ابن عمي { ادهم و روسلين } _ باللهجة الجزائرية

بارت 9

ريحان : بصح صفية ختي يعني عيب ... يعني تقدري ديري وحدك
صفية : مدخليش روحك مرت خويا

غمضت نهال عينيها و هبطت للارض دنات البسينة و صفية حطت رجليها ريحان معجبهاش الحال بصح ملقات متهدر تعرف صفية و قباحتها مؤيد تاني معجبوش الحال بصح يقعد مجرد ضيف ميقدرش يدخل روحو ؛ بدات نهال دلك في رجلين صفية و راسها مهبط للارض حابسة شهقتها باش متخرجش

.....

تفاطنت روسلين لقات يماها و ختها مزالهم راقدين باستهم و ناضت غسلت وجهها سقمت شعرها و هبطت لتحت ؛ و راحت ديراكت للصالون غير دخلت لداخل وقفت مشوكية ملي تشوف فيه ريحان طلعت راسها شافتها عرفتها ليوم تنوض الحرب فدار و من جهة فرحت لنهال بارسكو غاضتها و علبالها روسلين راح تحامي عليها

روسلين : واش راهو صاري هنا

صفية فتحت عينيها منبعد مكانت مغمضتهم عاجبها الحال طلعت راسها لقاتها روسلين ؛ نهال فتحت عينيها و جمدت فبلاصتها ؛ خبطت روسلين الكرسي لي كان قدامها و دخلت

روسلين : قلت واش كاين
صفية : خير يا بنت رهف من صباح ربي ، و كيما راكي تشوفي خدامتكم راهي دلكلي في رجليا

غمضت روسلين عينيها تشد فزعافها

روسلين : نهال نوضي
صفية : لالا متنوضش كي تكمل خدمتها تنوض
روسلين ( عيطت ) : نهال قتلك نوضي

على عيطة روسلين هبطو كامل للصالون

صفية : و انا قلت متنوضش ماشي كيما تحبي نتيا فهمتي جايبتلنا المجاعة للدار حسبتلك هنايا اوتال تاكل و ترقد باطل يا لالة مدامها راهي تتمتع في دارنا واجب عليها تخدمنا بفم مغلوق

....

دخل ادهم للدار طالع لشمبرته باش يدوش مالسبور حتى سمع العياط جاي من صالون دخل لقاها نايضة بين عمته و روسلين

راحت روسلين جبدت نهال و صفية وقفت معجبهاش واش دارت

روسلين : نهال طلعي راسك ... قتلك طلعي راسك

نهال طلعت راسها وجهها حمر خانوها دموعها لي هبطوا شلال الهدرة راحتلها تشوف فيهم يخزرو فيها خزرات شفقة و احتقار مقدرتش تشد روحها خرجت تجري ؛ روسلين مقدرتش تشوف صاحبتها و ختها في هذيك الحالة دورت راسها لصفية و عينيها حمورا و صفية مكانتش اقل منها

صفية : كيفاش تقدري تخالفي كلمتي هنا قولي

روسلين قاعدة ساكتة و تخزر فيها بحقد كبير ؛ زمان و هي ساكتة و تخزر فيها لي تما كامل قاعدين يشوفو فروسلين لي كانت ساكتة رهف من جهة كانت منارفية و من جهة خائفة ملي راح ديرو روسلين
هبطت روسلين عينيها للبسينة تخزر فيها و تتفكر نهال كي كانت تدلكلها فرجليها و فرمشة عين رفدتها و دفقت هذاك الما لي كانوا فيه رجليها على صفية

لي تما نص تشوكا و نص حكمه ضحك مالغري ماشي وقته ، نرجس راحت لروسلين جبدتها روسليت دورت راسها لنرجس خزرت فيها خزرة تقتل و شدتها بيد وحدة من وجهها و رماتهها للارض

روسلين : بلاكي تزيدي دخلي روحك

دورت راسها ليهم واحد واحد تخزر فيهم و تهدر بالعياط

روسلين : قتلكم من قبل متخرجوش روسلين الدوزيام و نتي يا صفية ¤¤¤¤¤ واش قلتي مقبيل نهال مجاعة و حسبتلها ترقد و تاكل هنا باطل حبيت نقولك بلي نسيتي مهدرتيش على روحك نتي و ولادك على الاقل نهال يماها راهي تخدم عليهم و تتعب بعرق جبينها قوليلي نتي واش درتي من غير السم و الحقرة لي تطلقيه هنا
اشرف : روسليين عرفي واش راكي تهدري راهي اكبر منك حتى لوكان غلطت مع نهال ميعطيكش الحق تجوزي حدودك
روسلين : سمحلي نقولك لوكان يماك تعلمت ماجوزش حدودها حنا مانجوزوها ..( دارت لصفية ) .. اذا كامل هنا ساكتينلك انا لالا و ماليوم صدقيني اذا رجعت شفتك ظلمتي واحد ولا بهدلتيه بغير حق ولا عاملتي واحد من لي يخدمو هنا على انهم عبيد راح تلقايني فوجهك لي يخدمو هنا ياكلو وقتما يحبو و كيما حبو و اذا حبو يزيدو يزيدو و حتى لوكان باطل معليش قلقوك زوج دورو لي يديوهم انا نمدهملهم و ها هاذي كامل ليكم نهال مراهيش خدامة عند اي واحد فهمتو .... malheureusement ماما كامل واش حكيتيهلنا على جدي غالط قلتيلنا بلي صعيب و واعر بصح حنين و عادل و يدير الخير و متواضع و ميفرقش بين الناس و و و ... مي انا راني نشوف العكس فداره

خزر فيها جاسم خزرة خيبة انكسار قهرة حاسس لي تقولهولو كل خطرة صحيح مالغري يوجعو

رفدت روسلين روحها و خرجت غير لحقت للباب لقات ادهم واقف تما خزرت فيه مليح و هو تاني و خرجت

صفية قعدت واقفة مزالها sous choque مزال متقبلتش بواش صرالها دوكا خرجو واحد مور خوه غير نرجس لي راحت ليماها تواسي فيها رهف خزرت فيها خزرة اشمئزاز و راحت عند جاسم لي كان واقف كان حاس روحو مكسور

رهف : بابا جاسم مديرش على هدرة روسلين هي كي تزعف تخرج زعافها فالاخرين

دارلها بعينيه ايه و خرج .....

سمحولي البنات محطيتلكمش من مقبيل ؛ كنت حابة نحطلكم كاش 2 او 3 بارت مي وتتباد دارها بيا مصبح و انا معاه محبش ينشر البارت هذاوين حطه سما راح وقتي غير و انا معاه المهم اليوم ان شاء الله راح نسيي نحطلكم حتى 5 بارت باش نمشيو فالحكاية 💜

يتبع 💚💚 ....