ابن عمي { ادهم و روسلين } _ باللهجة الجزائرية

بارت 47

سراج خرج منارفي ؛ جا راح يركب فطونوبيل لقا نرجس داخلة خزرت فيه و قالتله

نرجس : اهه هذا نتا

عقد حواجبو و قاللها

سراج : باردون نعرفك
نرجس : ههه متعرفنيش بصح انا نعرفك اممم على حساب الباطة جيت تخطب و على حساب وجهك مقبلوكش
سراج : مدخليش روحك فحاجة متخصكش

دخل للطونوبيل و راح و هي ضربتها بضحكة و دخلت

.....

دخل ادهم للبيرو تاعو مور ما كمل la réunion غير دخل لقا مؤيد قاعد يستنى فيه

مؤيد : اييه هاذي غيبة وين رحت
ادهم : راني غير هنا

سلمو على بعضهم و شدو بلايصهم

مؤيد : ايهيه وين غبت
ادهم : كانت عندي خدمة
مؤيد : راك تبان عيان
ادهم : والو مالخدمة برك ... اخطيك مني نتا لي تبدلت سمنت وليت تستيكي روحك خيير
مؤيد : هههه ضحكتني ... حتى فالشحم حسدونا يا سيدي صاحبك طاح طاح
ادهم : هكذا
مؤيد : كيما راني نقولك
ادهم : و شكون هاذي
مؤيد : نهال صاحبة روسلين ياك راهي تخدم عندي

حك نيفو و زير على نيفو و قاله

ادهم : خطي الطفلة
مؤيد : ههه وشبيك غرت
ادهم : مرانيش نتقعد ***** قتلك تخطيها متزيدش لهدرة معايا

عقد مؤيد حواجبو من la réaction تاع ادهم

مؤيد : متقوليش حاط عينك عليها

محسش غير بروحو طايح فالارض و الدم يسيل من نيفه ؛ خزر فيه مشوكي

ادهم : شوف نهدرك حاجة منعودهاش منزيدش نسحقك دور قدامها و الخدمة تحاوزها منها ... صاحبي و نعرفك تقاسمنا الخبز كيفكيف ، نعرفك ماشي سيريو شحال من طفلة ضحكت بيها و جوزت بيها الوقت و رميتها و نهال خط احمر مؤيد متخلينيش نعاود هدرتي معاك

خرج ادهم و خلا مؤيد مشوكي منو

مع العشية :

دخل ادهم للدار ؛ فتحتله فخرية الباب

ادهم : فخرية قولي للي فدار يتلمو فصالون عندي هدرة معاهم

دارتلو براسها ايه و هو طلع لشمبرته

........

ريحان خزرت فجاسم

ريحان : بابا معلبالكش واش راح يهدر ... معلباليش بصح تقلقت ملي راح يصرا
جاسم : معلباليش ريحان بنتي كي يجي نعرفو ؛ فيها خير
ريحان : ان شاء الله

صفية شادة روحها بسيف ؛ خافت يهدر حاجة من لي فراسها ، رجعت تفكرت واش سمعت نهار جا l'avocat عند جاسم

جاسم : لي عندي وقت تغيب عيني يتقسم على ولادي بين ربعة بصح les entreprises ; la ferme و الفيلا لي ف l'Espagne نكتبهم على ادهم بارسكو هو اكثر واحد يستاهل و اكثر واحد سهرلي على خدمتي

.......

تفاطنت كي دخل ادهم ؛ خزروا كامل فيه يستناوه يهدر ، فاطمة شافت فادهم و تبسمتله شغل تشجع فيه

جاسم : ادهم خير حيرتنا

خزر فيماه و فخاوتو علبالو لي راح يقولوا راح ياثر عليهم بالدرجة الاولى

ريحان : وليدي قول ياك خير
ادهم : لي راح نقولوا يخص بابا ربي يرحمه

تنفست صفية حست روحها فرحت ملي قالو بارسكو كانت خايفة يهدر على الورث

ريحان : ايه
ادهم : بابا كان عنده مراة واحد اخرى

ريحان فتحت عينيها من شوك و لي تما مامنوش لي كان يهدر فيه

ادهم : كان مزوج بوحدة وسمها هند و خبا علينا كامل ؛ و فوق هذا كان عنده طفلة منها

قاطعته ريحان بعياطها

ريحان : ça va pas علبالك واش راك تهدر
رهف : ريحان كالمي روحك و سمعي لوليدك
ريحان : كيفاش نكالمي روحي مراكيش تسمعي واش راهو يهدر
جاسم : ادهم راك سوور من واش راك تهدر
ادهم : ايه جدي ؛ معنديش شحال ملي عرفت
جاسم : و ختك وين راهي
ادهم : .... بابا قبل ما يموت داها و مدها لناس رباوها بصح معلبالناش وين راهي
ريحان ( عيطت ) : بابا راك نورمال ... هو يقول بلي منصف كان معاود زواج عليا و نتا تقولو طفلة وين راهي
فاطمة : ريحان حطي عقلك فراسك ... علبالي ماشي ساهلة تتقبلي بلي راجلك تزوج عليك بصح طفلة معندها حتى دخل فلي داروه لكبار
ريحان : عندها عندها ... هيا اصلا غلطة كبيرة و ديرو في بالكم بلي مراح نقبل لا مرت منصف ولا بنته و اذا جا نهار و دخلت وحدة فيهم انا نخرج من هنا

راحت ريحان و لي تما كامل كانوا مشوكيين ادهم حط صباعتيه على عينيه و صفية نطقت كيما عادتها

صفية : اههه خاوتي مساكن واحد فيهم ما ربح مع مرتو
فاطمة : و نتي شكون ربح معاك ها صفية حنا مع مشاكلنا و نتي مزالك فالهدرة الزايدة
صفية : هه عمتي كل يوم راكي تزيدي تبينيلي بلي العمة سوسة
فاطمة : فرحتيني صفية يا بنت خويا ... اذا معندكش هدرة مسقمة تقوليها روحي و خلينا هكذا

حلقات غدوة ان شاء الله ناااار بزاف شابين راح تنوض بين ريحان و رورو متنساوش تفاعل باش مام انا نتفاعل معاكم ههه المهم خليولي ارائكم في احداث البارت و توقعاتكم و الى الملتقى ان شاء الله في بارت جديد
💚
💚
💚