روسلين جبدت الكرسي و ناضت حست نفسها ضاق و الدموع هبطولها ؛ دخلت للداخل و قاعدة تمسح فعينيها ؛ حبست وقت شافت ادهم داخل و رافد نرجس ، عقدت حواجبها و هو دخل للصالون و حطها و صفية لي موراهم تسقسي فيهم
صفية : خير واش صرالك ؛ ادهم واش بيها
روسلين مكانتش تشوف لا فرجل نرجس لي كانت مكسرة و لا فصفية لي دخلت ؛ قاعدة تشوف فادهم و فيدو لي كانت شادتها زيرت على شواربها كي تنارفات
نرجس : متقلقيش روحك ماما ؛ طحت فال centre commercial ; و تكسر رجلي منبعد كي داوني للطبيب ملقيتش شكون يجي يعاوني ، عيطت لامجد مريبونداش و اشرف محبيتش نديرونجيه كي راهو مع مرتو على هاذي عيطت ادهم و يعطيه صحة جا و عاوني
صفية : سلامة راسك بنتي ؛ و نتا ادهم يكثر خيرك وليدي
ادهم : بلا مزية عمتيخزرت فيه نرجس و تبسمت
نرجس : مارسي ادهم
طلع ادهم راسو شافها واقفة ؛ كانت حمرة قحرتلو وراحت
حك نيفو و قاللها
ادهم : المهم انا نروح بالشفا عليك
.....
طالعة فدروج و تخبط ، حاسة روحها تنارفات و حابة تعيط ، ضربتها ريحتو دورت راسها لقاتو طالع ، دارت عندها و حطت يدها على جنبها
روسلين : وين راهي
ادهم : شكون !!
روسلين : بنت عمتك شكون ؛ نتا رفدتها رفدتها كمل على خيرك و طلعها لشمبرتها مسكينة كيفاش تطلع دوكا
ادهم : روسلين متهبلنيش كيفاش حابتني ندير يعني طفلة تقولي راني فسبيطار و انا نردها
روسلين : وهي تاني قاتلك رفدني
ادهم : روسلين هاذيك بنت عمتي اذا نسيتي و ...
روسلين : و انا بنت عمك صحا صحا فهمتك
ادهم : روسلين سقمي هدرتك معاياهبط ماهر و لقاهم واقفين هكذا و ادهم يعيط عليها
ماهر : واش غير الخير
روسلين : والو عموتشنفت و طلعت و ماهر غمز لادهم و هبط
.....
خبطت الباب و دخلت قعدت فالبونك و حطت يديها على صدرها و قعدت مشنفة ؛ حست بيه وقت دخل قعدت هكذاك مشنفة ، حسته وقت كان واقف فوق راسها و ما حست عير بيدو لي طلعتلها راسها ، عقدت حواجبها
روسلين : وشنو
ادهم : روسلين نحي علينا العقلية هاذي
روسلين : وشبيها عقليتي
ادهم : روسلين شوفي مجياش تزعفي على عفسة كيما هاذي ؛ نرجس تقعد بنت عمتنا من لحمنا و دمنا يعني اذا كانت مريضة متعاونيهاش طفلة تكسرت و متقدرش تمشي وعلاش حتى منعاونهاش يعني لوكان نتي متعاونيها
روسلين : البروبلام ماشي هنا
ادهم : البروبلام فغيرتك ملا
روسلين : وعلاش حتى نغير منها 😒هبط عندها و شدلها يدها
ادهم : روسلين كل حاجة فحياتي وحدها منحبش ندخل هذا فهاذا ؛ نتي حاجة و نرجس حاجة واحد اخرى ، تعرفيني شحال نعزك و قيمتك كبيرو بزاف عندي على هاذي ماشي على كل حاجة تزعفي و تتشنفي
YOU ARE READING
ابن عمي { ادهم و روسلين } _ باللهجة الجزائرية
Romanceالقصة دور في دار وحدة بين اولاد العم و باقي التفاصيل تعرفوهم فالكرونيك ملاحظة : الرواية من نسج خيالي لا علاقة لها بالواقع