طبطب و دخل للداخل
ادهم : جدي كملت لي دوسيي ....
عقد حواجبو وقت شاف واحد قاعد تما ؛ كمل يهدر
ادهم : باش نديهم و نروح
جاسم : اهه ادهم اقعد ، هذاوين كملت .... ايه حقا ادهم هذا سراج ، سراج هذا ادهم وليد عم روسلين و سراج جاي ناوي يخطب روسلين
سراج : معرفة خير ان شاء الله
ضحك ادهم و مسح على وجهو
ادهم : ملا جاي تخطب
سراج : ايه اذا كتب ربي ان شاء الله
ادهم : بصح حنا معندناش بنات للخطبة
جاسم : هذا يقعد رايها هي ادهم
ادهم : من نيتك حاب تمدها دوكا جدي
جاسم : ادهم مدام طفل ناوي خير و اصلا يعرفو بعضهم فالقراية وعلاش منمدهاش فالاخر بلاصتها فدار راجلها ، و كيما قتلك حاجة مراح تتسيف عليها كلش يكون برضايتها
سراج تبسم و قاله
سراج : ان شاء الله نكون عند حسن ظنكم جدي
تفتح الباب و دخلت روسلين ، دوروا راسهم للباب شافوها واقفة
جاسم : روسلين متعرفيش دقدقي
روسلين : ها جدي ... سحقيتك على هاذي
جاسم : ارواحي
دنات روسلين و هي تخزر فسراج لي كان يتبسم بتبهليل
روسلين : انعم جدي
جدي : تعرفي سراج
روسلين : اممم يقرا معايا
جدي : ... سراج ناوي يجي يخطبك واش رايك
فتحت عينيها ، معرفتش واش تهدر
ادهم : سقساك واش رايك ولا لسانك تربط
شافت فيه و قعدت تخزر فيه شغل حابة تعرف رايه هو و هو تاني قاعد يستنى فيها تريبوندي ، جوابها علبالها بيه مراهيش قابلة و جامي تقبل تمنات لوكان قاللها سراج قبل ما يجي باش هكذا متحشموش معرفتش وعلاش دار هكذا و جا مالغري من نهار عتارفلها جبدت روحها و قالتلو بلي خلي بيناتنا صداقة ؛ بصح دوكا راهي حابة تعرف راي ادهم معلبالهاش وعلاش بصح كان هامها بزاف رايه .... تبسمت بخبث وقالت لجدها
روسلين : يعني جدي ... انا جامي خممت فالزواج دوكا و ... و سراج كانت بيناتنا صداقة لا اكثر يعني صراحة مكنتش نستنى منو هاذ الحاجة ... و لي تقولوه قابلة بيه يعني جدي اذا شفتو هاذ الزواج مليح ليا اقبلوا هاذ الشي يرجع ليكم و علبالي القرار لي تديوه راح يكون فمصلحتي
جاسم : روسلين بنتي سيد انا منعرفوش
روسلين : اذا على سراج نعرفو و تقدر تزيد تتعرف عليه و على عائلته اذا حبيت
تنهد جاسم و قاللها
جاسم : يا بنتي انا منقدرش ندي هاذ القرار لي يخص حياتك نتي خممي وحدك مليح
روسلين : جدي نحس روحي صغيرة باش نخير قرار مصيري كيما هذا نتوما تعرفو خير مني ... ادهم واش رايك بصفتك وليد عمي لكبير
ادهم : راكي قابلة ولا لالا
روسلين : انا لي عندي قلته
ضيق عينيه فيها مفهمش واش في راسها ؛ يعرفها مراهيش منوع لي ناس تقرر عليها ، وعلاش راهي تقول هكذا
سراج : روسلين انا رايك يهمني اكثر من راي عائلتك مع كل احترامي ليها يعني
ادهم : بصح واحد مقالك دخل روحك
تنرفزت منو محبش ينطق ولا يهدر ؛ صونا تليفون سراج رفد قعد يهدر و روسلين تخزر فادهم تستنى فجوابو بصح والو مخزرش ممبا فيها
سراج : جدي انا سمحلي لازم نروح ؛ سمحولي كي جيتكم على غفلة ... معليش راح نقعد نستنى فارد تاعكم
جاسم : ان شاء الله وليدي ربي يعاونك
سراج : الله يسلمك جدي
ناض سراج خرج ؛ و روسلين حكمتها خيبة الامل خبطت رجلها فالارض بالزعاف و غمضت عينيها ؛ سراج لحق للباب راح يخرج و نطق ادهم
ادهم : استنى ....
فتحت عينيها كي سمعته و سراج عقد حواجبو و دار
سراج : انعم
ادهم : نعمتك دايمة بصح نسيت لباطة هنا
سراج : مفهمتش ؟
ادهم : ماشي نتا جبت القاطو هذا باش تخطب ؟
سراج : ايه !!
ادهم : ارجع اديه
سراج : سمحلي بصح ... مفهمتكش
ادهم : ماشي كنت تستنى فال la réponse هاذي هيا ؛ كيما قتلك معندناش بنات للخطبة و مدام الطفلة حبت تدي راينا هذا هو راينا
سراج حمار فبلاصته ؛ روسلين حكمها ضحك دخل سراج رفد الباطة و خرج ؛ خزر فيها ادهم و قاللها
ادهم : ماشي قلتي بلي جيتي هنا تسحقي جدي
روسلين : اههه ايه ... انا ... ماشي حاجة importante
خرجت روسلين و جاسم دار لادهم
جاسم : ادهم عيب لي درته دوكا
ادهم : اذا عيب كي قلتله لالا على الزواج بنت وليدك باينة مراهيش حابة لوكان عينها فيه تقولك ايه تعرفها متحشمش و اذا كي رجع الحلوى عيب نقولك لي يجي يخطب يجيب والديه و يقول من قبل مراناش نبيعو هنا باش يجي هكذا برك و دوكا سمحلي انا نروح ديجا ضيعت وقت خدمتي هنا
يتبع 💚💚💚 ......
YOU ARE READING
ابن عمي { ادهم و روسلين } _ باللهجة الجزائرية
Romanceالقصة دور في دار وحدة بين اولاد العم و باقي التفاصيل تعرفوهم فالكرونيك ملاحظة : الرواية من نسج خيالي لا علاقة لها بالواقع
