ابن عمي { ادهم و روسلين } _ باللهجة الجزائرية

دردشة

سلام البنات وشراكم ؛ رجعتلكم بفقرة لي راح تكون فيها دردشة قبل ما نكملو الكرونيك بمانه قررت نزيد نحطلكم حلقات فليل ان شاء الله
اول حاجة حابة نهدرو فيها هي بعض النقاط على الكرونيك

● اولا كيما علبالكم الكرو راهي قيد الكتابة و كل بارت نكتبه راني نحطه ؛ هي من المفروض لوكان رانا مشينا فالحلقات يعني صراحة كي حطيت بداية الكرو مع الاول قلت نستنى يطلع شوية تفاعل و نبدا نحط منبعد لقيت تفاعل ناقص و مكانش بزاف بنات متبعينها و زيد بزاف متابعين كانوا متابعيني من قبل حسيت روحي خسرتهم 😔 يعني موالفة يكونو دايمن متفاعلين مع واش نحط مي مكانشهم دوكا الحمد الله قعدو منهم شوية يدعمو فيا ان شاء الله مع الوقت و مع الكرونيك تزيد تتطور يزيد التفاعل

● صراحة معنديش بزااف افكار لهذه الكرو يعني رسمتلها مخطط صغير و كل ما نبدا نكتب نقعد نتفصل و نزيد ... من قبل كان عندي عدة افكار كنت حابة نديرهم مي ستبعدتهم منبعد مثلا كنت حابة روسلين تكون اونسانت من ادهم وهو معلبالوش و كي تسمع يماها تضربها و تديها بعيد تولد و تخلي وليدها ولا بنتها مع مربية تربيه و مع الوقت و الاحداث ادهم يعرف بلي عنده وليده ....

نجيو لفقرة الاسئلة الخاصة بالكرونيكات

1 اكثر كرونيك عجبتكم من حكاياتي
انا صراحة اكثر كرو نحبها هي تاع ايهم و تالين غرااف نحبها

2 اكثر حاجة تحبوها في حكاياتي و لي تميزهم عن الباقي
زعما انا ليا ههه خليني نشكر روحي ؛ مالغري حكاية ماشي واقعية و فيها شوية خيال لكن نسيي دايمن نقربها لارض الواقع قدر المستطاع

3 اكثر حاجة تكرهوها في حكاياتي
انا بلاك نقول كي نطول باش نحط هه

4 وشنو هي اللمسة لي حابين نزيدها في الكرونيكات باش نطورهم مثلا صور ولا ...

5 فكرة حابين تشوفوها بزاف في هذه الكرونيك
انا ليا بزاف حاجات هه ان شاء الله نتقدمو فالكرونيك و راح تشوفو بزاف احداث راني موجدتهالكم ان شاء الله

6 صورة شخصية معينة حابين تشوفوها نحطهالكم ؛ صراحة انا نحب كل واحد يتخيل الصورة كيما يحبها هو مي اذا حابين شخصية معينة نحطها فالبارت الجاي ان شاء الله

7 اذا قلتلكم تقدرو تسقسيو اي شخصية حابينها فالتعليقات و نقوللها تجاوبكم 😆

اخيرا نجيو لاسئلة شخصية

وشنو هي اكلتكم المفضلة
انا نحب بزاف اطباق ههه مي نحب fast food بزاف

اكلة متحبوهاش
انا كاين بزاف خضر منحبهممش يعني اذا كانو فهذيك الماكلة منحبهاش و كاين لعدس معندي حاجة فيه

محجبة ولا سيفيليزي
انا سيفيليزي و نتوما ؟؟

مسلسل ولا فيلم تبعوه حاليا
انا حاليا مراني نشوف حتى فيلم او مسلسل

هذه هي فقرتنا خفيفة ضريفة مرة مرة اذا تحبو نديرهالكم اي اسئلة خليوهالي فالتعليقات نتمنى نشوف اجاباتكم و الى الملتقى ان شاء الله 💚💜