البنات سمحولي بزااااااف و الله تزيرت و مكانش عندي انترنت 😭 و مكان يلحقني حتى ميساج من عندكم بارسكو موالفة ندير بالانترنت تاع الدار و كي صرا فيها بروبلام وليت ندير فليكسي و كي نطول فواتباد و انا نكتب تنتكل كامل بلخف كليت 15Go و زدت درت 2000da و خلاصو و الله راني نتعذب مع الانترنت اعذروني حتى تتسقملنا المهم حبيت نحطلكم بارت خفيف باش نشرحلكم لي صرا و وعد مني فليل راح نحطلكم راح نسيي ناكتيفي كل يوم فليل برك على جالكم و نسييو نراترابيو لي جاز على كل الحكاية مقعدلهاش بزاف بزاف ❤
جازوا اليامات لي كان فيهم توتر كبير ؛ كل واحد جابد روحو و اليوم بداو تحضيرات عرس اشرف لي مقعدلوش بزاف
روسلين كانت راقدة حتى حست بنادم يدغدغ فيها فتحت عينيها و بدات تضحك
نهال : اوهوه هذاوين ههه ربي مع لي يديك هذاوين تنوضي راهي 12
روسلين : ههه معندي منوض ندير القراية و خلاصت نرقد خيرلي
نهال : اممم ... سمعت بلي ... ( تكسلت قدامها ) .... بلي دارتهولك هذيك ريحان
روسلين : شكون قالك
نهال : زهرة يا ختي لسانها طويل لي يجي تحكيلو حكايتها
روسلين : ههه بصح قلبها بيض
نهال : اهه فهاذي معلباليش ؛ ديجا واش واش وقيلا بدلتيني
روسلين : جامي هبلتي نبدل ختي
نهال : اممم زعما ختك و معلباليش بحكايتك نتي و وليد عمك
روسلين : الله يهديك زدتي لحقتي بيماه
نهال : رورو مرانيش نقولك عندها الحق بصح باينة مهدرتش من راسها
يعني لوكان مشافتش كاش حاجة متهدرش
روسلين : مكان والو بيني و بينو سورتو من جهتو نهال معلباليش واش قالولها
حتى ولات تهدر هكذاك
نهال : واش قصدك سورتو من جهتو يعني و من جهتك ؟
روسلين : مقصدت والو حبيت نقولك بلي هو يشوفني بنت عمه و خلاص
نهال : و نتي
روسلين : نشوفو وليد عمي
خبطت نهال راسها بيدها
نهال : اههه منك علبالي بلي وليد عمك بصح راكي سور بلي متحبيهش
روسلين : محسوب لي نحسه بزاف important
نهال : باينة بلي يهم
روسلين : ......
نهال : على هاذي بعدتي على سراج و انا نقول وعلاش ..... وعلاش راكي ساكتة
اهدري
روسلين : واش نهدر
نهال : سقسيتك تحبيه ولا لالا ولا على الاقل كاين اعجاب شوفي روسلين متسييش
تكذبي عليا
روسلين : نحبه سافا تهنيتي هكذا ؛ بصح impossible يصرا لي فراسك
نهال : و وعلاش
روسلين : نهال هو يشوفني كيما خته قمر معلباليش كيفاش طحت بصح منقدرش نتامل بلي راح تقدر تكون بيناتنا حاجة
نهال : دخلتي فقلب سيد نتي باش تعرفي واش يحس
روسلين : فرضا واش راكي تقولي صح ... يماه راح تقبل اهه قولي
نهال : واش دخلك فاللفعة هذيك
روسلين : اللفعة هذيك يماه و انا منقدرش ندير مشاكل بيناتهم نهال
نهال : اييه و واش راح ديري دوكا
روسلين : مراح ندير حتى حاجة راح نجبد روحي قد ما نقدر ؛ مرانيش حابة ندير
تكسار الراس لروحي و مرانيش حابة نتجرح كثر
نهال : ديري لي يريحك عمري
روسلين : ... ايه و مؤيد
نهال : وشبيه
روسلين : وشنو وشبيه باين بلي طايح فيك يظل يجري موراك و يحوس عليك
نهال : هاذي بكري دوكا جبد روحو كامل مفهمتش وعلاش
روسلين : اممم بلاك كي شافك جابدة روحك
نهال : بلاك شاف واحد اخرى
روسلين : ايه صح بلاك عيا منك
نهال : زعما صح
روسلين : ههه وشبيك غرتي
نهال : وعلاش نغير تعييي رورو
روسلين : ههه
ناضو البنات و هبطو لتحت ؛ روسلين راحت قعدت مع يماها و ميس لي كانوا قاعدين فالصالون و نهال راحت عند جميلة
روسلين كانت قاعدة دير فتليفون حتى سمعت لاصونات تاع دار و موراها زادت سمعت الحس عقدت حواجبها كي سمعت صوت طفل صغير و راجل يهدرو
روسلين : اهه شكون جا
رهف : معلباليش دوك نروح نشوف
غير ناضت رهف و تدخل رحمة و ولادها
روسلين : اههه عمتو رحمة
راحت تجري عنقتها و رحمة زيرت عليها ؛ رحمة كانت اقرب وحدة ليهم دايمن تعيطلهم و كي كانوا عايشين وحدهم كانت كل متهبط للبلاد تروح عندهم ، زادت سلمت على رهف و ميس
رحمة : توحشتكم بزاف خذا ثلث سنين مشفتكمش
ميس : مام حنا توحشناك عمتو
روسلين : ههه ريان مزال مدؤت لاطاي
ريان : ماما قوليلها متبدانيش
روسلين : ههه خلاص متزعفش دبدوبي
رحمة : بووه واش حبيتها تقولك شينت و نتا راك غير تزيد
دخل صهيب لي كان مع يقسر مع فاطمة ؛ دخلو كيفكيف
صهيب : صباح الخير عليكم
رهف : صباح النور صهيب واش راك
صهيب : سافا الحمد لله و نتوما
رهف : لاباس الحمد لله
صهيب : اوهوه روسلين تبدلتي نشفالك كنتي يابسة ههه سمنتي بزاف دوكا
روسلين : ههه متحشمش ايه الهنا و راحة البال حسبتلك نتا الشيعة برك زعما عايش لهيك راني نشوف فيك غير تشيان و تتحرق
صهيب : راني مبرونزي ماشي محروق يا الجايحة
روسلين : اممم مزية قتلي
فاطمة : ههه اقعدو دوكا تقعدو واقفين
يتبع 💚💚💚 .....
YOU ARE READING
ابن عمي { ادهم و روسلين } _ باللهجة الجزائرية
Romanceالقصة دور في دار وحدة بين اولاد العم و باقي التفاصيل تعرفوهم فالكرونيك ملاحظة : الرواية من نسج خيالي لا علاقة لها بالواقع
