ادهم : ههه كيفاش متعرفيش متعرفيش مرت بابا و نتي ظلي عندها
صفارت رهف و لسانها حسته تبلوكا
رهف : .... ممم ... مرت باباك
دنا ادهم عندها و قاللها
ادهم : ايه مرت بابا اللي كان علبالك بيها و خبيتي حكايتها هاذ العوام كامل
هبطت رهف راسها و عضت على شواربها معرفتش واش تقول
ادهم : بصح برافو قعدتي ساكتة كامل هاذ la période و واحد مقدر يعرف بصح لي مقدرتش نفهمو .... هو كيفاش قدرتي تخبي طفلة صغيرة و تحرميها من يماها
طلعت راسها و فتحت عينيها متوقعتش يقدر كاش واحد يكتشف السر لي خباه منصف و شكون ادهم
ادهم : وين راهي
رهف : .... شكون
ادهم : مديريش روحك نية .. ختي وين راهي
رهف : معلباليش كان علبالي برك بزواج باباك منعرف حتى حاجة من غيرها
ادهم: حابة تقولي بلي بابا حكالك على زواجه و محكالكش على بنتو
رهف : ادهم قتلك معلبا....
ادهم : راكي تشوفي فيا جايح نامنك راني سور بلي نتي المراة لي خرجت ختي من سبيطاربلعت ريقها الابواب كامل تغلقو فوجهها ملقات متقول ؛ سكاتها غزلو و صوتو بدا يعلا
روسلين كانت هابطة فالدروج حتى سمعت العياط من شمبرة يماها عقدت حواجبهاروسلين : هذا صوت ادهم
.....
ادهم : اخر مرة نسقسيك ... وين راهي
دور راسو وقت دخلت روسلين عليهم
روسلين : واش كاين ؟؟
رهف يبست بلاصتها تشوف فروسلين و تزيد فادهم لي ترجاته بعينيها ميهدرش ، دخلت روسلين للداخل عندهم
روسلين : خير وعلاش راك تعيط على ماما ؟
ادهم : مدخليش روحك نتي
روسلين : نتي عندي اسمي اذا نسيته نفكرك بيه روسلين
رهف : روسلين بنتي خلاص حبسي ...
روسلين : منسكتش ماما ؛ مراكيش تشوفي فيه كيفاش كان يعيط عليك .. ( دارت عندو ) ... و نتا والفت تعيط على الناس و تغسلهم وصلت بيك مع لي كبير عليك هه و يماك دايما تهدر على تربية فالوقت لي لازم تعاود تربية لوليدها ... وعلاش جاي هكذا قاسح متعرف لا للظرافة و لا الحنانة ، قلت سيد معندوش قلب بصح معندك لا قلب ولا مبادئ ولا اخلاقخزر فيها عينيه كانوا حمورا من هدرتها من جهة يماها و الكذب تاعها و من جهة زادت كملت روسلين على مابيه ؛ دار لرهف و هدر معاها ببرود عكس لي داخلو
ادهم : هدرتنا مزال مخلاصت
خرج خلاها تخزر فيه تغزلت و ملقات واش دير تجاهلها و مهمتوش هدرتها مداهاش فيها ممبا هاذا لي خلاها تغلي دارت عند يماها
روسلين : واش كاين ماما وعلاش كان يعيط ادهم معاك ؟
رهف : اخرجي روسلين
روسلين : ماما ....
رهف ( عيطت عليها ) : قتلك اخرجي متفهميشخرجت روسلين بالتشناف ؛ رهف معرفتش منين طاحت عليها هاذ المصيبة و كيفاش راح تخرج منها غمضت عينيها علبالها ادهم راح يقعد موراها حتى يعرف وين راهي ختو و اذا عرفوا لي فدار دارها راح يتخرب كامل
........
لحق وقت العشاء و تلموا كامل على طابلة دخل ادهم اخر واحد ؛ غير دخل تقابله سرور قاعدة عقد حواجبه و فاطمة غير شافته يخزر هطذاك نطقت
فاطمة : احمم ادهم انا عرضت سرور للعشا
ادهم : و انا واش دخلني كي راكي تقوليليشد بلاصته و قعد ، حطه العشاء و ريحان كل دقيقة تسقسي فسرور هاكي كولي زيدي حطي رفدي شربي واش رايك .... نطقت روميسة
روميسة : ههه تقول طفل صغير راكو تعلمو فيه ياكل
طرطقو البنات بضحك روسلين قاعدة تسيي تشد فضحكتها ، نطقت ريحان
ريحان : حنا هكذا نعاملوا ضيفنا نتوما كيفاش تعاملوه
امنية : حنا نحطولوا قدامه و نخليوه منحشموهش هكذا
ريحان : مشاء الله ميتصاحبو حتى يتشابهو يعني كيما نتوما كيما روسلين
روسلين : وعلاش معمرنالكش العين طاطا ريحان
امنية : راهي تعمرت بسرور
ريحان : وعلاش متتعمرش ؛ واش خصها الطفلة مكانش لي متعجبوش
روسلين : امنية و روميسة تاني ضياف طاطا ريحان كيما هوما كيما سرور راني نفكر فيك باش تعرفي كيفاش تتعاملي معاهم كضيافتبسمتلها روسلين و فاطمة قحرتلها تاع اسكتي
صفية : لالا ريحان ولات تمشي بالوجوه
خزرت فيها ريحان مشوكية من هدرتها و كيفاش دارت عليها تبسمت صفية و قالتلها
صفية : ههه راني نقسر معاك وشبيك
جاسم : ايا خلاص اسكتو شوكيتو ضياف ... بناتي مديروش عليهم انا ولادي و بناتي دايمن يتناقرو هكذا
ريحان : اليوم ضياف و غدوة من العائلة ان شاء الله
صفية : وضحي كثر ريحان متهدريش ب les codes
ريحان : يعني يا بابا جاسم انا سرور تعجبني بزاف نتمنى يجي نهار و تولي من عائلتيفهموها كامل مالاول بلي راهي تقصد ادهم بهدرتها ؛ هو تقلق بزاف اكثر انسان لازم يفهم الواحد هو يماه بصح ريحان عمرها ولا تفهمو مالغري فهمها شحال من خطرة مي هي ظل تزير عليه
ادهم : مدام حابة ترجع من عائلتك ديها لخوك ياك راهو حاب يتزوج
سرور حمارت و دخلت بعضها حشمها راسها مقدرتش ترفدو و ريحان تاني تقلقت من هدرته
ادهم : بصحتكم ... انا راني خارج
يتبع 💚💚💚 .....
![](https://img.wattpad.com/cover/275612509-288-k47364.jpg)
VOCÊ ESTÁ LENDO
ابن عمي { ادهم و روسلين } _ باللهجة الجزائرية
Romanceالقصة دور في دار وحدة بين اولاد العم و باقي التفاصيل تعرفوهم فالكرونيك ملاحظة : الرواية من نسج خيالي لا علاقة لها بالواقع