في شمبرة رهف كانت مكسلة هي فالوسط و ميس و روسلين معنقينها من الجنب و هي تلعب بشعرهم
ميس : ماما مقعدش بزاف و ندخلو للمسيد رهف : ايه جدك قالي بلي دخلك فاحسن مسيد كاين هنا ميس : ميهمنيش احسن واحد ولا لالا المهم نقرا روسلين : اوهوه على الخباشة تاعنا ميس : اسكتي نتيا رهف : هه خلي القارية تاعنا وعلاش راكي تقلقي فيها روسلين : و انا واش خصني ميس : غيورة روسلين : شوف كيفاش راهي طول فلسانها عليا ميس : ههه رهف : ايه مقلتوليش ، كيفاش جاتكم القعدة هنا ميس : انا بدا يعجبني الحال هنا يعني كاين لي يصلحو هه هي صح ماشي كامل ملاح معانا بصح على الاقل جامي واحد عيط عليا ولا نبزني بهدرة عيانة من غير عمتو صفية
ناضت ميس تبسمت و قالتلها
ميس : حتى ادهم مدلي حصان و رحب بيا يعني فالاخر كاين ناس يحبونا هنا
مسحتلها رهف على راسها و تبسمت
رهف : قتلكم من قبل راح توالفو و مع الوقت راح تتقربو لبعضكم روسلين : عجبتني هدرتك بزاف ماما بصح لوكان تهبطي لارض الواقع مراحش تلقاي هكذا ميغروكش زوج كلمات لي يقولوهملكم هي صح كاين ناس ملاح هنا بصح ماشي معنتها يحبونا و حابينا نقعدو هنا و انا صراح رهف : كلش يجي مع الوقت روسلين و متنسايش هاذي هي عائلتك و الدم عمرو مايولي ماء روسلين : oui و دوماج منقدروش نخيرو عائلتنا ... انا نعست راح نرقد
دورت روسلين راسها و غمضت عينيها و رهف غمضت عينيها حست بيد تحطت على كتفها فتحت عينها لقاتها ميس
ميس : خليها ماما ياك روسلين و تعرفيها
تبسمتلها رهف منبعد رقدوا
صباح جديد :
اليوم الجمعة ؛ كانوا كامل الخدامين فالكوزينة لي يوجد القهوة و لي يوجد للفطور ؛ صونات لاصونات تاع الفيلا راحت فخرية فتحت الباب
فخرية : صباح الخير مسيو مؤيد مؤيد : صباح الخير فيفي فخرية : تفضل مؤيد : يزيد فضلك
دورت صفية راسها خارجة حتى شافت طفلة قاعدة فالطابلة و تاكل فالقاطو لي وجدوه
صفية : ايي ماشي نتي بنت الخدامة تاع رهف
نهال حبست اللقمة لي في فمها و بلعتها بسيف

Oops! This image does not follow our content guidelines. To continue publishing, please remove it or upload a different image.
هاذي نهال
نهال : ايه مدام ... انا هي
راحت صفية عندها
صفية : ههه مليح عجباتك ماكلتنا
نهال حمارت و ماعرفتش واش تهدر
صفية : هنا الخدامين ياكلوا واش يقعد مور ما نكملوا حنا جابلي ربي علبالك بلي يماك راهي خالصة ، و مدامك قاعدة هنا ساكنة تشربي و تاكلي هنا و باطل نتي تاني تخدمي حسبتلك دارك واقيل قاعدة هنا دوري و تاكلي كيما تحبي جميلة : مدام سمحيلي بصح انا راني هنا نخدم عليا و عليها و اذا على القاطو سمحيلنا مراحش تزيد تتعاود صفية : مهدرتش نتيا معاك مكفانيش هم رهف زادت جابتلي ناس ميعرفوش التربية لهنا متنسايش بلي راكي تهدري مع سيادك ؛ و نتيا دفي شوية ماء و جيبي بسينة و رواحي دلكيلي فيها رجليا
خرجت صفية و خلاتهم ؛ نهال هبطو دموعها تمتم هي بطبعها حساسة بزاف
جميلة : نهال حبسي بنتي دوك نهدر مع مدام رهفتهدر معاها نهال : لالا ماما منديرلهنش مشاكل لي فيهم يكفيهم و مدام صفية عندها لحق مدامني راني هنا لازم نخدم جميلة : بصح يا بنتي نهال : مابصح ما والو خلاص ماما
جبدت نهال بسينو و حطت ماء دافي و راحت
وصلت للصالون لقات صفية مؤيد و ريحان قاعدين دخلت مهبطة راسها و حطت السينة قدام رجلين صفية ؛ ريحان تهزت من بلاصتها
