خرجت رهف مور ماخرج جاسم و قعدت غير صفية و بنتها
نرجس : ماما مفهمتش كيفاش سكتيلها
صفية : مرانيش مامنة كيفاش دارتلي هكذا ؛ وحدة ما تسواش ديرلي هكذا
نرجس : شفتيها ماما كيفاش طبعتني ... راح نرجعهالها و نخليها تتقهر و تذل كيما هانتنا
صفية : ميكونش اسمي صفية اذا مرجعتهمش منين جاو......
فتحت روسلين شمبرة نهال و جميلة بلعقل دخلت لقات نهال قاعدة قدام تاقة راحت عنقتها ملور و مسحتلها دموعها بيدها
روسلين : راكي زعفانة مني
نهال : .... لالا وعلاش نزعف منك
روسلين : بارسكو بسبتنا صرالك هكذا
نهال : روسلين مكان مدخلكم نتوما ... اصلا انا لي زدت درتلكم المشاكل كثر و كثر
روسلين : لالا هي مالاول هذيك العجوزة منحملهاش ماشي بسبتك
نهال : خلاص متزيديش تهدريلي على لي صرا تعيشي روسلينتبسمتلها روسلين و حطت راسها على كتفها
.....
نروحو للبيرو تاع جاسم كان قاعد هو و مقابلاتو صفية لي كان وجهها صفر خايفة من باباها
جاسم : يعطيك صحة صفية طلعتيلي راسي و خليتيني نفتخر بيك
صفية : بابا ...
جاسم : كل يوم نقول راهي كبرت دوك تتبدل بصح مزالك صفية المتكبرة الحقارة لي تشوف للمظاهر و متشوفش للداخل لوقتاش راح تقعدي هكذا
صفية : بابا راك تظلم فيا بلاك غلطت شحال من خطرة بصح مرانيش حقارة ولا متكبرة نظرتك ليا غالطة
جاسم : خايف يا صفية تنشري هاذ المرض فولادكهبطت صفية راسها ؛ منبعد ناضت لعند باباها سلمتلوا على راسو و قالتلوا
صفية : سمحلي بابا بزاف ؛ نوعدك مراحش تتعاود
جاسم : نتمنى ... قولي لفخرية تبعتلي نهالتبسمتله صفية و خرجت غير خرجت تبسيمتها طفات تقدر تشوف غير عينيها لي تشعل نار و ماشي ناوية على خير
......
نروحو لعند رهف لي كانت قاعدة فشمبرتها تشرب فالقهوة حتى تفتحت الباب عليها طلعت راسها لقاتها جميلة ؛ طلعت رهف حاجبها و قالتها
رهف : خير جميلة متعرفيش دقدقي الباب
جميلة : منعرفش
رهف : منعرفش !!! ... واش هاذ الهدرة
جميلة : رهف نتي وعدتيني منقبل ولا نسيتي وعدك ؛ وعدتيني نهال متقيسها حتى شعرة وعدتيني متنقصها حاجة ولا تخلي دمعتها تهبط وين راه وعدك
رهف : جميلة راهي فوق طاقتي اذا انا حاصلة فروحي و فبناتي اذا بناتي و مطلقوهمش حابة يطلقولك نهال
جميلة : ههه بناتك تحبي نفكرك بلي نهال متفرقش عليهم فالوقت لي لازم تكون مع سياد دار ولات هي تخدمهمناضت رهف تجري غلقت الباب و جبدت جميلة
رهف : هبلتي قولي حابتهم يسمعوك
جميلة : خليهم يسمعو نهال روحي و عينيا انا لي كبرتها و سهرت عليها و نقدر نتخاسر معاك على جالها فهمتيجبدتها رهف من وجهها
رهف : شوفي جميلة متسييش طولي لسانك عليا فهمتي انا رهف نقدر ننفيك منا و ننسى عشرتنا و باش يكون فعلمك بلي نتي الخاسرة الوحيدة اذا خرج السر لي بيناتنا راح تخسري نهال وقتها صدقيني مراحش ترجعي تشوفيها متسييش تلعبي بالنار ماشي انا لي تمشي عليا كلمتك و دوكا خرجي عليا
خرجت جميلة و رهف مسحت على شعرها من جهة صفية و مشاكلها و من جهة زادتلها جميلة
........
فالبيرو تاع جاسم كان قاعد و مقابلاتو نهال لي كانت مهبطة راسها و حشمانة تبسملها جاسم و قاللها
جاسم : نهال شوفي فيا ..... نيابة على صفية و على كامل الدار نطلب منك السماح على واش صرا
نهال : لالا مسيو جاسم متستاهلش تطلب السماح ما صرا والو
جاسم : تقدري تعيطيلي جدي اذا حبيتي مكلاه مسيو ؛ حبيت نقولك بلي اذا سحقيتي اي حاجة راني هنا بلاكي تحشمي و متقصدينيش
نهال : يعطيك الصحة يكثر من خيرك جدي ؛ انا دوكا سمحلي نروح تكون ماما تحوس عليادارلها براسو ايه و خرجت
.......
في الليل كامل :
هبطت روسلين للصالون هي كانت داخلة و امجد خارج شافها بدا يتبسم معاها و هي قلبت عينيها ماشي حاملاتو دخلت لقات ميس و التوام قاعدين يتفرجو قعدت معاهم
جاد : اوهوه شكون جا
ميس : اكثر وحدة لسانها طويل فدار
جاد : اقبح وحدة
ميس : اكثر وحدة متحشمش
جاد : مولات المشاكل و العياط ههه
روسلين : merci beaucoup c'est très gentille de votre part ؛ يعني ما خليتو حاجة فيا مشكرتوهاش
قمر : خليوها وعلاش راكو تهبلو فيها
جاد : اهه انا جوست عجبني le spectacle تاع صباح
ميس : ههه صفية ولات جاجة مشمخة
جاد : قصدك بطة
قمر : ههه نتا خدمتك تضحك على الغاشيروسلين : عيب جاد
جاد : اممم عيب علينا و حلال عليكمضيقت روسلين فيه عينيها و فرفشتله شعره
روسلين : ههه متحشمش ... يووه شعرك شحال رطب
جاد : c'est naturel mademoiselle لا كيراتين ولا بروتين لا سيشوار ولا ليسور
روسلين : شكروا مسيو جاسم لي جاب عرايس شعرهم شباب بارسكو رجال ¤¤¤¤¤ شعرهم مشاء الله عليهطرطقوا يضحكوا و صفية جازت من تما شافتهم قاعدين يضحكوا تبسمت بسخرية و راحت للكوزينة غير دخلت لقات زوج خدامات ينشفو فالماعن و ريحان تشرب فالتاي راحت قعدت قدامها
صفية : حطولي كاس تاي انا طار عليا النعاس اصلا
يتبع 💚💚💚 .....
DU LIEST GERADE
ابن عمي { ادهم و روسلين } _ باللهجة الجزائرية
Romantikالقصة دور في دار وحدة بين اولاد العم و باقي التفاصيل تعرفوهم فالكرونيك ملاحظة : الرواية من نسج خيالي لا علاقة لها بالواقع