادهم ، عمر و نهال ؛ سلمو عليه و سقساو على احوالو و قعدو روسلين قاعدة تحوس بعينيها على ادهم ملقاتوش
رهف : روسلين خير كاش مراكي تحوسي بنتي
روسلين : اهه لالا
دخلت نهال و عمر موراها لي مقدرش ممبا يدخل
جاسم : عمر ادخل اقعد
دخل عمر و حس روحو حشمان حتى باش يسلم على باباه مقدرش ، قعد فالطرف تاع الفوتاي و نطق جاسم
جاسم : ... فهاذ la période لي جازت صراو بزاف حاجات و malheureusement عائلتنا تفككت كامل و المشاكل جاو مور بعضهم فالاول منصف و حكايته منبعد نهال منبعد عمر ؛ على هاذي حاب نقوللكم هاذ الهدرة .... انا حياتي كامل خدمت و عييت على هاذ الدار حبيت نشوفكم دايمن ملمومين و مع بعضكم و مزالني ..... نهال نتي وحدة منا و فينا على هاذي ماليوم راح تكوني كيما نتي كيما خاوتك كيما بنات عمك نحبك تجاوزي لي صرا و تعيشي معانا حنا يا بنتي معندنا حتى ذنب فلي دارو باباك على هاذي ماشي حنا لي لازم تحاسبينا ولا تلومينا و نوعدك فاقرب وقت راح نديك تشوفي يماك و الخيار يقعد ليك تحبي تسمحيلها و ترجعيلها تحبي لالا هذا يرجع ليك ... ميس روسلين بناتي علبالي باباكم غلط معاكم بزاف بصح نحبكم كي يروحلكم زعاف تقعدو مع بعضكم و تسمعو لبعضكم و ماليوم منحبش نشوف احفادي يبكيو ولا يتجرحو بسبة غلطات الكبار و ماليوم منحبش مشاكل فهاذ دار لي عندو بروبلام يجي عندي انا نسمعلوا و انا نحلهولو خليونا نعيشو الاز و نرجعو دار وحدة كيما كنا
كمل جاسم هدرته و ناض ، ناض اشرف و جاد باش يعاونوه دارلهم بيدو حبسو و طلع ؛ فاطمة نطقت حبت تبدل السوجي شوية
فاطمة : واش رايكم نديرو لانيفارسار تاع روسلين هنا فالجنينة ؛ ياك هيا هاذ الويكاند و منها نبدلو شوية و نتي اعرضي صحاباتك و لي حبيتي واش رايكم
رهف : صح ... واش رايك روسلين bonne idée لالا
روسلين : مكلاه مرانيش حابة ندير انيفارسار مارسي
YOU ARE READING
ابن عمي { ادهم و روسلين } _ باللهجة الجزائرية
Romanceالقصة دور في دار وحدة بين اولاد العم و باقي التفاصيل تعرفوهم فالكرونيك ملاحظة : الرواية من نسج خيالي لا علاقة لها بالواقع
