خزرت فساعتها لقاتها ستة و نص دورت راسها لادهم و قالتله
روسلين : ادهم
ادهم : اممم
روسلين : متقوليش راح تدينا ديراكت للدار راهو قريب وقت العشاء اوموان دينا لكاش ريستورون ولا شريلنا العشاء مجياش ندخل جيعانة للدار
ادهم : وجهك صحيح على الباب
روسلين : ههه وعلاش خسارة فيا ، و اذا نتا مسمار قولي منزيدش نقولك
ادهم : لوكان تنقسي من لسانك ماشي خير
روسلين : وعلاش ديرونجيتك
ادهم : لالا والفتك
روسلين : مليح
.......
جازت قريب نص ساعة و هو يسوق و هي تقلقت
روسلين : وين رانا رايحين
ادهم : ماشي كنتي جيعانة
روسلين : ايه حنموت
ادهم : متموتيش متخافيش اصلا قريب نوصلو
روسلين : وين نوصلو
ادهم : دوك نلحقو و تشوفي
روسلين : ادهم راني نهدر sérieusement وعلاش جاي هكذا يا بن عمي تقول الهدرة راك تخلص عليها مفيها والو اذا هدرت جملة كاملة مفيدة ولا قسرت شوية مراحش ينقس من عمرك خطرات منفهمكش نحسك مزاجي بزااف صعيب بزاف سيي اضحك شوية مع الناس حوس عليهم اهدر بلعقل معاهم سقسي عليهم على حوالهم اذا كاش ما خصهم
ماشي غير تعيط عليهم و تبهدلهم
ادهم : قلبك راهو معمر
روسلين : كيما صباح بهدلتني بلا سبة ما خليتلي ما بقيتلي و فوق هذا حاوزتني
ادهم : الله يهديك روسلين ؛ نتي تشوفي البنادم في les problèmes و نتي تزيدي عليها
روسلين : هكذا فرغ قلبك فرغ مام نتا راهو معمر
ادهم : مجيبيش روحك ليا ؛ انا راني نهدرلك فلافريتي ملازمش تشوفي للحاجة غير من جهة وحدة
روسلين : محسوب انا مكنتش نهدر فلافريتي
ادهم : نتي تحوسي البنادم يكون parfait هذا مكان دوكا اذا انا جاي هكذا بسيف نبدل روحي
روسلين : مقلتش بدل روحك بصح سقم الحاجات لي تقدر تسقمهم
ادهم : حتى تسقمي روحك نتي و مبعد
عوجت فمها و قالتلو
روسلين : منقولكش انا parfaite بصح معندي منسقم فروحي الله يبارك عليا
ضحك و قاللها
ادهم : معليش حنا ماشي مسقمين و نتي لمليحة
روسلين : حبيت و لا كرهت مني مكانش زوج ، تبوس عينيك و متلقاش كيما روسلين
حبس الطونوبيل قدام un restaurant
ادهم : confiance تاعك سلفهالي
هبطو مالطونوبيل و هي قالتلو
روسلين : و نتا سلفلي وجهك نقابل بيه الناس
ادهم : خلاص تفاهمنا ملا
روسلين : اههه واش هذا بزاااف شباب هاذ restaurant .... نستعرف بيك هكذاك و جبتني اييي طلعلي الاندروفين ( هرمون السعادة 😉 )
خبطها لراسها و دخلوا
......
نروحوا للدار و نرجعو شوية للور نشوفو واش صرا
فاطمة : عمر
عمر : مساء الخير عمتي ... راح تخليني واقف فالباب
فاطمة : وشمن خير يجي معاك
YOU ARE READING
ابن عمي { ادهم و روسلين } _ باللهجة الجزائرية
Romanceالقصة دور في دار وحدة بين اولاد العم و باقي التفاصيل تعرفوهم فالكرونيك ملاحظة : الرواية من نسج خيالي لا علاقة لها بالواقع
