.... روسلين كانت في شمبرتها قاعدة فوق البونك تافافت منبعد راحت لخزانتها بدلت حوايجها
Oups ! Cette image n'est pas conforme à nos directives de contenu. Afin de continuer la publication, veuillez la retirer ou télécharger une autre image.
و لمت شعرها ؛ منبعد هبطت
رهف دخلت لشمبرتها ؛ جبدت كاشي تاع راس و شربت حبة منبعد قاعدة دلك على راسها
طلعت نهال مع رهف و جميلة هبطت للشنابر تاع الخدامين حطت حوايجها
.......
مع العشية :
كانوا تقريبا كامل متلايمين على طابلة يستناو فالعشاء ؛ روسلين قلبت عينيها عيات تستنى جدها يهبط باش يتعشاو مي هو مزال مهبط رفدت الكاس تخزر فيه و تلعب نطقت ميس بلعقل و كانت قدامها
ميس : روسلين حبسي متلعبي بالكاس عيب روسلين : اوهوه مارسي لي قلتيلي زعما حاطة روحك كبيرة و رزينة تعلمي فيا ميس : علبالي بلي مرانيش كبيرة بصح علبالي بلي انا ارزن منك روسلين : و انا علبالي بلي راح نقطعلك لسانك لي طوال بزاف لي فيا يكفيني كرشي راهي تصفر من الجوع و هوما محبوش يحطولنا العشا واش هاذ الدار و العادات لي معندهم حتى معنى ميس : ميعجبك حتى عجب
نطقت صفية لي كانت قاعدة اونفاص ليهم
صفية : خير يا بنات مصبح و نتوما تتهامسوا مع بعضكم عيب علبالكم
ميس حمارت و قالتلها
ميس : مكانش قصدنا يعني انا سقسيت روسلين على حاجة صفية : يعني مسقسيتيهاش مقبيل جاتك تسقسيها فوق طابلة
ميس زادت حمارت و سكتت حتى نطقت روسلين
روسلين : ههه la vérité عمتي العزيزة هي انه سخفتونا بزاف نتي و بنتك دوكا كي مصبح و نتوما تتهامسوا مع بعضكم فوق الطابلة ( ركزت على كلمة فوق الطابلة ) سما تعاندنالكم ههه ياك مافيها والو عمتي
صفية خزرت فيها مغزلة و عضت على سنانيها مكرزة ؛ حتى هبط جاسم
جاسم : السلام عليكم
ردو عليه السلام و قعد جات الخدامة باش تحط
جاسم : استناي ادهم و اشرف راهم لاحقين و حطي
رخات روسلين شواربها و هبطت راسها من الجوع هي من ناس لي يحبو بزاف كرشهم و متحبش تستنى بزاف 😂 مالغري كان مزال الحال
هكذا شويا سمعو صوت الطونوبيلات دخلوا روسلين عرفتهم جاو
روسلين : اونفاان
دخل اشرف و موراه ادهم لي كي شافته ريحان طارت عنقته
ريحان : طولت الغيبة يا وليدي ادهم : علبالك يا العزيزة كانت كاينة خدمة بزاف هاذ اليامات ؛ المهم ياك نتي راكي مليحة
غمضت يماه عينيها و دارتله براسها ايه
جاز ادهم للكرس تاع قمر و جاد فرفشلهم شعرهم و قعد و فهاذ الوقت بداو يحطو فالماكلة ؛ روسلين غاست فادهم و قالت لميس
روسلين : ميمي هاذا le seul لي يصلح هنا ميس : روسلين راهم حطولك الماكلة فتبسي ياك جوعتي روسلين : بفف تعيي
ضحكت ميس عليها
رهف : ايه ريحان وليدك كبر نشفاله غير كيف كان صغير
تبسمت ريحان
ريحان : ايه و راني غير نستنى وقتاش نفرح بيه ادهم : مزالنا يما رهف : عندها الحق يماك تحب تفرح بيك ريحان : ان شاء الله كيما اليوم
طلع ادهم راسو قابلتوا روسلين تخزر فيه دارلها براسو واش عاودت دارتلوا نفس الجاست و دورت راسها تاكل
جاسم : ايه ادهم كيفاش جازت la réunion تاع اليوم ادهم : parfaite و عقدنا الصفقة مع ¤¤¤¤¤ و قدرنا نتفاهمو معاهم على كلش donc tout est réglé جاسم : نتكل على وليدي راجل و منخافش عليه
صفية زيرت على الفرشيطة لي فيدها ماشي عاجبها الحال كي قاعدين يشكرو فادهم و وليدها لالا ؛ نطقت
صفية : ايه اشرف و نتا ولي كيفاش راك ، سور تكون عييت اليوم فالخدمة اشرف : اييه عييت شوية مي معليش هاذي هي الخدمة صفية : ربي يعينك وليدي جاسم : حقا صفية وين راه الهامل تاع وليدك صفية : بابا وعلاش مسكين ... مزالو صغير و سينورمال يحب يخرج و يعيش حياته مراهوش طفلة نحبسوه فدار جاسم : وليت نشك فهاذي صفية : بابا جاسم : منسحقش يديرلي مشاكل و تبهدايل مع ناس كيما كل مرة سمعة تاعي منسحقوش يشوهها صفية : كونك هاني بابا
هذا هو البارت البنات نتمنى يكون عجبكم نتمنى نلقى تفاعل باش نكمل بارسكو نقص تفاعل صراحة محفزنيش باش نكتب المهم خليولي ارائكم في البارت و الشخصيات و الى الملتقى ان شاء الله في بارت جديد 💚