قاعدة تطل من تاقتها ، شافت طونوبيل تاعو دخلت بلعت ريقها و دورت راسها للبونك تاعها تشوف فالشوميز لي ولات روز بالازرق ؛ شافته هبط من طونوبيل و دخل للدار
......
دخل ادهم لشمبرته ؛ سمعته روسلين كي غلق الباب رفدت هذيك شوميز فيدها و خرجت غير لحقت قدام باب تاعه ترددت اذا تدخل ولا لالا خطوة لقدام و وحدة للور فاخر دقيقة قررت طبطب
قعدت طبطب مسمعت حتى رد ؛ فتحت الباب بلعقل و دخلت غير راسها تطل ملقات حتى واحد دخلت بلعقل تحوس عليه بعينيها ملقاتوش
روسلين : بفف وين راح هذا
هي غير دارت خبطت فيه فتحت عينيها و هي تشوف فيه قدامها جرات خبات الشوميز مور ظهرها
ادهم : كاين حاجة اسمها الباب اذا علبالك
روسلين : علبالي طبطبت بصح كي مرديتش ... دد... دخلت
ادهم : واش جابك
روسلين : رجليا ... احمم قصدي ...
ادهم : شوفي اذا معندك متقولي اخرجي عليا
دور راسو رايح للبونك و فنفس الوقت ينشف فشعرو بسربيتة ؛ غمضت عينيها و نطقت ضربة وحدة
روسلين : جيت باش ندير معاك اتفاقية صلح و سلام
عقد حواجبو و دار عندها
ادهم : اتفاقية واش
روسلين : صلح وسلام ... يعني منهار جيت و نتا متحملنيش و فالحق انا تاني منحملكش على هاذي مدامك وليد عمي الكبير قلت وعلاش منتفاهموش و ننهيو هاذ العداوة اممم واش رايك
قعد ساكت و ينشف فشعرو بلا مبالاة هي تقلقت منو بصح كي تتفكر الشوميز لي فيدها تسكت
روسلين : السكوت علامة الرضى ياك
ادهم : ..... شوفي انا معندي لا عداوة معاك لا والو و اذا سقمتي لسانك معايا مراح يكون غير الخير بيناتنا و دوكا خرجي عليا
راح للدريسينغ تاعو و خلاها واقفة و هي لحقتو غير دار يجبد لحوايج لقاها واقفة قدامه هدر معاها و هو مقلق
ادهم : وقيلا حابة تبدليلي الحوايج
روسلين : اهه لالا .... اد... ادهم
دور راسو عندها مقلق ؛ فبلاصة ميخرج عندو شغل لقا روحو قاعد يسمعلها
ادهم : وشنو تاني
روسلين : حبيت نوريلك حاجة
دمعت عينيها و خزرت فيه
جت هذيك الشوميز بيد وراتهالو و قعدت مغمضة عينيها ؛ زمان فتحتهم باش تشوفو لقاته يخزر فيها ببرود هدرت بزربة
روسلين : اليوم رحت نغسل سروالي و بالغلطة حطيتة مع حوايجك و طشاتلك هاذي .... انا مدرتهاش بلعاني علبالي دوك تقول دارتها زكارة بصح انا نيتي صافية
شدت صدرها تقلع النفس من الهدرة
روسلين : ايي داق فيا نفس
جبد ادهم شوميز تاعو و قاللها
ادهم : سما spectacle تاع مقبيل كامل على جال هاذي
روسلين : لالا ... يعني منحب تكون عندي عداوة مع اي واحد مالغري نتا بديتها بصح حسيت روحي زدت عليها لمرة لي فاتت سورتو كي سرور باينة بلي تحبك ... يعني صح حبيت نخلف ثاري بصح حسيت روحي تلاعبت بمشاعر طفلة و انا مكان عندي اي نية عيانة .... ( تبسمت ) ... و زادت كملت عليها هاذ الشوميز صح مكانتش نيتي نفسدهالك و مكانش علبالي بلي كانوا حوايجك ف la machine à laver و بمانه اول مرة نغسل مكانش علبالي بلي البيوضا يتغسلوا وحدهم و زيد كيما سييت معاها باش نرجعها بيضة محبتش
خزر فيها ادهم و قاللها
ادهم : كنتي قادرة توريهالي ديراكت
روسلين : خفت من la réaction تاعك .... يعني مسامحني
ادهم : .... روحي جوزتهالك اليوم عندك زهر عندي شغل دوكا مراحش نلتهى بيك
روسلين : mercii كي جوزتهالي
طلع حاجبو
روسلين : وشبيك راني نتقعد برك ايا باي ... ربي معاك في شغلك
خرجت من عندو و هو بدل حوايجو و خرج
........
روسلين غير خرجت من شمبرة جات عينها في عين ريحان لي كانت جاية عند وليدها و لي غير شافتها عقدت حواجبها ؛ روسلين غير شافتها دخلت ديراكت لشمبرتها لي كانت لاسقة فشمبرة ادهم ؛ مكانتش حابة تلسق معاها بالهدرة
ريحان طبطت و دخلت عند ادهم لقاتو يلبس فساعتو
ريحان : ادهم راك خارج ؟؟
ادهم : ايه عندي شغل
ريحان : وشمن شغل دوكا
خزر فيها عاقد حواجبو
ادهم : من وقتاش دخلي روحك فشغلاتي يما
ريحان : مقصدتش حاجة ادهم بصح حبيت نعرف برك
راح باسها من خدها
ادهم : متتقلقيش مرانيش صغير و دوكا سمحيلي نخرج
هو غير لحق قدام الباب و هي نطقت
ريحان : ادهم
ادهم ( هدر بلعقل ) : حالفين ميخليوني نخرج ..... ( دار عندها ) انعم يما
ريحان : واش كانت دير عندك روسلين
عقد ادهم حواجبو و قاللها
ادهم : سحقتني وعلاش
ريحان : فواش سحقاتك
ادهم تنارفا من يماه ؛ اكثر حاجة يكرها واحد يدخل روحو فيه و يستجوبو هكذا
ادهم : نتي اكثر واحد يعرف بلي نكره لي يدخل روحو فيا
فتح الباب و خرج مخليها تاكل فروحها
يتبع 💜💜💜 ....
YOU ARE READING
ابن عمي { ادهم و روسلين } _ باللهجة الجزائرية
Romanceالقصة دور في دار وحدة بين اولاد العم و باقي التفاصيل تعرفوهم فالكرونيك ملاحظة : الرواية من نسج خيالي لا علاقة لها بالواقع
